PRSYF రాష్ట్ర కార్యదర్శిగా హరికృష్ణారెడ్డి ఎన్నిక

By KUCHIPUDI BUJJIBABU· 1h ago· Salivahanapeta, Mangalagiri, Guntur

కడప జిల్లాలో రెండు రోజులపాటు నిర్వహించిన ప్రగతిశీల రెవల్యూషనరీ విద్యార్థి, యువజన సంఘం (PRSYF) తొలి రాష్ట్ర మహాసభల్లో రాష్ట్ర కార్యదర్శిగా సి. హరికృష్ణారెడ్డి ఏకగ్రీవంగా ఎన్నికయ్యారు. ఈ సందర్భంగా ఆయన మాట్లాడుతూ.. విద్యార్థులు, నిరుద్యోగులు, యువతకు ఇచ్చిన ఎన్నికల హామీలను ప్రభుత్వం అమలు చేయాలని కోరారు. ఐదేళ్లలో 20 లక్షల ఉద్యోగాలు, ఉద్యోగం వచ్చే వరకు నెలకు 3,000 నిరుద్యోగ భృతి, జాబ్ క్యాలెండర్, వంటి హామీల అమలుకు పోరాటం కొనసాగిస్తామని తెలిపారు.

More in Local

Local· 4m ago

రెంటపాళ్లలో పెన్షన్ల పంపిణీ.. పాల్గొన్న MLA

పల్నాడు జిల్లా సత్తెనపల్లి మండలం రెంటపాళ్ల గ్రామంలో పల్లెపండుగ కార్యక్రమం నిర్వహించారు. కార్యక్రమంలో MLA కన్నా లక్ష్మీనారాయణ, జిల్లా కలెక్టర్ కృతికా శుక్ల పాల్గొన్నారు. ఈ సందర్భంగా ఎన్టీఆర్ భరోసా పెన్షన్లను లబ్ధిదారుల ఇంటింటికీ వెళ్లి పంపిణీ చేశారు. లబ్ధిదారులతో మాట్లాడి వారి సమస్యలను అడిగి తెలుసుకున్నారు. అనంతరం గ్రామంలో రూ.26 లక్షల వ్యయంతో చేపట్టనున్న CC రోడ్ల నిర్మాణానికి శంకుస్థాపన చేశారు. గోకులం షెడ్లను ప్రారంభించారు.

రాజాం అభివృద్ధికి ప్రత్యేక నిధులు: MLA మురళీమోహన్

▶

Local· 6m ago

రాజాం అభివృద్ధికి ప్రత్యేక నిధులు: MLA మురళీమోహన్

విజయనగరం జిల్లా రాజాం నియోజకవర్గ అభివృద్ధికి ప్రత్యేక నిధులు కేటాయిస్తున్నామని MLA కొండ్రు మురళీమోహన్ తెలిపారు. రాజాంలో జరిగిన కార్యక్రమంలో ఆయన మాట్లాడుతూ... గత ప్రభుత్వ హయాంలో నిలిచిపోయిన అభివృద్ధి పనులను కూటమి ప్రభుత్వం వేగవంతం చేసిందని చెప్పారు. రోడ్లు, తాగునీరు, విద్య, వైద్యం వంటి మౌలిక సదుపాయాల కల్పనకు ప్రభుత్వం ప్రాధాన్యం ఇస్తోందన్నారు. సంక్షేమ పథకాల అమలుతో పాటు పరిశ్రమలు, ఉపాధి అవకాశాలను పెంచడమే లక్ష్యంగా పనిచేస్తున్నామని తెలిపారు.

Local· 16m ago

నేటి నుంచి జిల్లాలో పోలీసు యాక్ట్ అమలు

సంగారెడ్డి జిల్లాలో శాంతిభద్రతల పరిరక్షణకు అక్టోబర్ 1 నుంచి 31వ తేదీ వరకు 30, 30(ఏ) పోలీస్ యాక్ట్-1861 అమల్లో ఉంటుందని ఎస్పీ పరితోష్ పంకజ్ తెలిపారు. ఈ మేరకు జిల్లా వ్యాప్తంగా నిబంధనలు అమల్లో ఉంటాయని పేర్కొన్నారు. పోలీస్ అధికారుల ముందస్తు అనుమతి లేకుండా ఎలాంటి ధర్నాలు, రాస్తారోకోలు, నిరసనలు, ర్యాలీలు, బహిరంగ సభలు, సమావేశాలు నిర్వహించకూడన్నారు.

Local· 29m ago

సైబర్ నేరగాళ్ల మోసం.. మహిళ డబ్బు మాయం

ఆసిఫాబాద్ జిల్లా సైబర్ నేరగాళ్ల మోసంతో కాగజ్ నగర్ పట్టణానికి చెందిన బొల్లిశెట్టి అరుణ ఖాతాలో నుంచి రూ.50 వేలు మాయమైన ఘటన ఆలస్యంగా వెలుగులోకి వచ్చింది. గతనెల 28న ఒక్క రూపాయి డెబిట్, క్రెడిట్ అయినట్లు మెసేజ్ వచ్చింది. ఆమె అనుమానంతో బ్యాంక్ వెళ్లి సర్వీస్ నిలిపివేయాలని ఫిర్యాదు చేయగా వారు నిలిపివేయలేదు. మరుసటి రోజు ఆమె ఖాతా నుంచి రూ. 50వేలు డెబిట్ అయినట్లు బాధితురాలు తెలిపారు.