డంపు యార్డ్ జీవో రద్దు కోసం పోరాటం

By Adithya D· 21 Aug 2026

TG: రంగారెడ్డి జిల్లా కొత్తూరు మండలం సిద్ధాపూర్ గ్రామంలో ప్రభుత్వం ఏర్పాటు చేయాలని నిర్ణయించిన డంపియార్డు జీవో రద్దు చేసే వరకు ప్రజల పక్షాన పోరాడుతానని ఎమ్మెల్సీ నవీన్ రెడ్డి అన్నారు. షాద్‌నగర్‌లో ఆయనను కలిసిన సిద్దాపూర్ డంపు యార్డ్ వ్యతిరేక పోరాట సమితి నాయకులు రాంబల్ నాయక్, పినపాక ప్రభాకర్, తిరుమలయ్య తదితరులు డంపు యార్డ్ పై చేస్తున్న పోరాటంలో తమకు సహకరించాలని కోరుతూ వినతిపత్రం అందించారు. 10 గ్రామాలను నష్టం చేసే ఈ డంపు యార్డ్ ప్రతిపాదనను బీఆర్ఎస్ తరఫున అడ్డుకుంటామని హామీ ఇచ్చారు.

More in Local

పోలీసుల తీరుపై కోరుట్ల ఎమ్మెల్యే సంజయ్ ఫైర్

▶

Local· 6m ago

పోలీసుల తీరుపై కోరుట్ల ఎమ్మెల్యే సంజయ్ ఫైర్

TG: జగిత్యాల జిల్లా కోరుట్ల ఎమ్మెల్యే డాక్టర్ సంజయ్ పోలీసుల తీరుపై తీవ్ర ఆగ్రహం వ్యక్తం చేశారు. తెలంగాణ అసెంబ్లీ సమావేశాల ప్రారంభోత్సవం సందర్భంగా తొలిరోజు అసెంబ్లీకి వెళ్తున్న BRS ఎమ్మెల్యేలను పోలీసులు అడ్డుకోవడంతో తోపులాట చోటుచేసుకుంది. ఈ ఘటనపై ఎమ్మెల్యే సంజయ్ పోలీసుల తీరును తీవ్రంగా తప్పుబట్టారు. అసెంబ్లీకి వెళ్తున్న ప్రజాప్రతినిధులను అడ్డుకోవడం, దురుసుగా వ్యవహరించడం సరికాదని మండిపడ్డారు. ప్రజాప్రతినిధుల హక్కులను గౌరవించాలన్నారు.

Local· 16m ago

నిత్యావసర ధరలపై ఐద్వా ధర్నా

AP: విశాఖపట్నం జిల్లాలో నిత్యావసర వస్తువుల ధరలను తక్షణమే తగ్గించాలని డిమాండ్ చేస్తూ ఐద్వా జిల్లా కమిటీ ఆధ్వర్యంలో జిల్లా కలెక్టర్ కార్యాలయం వద్ద ధర్నా నిర్వహించారు. బియ్యం, పప్పులు, వంట నూనెలు, పంచదార తదితర ధరలను నియంత్రించాలని నాయకులు డిమాండ్ చేశారు. బ్లాక్ మార్కెటింగ్, అక్రమ నిల్వలు, కృత్రిమ కొరతను అరికట్టాలని కోరారు. రేషన్ వ్యవస్థను బలోపేతం చేసి 14 నిత్యావసర వస్తువులను రేషన్ ద్వారా అందించాలని, ప్రతి కుటుంబానికి నెలకు మూడు ఉచిత గ్యాస్ సిలిండర్లు ఇవ్వాలని డిమాండ్ చేశారు.

Local· 22m ago

తక్కువ వోల్టేజ్‌తో ఇబ్బందులు.. అధికారులకు ఫిర్యాదు

TG: మంచిర్యాల జిల్లా దండేపల్లి మండలం తాళ్లపేట గ్రామంలో విద్యుత్ సమస్యలను తక్షణమే పరిష్కరించాలని ఉపసర్పంచ్ పుట్టపాక తిరుపతి, గ్రామస్థుడు మాడ దయాకర్ డిమాండ్ చేశారు. ఈ మేరకు ప్రజావాణి కార్యక్రమంలో సంబంధిత అధికారులకు వినతిపత్రం అందజేశారు. గ్రామంలో తరచూ విద్యుత్ అంతరాయాలు, తక్కువ వోల్టేజ్ కారణంగా రైతులు, విద్యార్థులు, గృహ వినియోగదారులు తీవ్ర ఇబ్బందులు ఎదుర్కొంటున్నారని పేర్కొన్నారు. సమస్యలకు శాశ్వత పరిష్కారం చూపాలని కోరారు.

Local· 27m ago

చదువులో ప్రతిభ చూపితే నగదు ప్రోత్సాహకం

TG: నిజామాబాద్ జిల్లా నందిపేట్ తెలంగాణ రాష్ట్ర మోడల్ స్కూల్ విద్యార్థులను సర్పంచ్ ఎర్రం సిలిండర్ లింగం ప్రోత్సహించారు. సోమవారం పాఠశాలలో ప్రభుత్వం అందించిన యూనిఫాం దుస్తులు, షూస్‌ను విద్యార్థులకు పంపిణీ చేశారు. పదో తరగతిలో 550కుపైగా మార్కులు సాధించే ప్రతి విద్యార్థికి తన సొంత నిధుల నుంచి రూ.10 వేల నగదు బహుమతి అందిస్తానని ప్రకటించారు. అనంతరం పాఠశాల ప్రాంగణంలోని ఆకుకూరల నర్సరీని ప్రారంభించారు. విద్యార్థులు కష్టపడి చదివి మంచి ఫలితాలు సాధించాలని ఆకాంక్షించారు.