రెంటపాళ్లలో పెన్షన్ల పంపిణీ.. పాల్గొన్న MLA

By Siva· 53m ago· Rentapalla, Sattenapalli, Palnadu

పల్నాడు జిల్లా సత్తెనపల్లి మండలం రెంటపాళ్ల గ్రామంలో పల్లెపండుగ కార్యక్రమం నిర్వహించారు. కార్యక్రమంలో MLA కన్నా లక్ష్మీనారాయణ, జిల్లా కలెక్టర్ కృతికా శుక్ల పాల్గొన్నారు. ఈ సందర్భంగా ఎన్టీఆర్ భరోసా పెన్షన్లను లబ్ధిదారుల ఇంటింటికీ వెళ్లి పంపిణీ చేశారు. లబ్ధిదారులతో మాట్లాడి వారి సమస్యలను అడిగి తెలుసుకున్నారు. అనంతరం గ్రామంలో రూ.26 లక్షల వ్యయంతో చేపట్టనున్న CC రోడ్ల నిర్మాణానికి శంకుస్థాపన చేశారు. గోకులం షెడ్లను ప్రారంభించారు.

More in Local

Local· just now

ప్రేమ పేరుతో నమ్మించి.. పోక్సో కేసు

జోగులాంబ గద్వాల జిల్లాలో ఇంటర్ చదువుతున్న బాలికను పెళ్లి చేసుకుంటానని నమ్మించి లైంగిక దోపిడీకి పాల్పడిన యువకుడిని పోలీసులు అరెస్ట్ చేశారు. కర్నూలుకు చెందిన యువకుడికి అలంపూర్‌లో స్నేహితుడు ఉండటంతో అక్కడికి తరచూ వచ్చేవాడు. ఈ క్రమంలో బాలికతో పరిచయం పెంచుకుని ఆమెను మోసం చేసినట్లు పోలీసులు తెలిపారు. బాలిక గర్భవతి అని తేలడంతో కుటుంబ సభ్యులు పోలీసులను ఆశ్రయించారు. యువకుడిపై పోక్సో కేసు నమోదు చేసి రిమాండ్‌కు తరలించారు.

Local· 31m ago

రక్తదాన సేవలకు నిర్వాకుడికి సన్మానం

సిద్దిపేట జిల్లా బెజ్జంకి మండలం చీలాపూర్‌ భాస్కరాచారి సేవాసంస్థ ఆధ్వర్యంలో 14ఏళ్లుగా రక్తదాన శిబిరాలు నిర్వహిస్తున్నారు. మాజీ సర్పంచ్ శానగొండ భాస్కరాచారి వర్ధంతిని పురస్కరించుకుని ప్రతి ఏడాది శిబిరం ఏర్పాటు చేసి ప్రభుత్వ బ్లడ్ బ్యాంకుకు రక్తాన్ని అందిస్తున్నారు. ఆపదలో ఉన్న వారికి రక్తం ద్వారా అండగా నిలుస్తున్న సంస్థ సేవలను గుర్తించిన కరీంనగర్ ప్రభుత్వ జనరల్ ఆస్పత్రి సూపరింటెండెంట్ సంస్థ నిర్వాహకుడు శానగొండ శరత్‌ను సన్మానించి అభినందించారు.

Local· 36m ago

రోడ్డు పనులకు MLA శంకుస్థాపన

తూర్పుగోదావరి జిల్లా సీతానగరం మండలం ఇనుగంటివారిపేటలో 42 లక్షలతో నిర్మించనున్న కొత్త CC రోడ్డు పనులకు రాజానగరం MLA బత్తుల బలరామకృష్ణ గురువారం శంకుస్థాపన చేశారు. చిక్కాల దేవానంద్ ఇంటి నుంచి లంకాలమ్మ గుడి వరకు ఈ రహదారిని నిర్మించనున్నారు. గ్రామీణ ప్రాంతాల్లో మెరుగైన మౌలిక వసతులు కల్పించడమే లక్ష్యమని MLA తెలిపారు. రహదారి నిర్మాణంతో గ్రామస్తులతో పాటు లంకాలమ్మ ఆలయానికి వచ్చే భక్తులకు రాకపోకలు సులభతరం అవుతాయని చెప్పారు.

Local· 37m ago

అన్నపూర్ణ రిజర్వాయర్‌కు కొనసాగుతున్న ఇన్ ఫ్లో

సిరిసిల్ల జిల్లా ఇల్లంతకుంట మండల అనంతగిరి అన్నపూర్ణ రిజర్వాయర్కు ఎంఎంఆర్ నుంచి 3,252 క్యూసెక్కుల నీరు వచ్చి చేరుతోంది. గురువారం ఉదయం 6 గంటలకు రిజర్వాయర్లో 1.598 టీఎంసీల నీరు నిల్వ ఉండగా, నీటిమట్టం 389.39 మీటర్లుగా నమోదైంది. ప్యాకేజీ-11 ద్వారా 3,472, ఇతర అవసరాలకు 6 కలిపి మొత్తం 3,478 క్యూసెక్కుల నీటిని దిగువకు విడుదల చేస్తున్నారు.