ఇరాన్‌లో 134 ఏళ్ల నాటి విష్ణు ఆలయం.. అమితాబ్ పోస్ట్‌తో వైరల్

By aravinda nyayapati· 18 May 2026· Tehran

ఇరాన్‌లోని బందర్ అబ్బాస్ పోర్ట్ సిటీలో ఉన్న 134 ఏళ్ల నాటి చారిత్రాత్మక లార్డ్ విష్ణు టెంపుల్ ఇప్పుడు సోషల్ మీడియాలో హాట్ టాపిక్ అయింది. బాలీవుడ్ బిగ్‌బీ అమితాబ్ బచ్చన్ దీనికి సంబంధించిన ఒక వీడియోను షేర్ చేయడంతో ఈ విషయం వెలుగులోకి వచ్చింది. 1892లో వ్యాపారం కోసం ఇరాన్ వెళ్లిన భారతీయ వ్యాపారులు ఈ గుడిని నిర్మించారు. ఇండియన్, పర్షియన్ ఆర్కిటెక్చర్ మిక్సింగ్‌తో ఉన్న ఈ టెంపుల్ గోడలపై శ్రీకృష్ణుడి పెయింటింగ్స్, బుద్ధుడి విగ్రహాలు కూడా ఉన్నాయి. మన పూర్వీకుల ట్రేడ్ హిస్టరీకి ఇదో సూపర్ ఎగ్జాంపుల్!

More in World

చేతబడి పేరిట.. మహిళను చెట్టుకు కట్టేసి మూకుమ్మడి దాడి

▶

World· 28 Sept 2026

చేతబడి పేరిట.. మహిళను చెట్టుకు కట్టేసి మూకుమ్మడి దాడి

ఫ్యూచర్ సిటీ అని ఒకవైపు హైదరాబాదు దూసుకుపోతుంటే కూతవేటు దూరంలో ఉన్న రంగారెడ్డి జిల్లా మంచాల మండలంలో మూఢనమ్మకాలు రూల్ చేస్తున్నాయి. చేతబడి లేదని సైన్సు చెబుతుంటే, అదే పేరు చెప్పి ఒక మహిళమీద గ్రామస్థులంతా మూకుమ్మడిగా దాడి చేశారు. ఆమె వయస్సు 60. పేరు పల్లటి వెంకటమ్మ. ఆ ముసలామెను చెట్టుకు కట్టేసి కొట్టారు. పోలీసులకు ఫిర్యాదు చేస్తే 14 మంది కేసులు నమోదు చేశారు. మూఢనమ్మకాల నిరోధక చట్టం తెచ్చి ప్రభుత్వం ఉక్కుపాదం మోపకపోతే ఇలాంటివి కొనసాగుతూ ఉంటాయి.

ఆ కులపోళ్ల గణేషుడికి నో ఎంట్రీ... రాజాంలో ఉద్రిక్తత

▶

World· 21 Sept 2026

ఆ కులపోళ్ల గణేషుడికి నో ఎంట్రీ... రాజాంలో ఉద్రిక్తత

కులం.. గణేషుడిని కూడా వదల్లేదు. మాల కులం వాళ్లు పెట్టిన గణేషుడు తమ వాడలోకి అడుగుపెట్టేందుకు వీల్లేదని కాపు కులస్తులు భీష్మించుకున్నారు. బారికేడ్లు పెట్టారు. దీంతో తీవ్ర ఉద్రిక్తత నెలకొంది. ఈ ఘటన విజయనగరం జిల్లా రాజాం మండలంలోని సారధి గ్రామంలో జరిగింది. గ్రామంలోని మాల కాలనీ యువకుల గణేషుడి ఊరేగింపును కాపు వీధిలోకి రానివ్వలేదు. బారికేడ్లు, తాళ్లను అడ్డంపెట్టారు. దీంతో రాజాం పోలీసులు జోక్యం చేసుకుని పరిస్థితిని అదుపులోకి తెచ్చారు. కుల వివక్ష చట్టరీత్యా నేరమని హెచ్చరించారు.

World· 19 Sept 2026

గంగాసాగర్‌లో కుల వివక్ష దాడి: ఇద్దరు SC యువకులకు గాయాలు

వికారాబాద్ జిల్లా యాలాల మండలం గంగాసాగర్ గ్రామంలో వినాయక నిమజ్జన ఊరేగింపులో కుల వివక్షతో కూడిన దాడి జరిగింది. ఈ ఘటనలో ఆనంద్ మాదిగ చేతికి కత్తితో తీవ్ర గాయమై నరాలు తెగాయని, మదయ శివకుమార్‌కు గాయాలయ్యాయని బాధితులు తెలిపారు. డీజేకు చందాలు ఇవ్వకుండా దళిత యువకులు నృత్యం చేయడంపై వివాదం తలెత్తిందని, కులం పేరుతో దూషించి దాడి చేశారని పేర్కొన్నారు. బాధితులు జిల్లా ప్రభుత్వ ఆసుపత్రిలో చికిత్స పొందుతున్నారు. KVPS, CITU, పీహెచ్‌పీఎస్ నాయకులు పరామర్శించారు.బాధ్యులపై SC ST act కింద కేసు నమోదు చేయాలన్నారు.

▶

World· 19 Sept 2026

సౌదీలో నిర్మల్ వాసుల గణేష్ నిమజ్జనం

సౌదీ అరేబియాలోనూ మన తెలుగువారు గణేష్ నిమజ్జనాలు చేశారు. సౌదీలోని తూర్పు ప్రాంతానికి (Eastern Province) రాజధానిగా, ఒక ప్రముఖ రేవు (పోర్ట్) నగరంగా విరాజిల్లుతున్న దమ్మము నగరంలోని సికో ప్రాంతంలో ఉమ్మడి ఆదిలాబాద్, నిర్మల్ జిల్లా వాసులు గౌరీ శంకర్, తారక్, తేజ పళ్లెం, మల్లేష్ వినాయక చవితి నిమజ్జన వేడుకలను భక్తిశ్రద్ధలతో నిర్వహించారు. విదేశాల్లోనూ మన సంస్కృతిని చాటుతూ భక్తులు శోభాయాత్రలో పాల్గొని గణనాథునికి వీడ్కోలు పలికారు. అనంతరం అన్నదాన కార్యక్రమంలో ప్రవాస భారతీయులు ఉత్సాహంగా పాల్గొన్నారు.