భార్య వేధింపులు తట్టుకోలేక సూరత్ వ్యక్తి ఏం చేశాడంటే ..?

భార్య, అత్తమామల మానసిక వేధింపులు తట్టుకోలేక గుజరాత్‌లోని సూరత్‌కు చెందిన ఒక వ్యక్తి ప్రభుత్వాన్ని వింత కోరిక కోరాడు. తనకు కారుణ్య మరణాన్ని ప్రసాదించాలని అతను జిల్లా కలెక్టర్ కు లేఖ రాశాడు. భార్య కేవలం డబ్బుల కోసమే తనపై గృహహింస కేసులు పెట్టి వేధిస్తోందని ఆరోపించాడు. పురుషుల రక్షణకు చట్టాలు లేకపోవడంతో న్యాయం జరగడం లేదన్నాడు. కోర్టుల చుట్టూ ఇక తిరగలేనని తనకు కారుణ్య మరణానికి అనుమతినివ్వాలంటూ అతను కోరడం సోషల్ మీడియాలో వైరల్ గా మారింది.