లిప్ట్‌లో చిక్కుకున్న యువకుడు

By DK· 12 Jun 2026· Hmtvlive· హైదరాబాద్‌

TG: మహబూబ్‌నగర్‌కు చెందిన రాహుల్ ఉప్పల్‌లోని శ్రీలక్ష్మి వెంకటేశ్వర బాయ్స్ హాస్టల్‌లో ఉంటూ NRPలో ప్రైవేట్ ఉద్యోగం చేస్తున్నాడు. డ్యూటీ ముగించుకుని హాస్టల్‌‌కు వెళ్తుండగా ఉప్పల్ మెట్రోస్టేషన్ నుంచి రాత్రి 11గంటలకు 6-B స్కైవాక్ లిఫ్ట్ ఎక్కి కిందకు దిగుతుండగా లిఫ్ట్ సడెన్‌గా మధ్యలో ఆగిపోయింది. రాహుల్ లిఫ్ట్‌‌లోనే చిక్కుకుపోయి భయాందోళనకు గురయ్యాడు. హైడ్రా అధికారులు, ఉప్పల్ పోలీసులు, ఫైర్ సిబ్బంది సహాయక చర్యలు చేపట్టారు. దాదాపు రెండు గంటలపాటు లిఫ్ట్‌లో ఉన్న రాహుల్‌ను టెక్నీషియన్ సహాయంతో రాత్రి 1:15 గంటలకు సురక్షితంగా బయటకు తీశారు.

More in Politics

Politics· 6h ago

రెండు రోజులు తాగునీటి సరఫరా బంద్

యాదాద్రి భువనగిరి జిల్లాలో ఈ నెల 29, 30న రెండు రోజులు గోదావరి తాగునీటి సరఫరా బంద్. తుర్కపల్లి జిల్నర్ వద్ద 600 మిమీ గేట్ వాల్వ్ మరమ్మతుల కారణంగా 700 మిమీ డీఐ పైప్‌లైన్ నీటిని తాత్కాలికంగా ఆపేశారు. మిషన్ భగీరథ ఈఈ కె. రుకుణరకర్ ఈ వివరాలు తెలిపారు. మోటకొండూర్, యాదగిరిగుట్ట, గుండాల, ఆలేరు, ఆత్మకూర్, తుర్కపల్లి, భువనగిరి మండలాల్లో సరఫరా నిలుస్తుంది. యాదగిరిగుట్ట, ఆలేరు మున్సిపాలిటీలు, వైటీడీఏ పరిధిలోనూ ప్రభావం ఉంటుంది.

Politics· 12h ago

ఆక్వా యూనిట్లపై పవన్ కల్యాణ్ ఆదేశాలు

AP: ఆక్వా యూనిట్ల నుంచి వచ్చే వ్యర్థాలు నదులు, కాలువలు, భూగర్భ జలాల్లో కలవకుండా చూడాలని AP డిప్యూటీ సీఎం పవన్ కల్యాణ్ ఆదేశించారు. 119 ఆక్వా ప్రాసెసింగ్, 12 ప్రీ-ప్రాసెసింగ్ యూనిట్లలో రూల్స్ కచ్చితంగా పాటించాలని చెప్పారు. 82 యూనిట్ల నుంచి శాంపిల్స్ తీసుకుని చెక్ చేయగా.. 10 యూనిట్లలో సమస్యలు గుర్తించారు. దీంతో వాటికి షోకాజ్ నోటీసులు ఇచ్చారు. రెండు వారాల్లో సమస్యలు కరెక్ట్ చేసుకోవాలని అధికారులు చెప్పారు.

▶

Politics· 13h ago

జ్ఞానేష్.. భగ్గుమన్న CPI

TG: CEC జ్ఞానేష్ కుమార్‌ రిజైన్ చెయ్యాలనీ, ఆయన్ని అరెస్టు చెయ్యాలని డిమాండ్ చేస్తూ.. ఇవాళ CPI కార్యకర్తలు పోరాటం ప్రారంభించారు. తెలంగాణ EC హెడ్ క్వార్టర్ దగ్గరకు భారీ సంఖ్యలో తరలివచ్చారు. గేట్లు తోసుకొని లోపలికి వెళ్లేందుకు ప్రయత్నించారు. S.I.R పేరుతో కోట్ల మంది ఓట్లను తొలగిస్తూ.. రాజ్యాంగ విరుద్ధంగా పనిచేస్తున్న జ్ఞానేష్ కుమార్‌ను వెంటనే అరెస్టు చెయ్యాలని వారు నినాదాలు చేశారు. పోలీసులు వారిని అడ్డుకోవడంతో టెన్షన్ వాతావరణం కనిపించింది.

Politics· 18h ago

"పేదలకు ఇళ్లు ఇవ్వాలి" CPM డిమాండ్

విజయవాడ.. పాతబస్తీ 50వ డివిజన్‌లో ప్రజా సమస్యల పరిష్కారం కోసం CPM నాయకులు నిరాహార దీక్ష ప్రారంభించారు. 5 దశాబ్దాలుగా నివసిస్తున్న పేదలకు ఇళ్ల పట్టాలు ఇవ్వకుండా.. రూల్స్ సాకులు చెప్పడం అన్యాయమనీ, ఇల్లు లేని వారికి 2 సెంట్ల స్థలాలు ఇవ్వాలని CPM AP కార్యదర్శి వర్గ సభ్యులు CH బాబురావు డిమాండ్ చేశారు. కొండప్రాంతాలకు పట్టాలు ఇవ్వాలనీ, 10 లక్షల సాయం చెయ్యాలనీ, నగరాభివృద్ధికి ప్రత్యేక నిధి ఏర్పాటు చెయ్యాలనీ, జీవో 673 రద్దు చెయ్యాలని ఆయన కోరారు.