పేరెంట్స్ చేతుల్లో వాట్సాప్ కంట్రోల్

By Sharmila· 1d ago· Business-standard

టీనేజర్ల సేఫ్టీ కోసం వాట్సాప్ కొత్త పేరెంటల్ కంట్రోల్స్‌ను తీసుకొచ్చింది. సెప్టెంబర్ 30న ప్రకటించిన ఈ ఫీచర్లతో పేరెంట్స్, టీనేజర్లు తమ ప్రైవసీ సెట్టింగ్స్‌ను అవసరానికి వీలుగా మార్చుకోవచ్చు. ముఖ్యంగా, పేరెంట్స్ ప్రత్యేకంగా PIN సెట్ చేసుకునే అవకాశం ఉంటుంది. దీంతో వారి అనుమతి లేకుండా టీనేజర్లు ఈ భద్రతా సెట్టింగ్స్‌ను మార్చకుండా నియంత్రించవచ్చు. టీనేజర్లకు వాట్సాప్ యూజింగ్ ను మరింత సురక్షితంగా మార్చడమే ఈ మార్పుల లక్ష్యం అని కంపెనీ చెప్తుంది.

More in Technology

Technology· 4h ago

రీచార్జ్ ప్లాన్లు, STVలను ప్రముఖంగా ప్రదర్శించాలి

తప్పనిసరి చేసిన రీచార్జ్ ప్లాన్లు, స్పెషల్ టారిఫ్ వోచర్లు (STV) వివరాలను వినియోగదారులకు సులభంగా కనిపించేలా ఉంచాలని టెలికాం కంపెనీలను ట్రాయ్ ఆదేశించింది. కంపెనీల అధికారిక వెబ్‌సైట్లు, మొబైల్ యాప్‌లు, కస్టమర్ కేర్ కేంద్రాలు, విక్రయ కేంద్రాల్లో వీటిని ప్రముఖంగా ప్రదర్శించాలని సూచించింది. ప్లాన్ల వివరాలు సులభంగా అందుబాటులో లేక వినియోగదారులు ఇబ్బంది పడుతున్న సంధర్భంలో ఈ ఆదేశాలు ఇచ్చింది. 30 రోజుల్లోగా అమలు చేయాలని ఆదేశించింది.

Technology· 1d ago

భారత్‌లో 96% కంపెనీలకు సైబర్‌ షాక్‌!

భారత్‌లో 96% కంపెనీలు ఏడాది కాలంలో తీవ్రమైన సైబర్‌ దాడులను ఎదుర్కొన్నాయని సిస్కో రిపోర్టు తెలిపింది. మూడో వంతుకుపైగా దాడులు AI సాయంతో జరిగినట్లు తేల్చింది. టెక్నాలజీ కంటే టీమ్‌ల మధ్య కోఆర్డినేషన్ లోపమే పెద్ద ప్రాబ్లమ్‌గా మారిందని వివరించింది. డేటా వేర్వేరుగా ఉండటం, అనుమతులు ఆలస్యం కావడం కూడా సైబర్‌ ముప్పును పెంచుతున్నాయి. IT, నెట్‌వర్క్‌, సెక్యూరిటీ టీమ్‌లు కలిసి పనిచేస్తున్న సంస్థలు 40% మాత్రమేనని రిపోర్టు తెలిపింది.

Technology· 2d ago

ట్రాఫిక్ జామ్‌కి చెక్..

ఢిల్లీలో ట్రాఫిక్ కష్టాలకు చెక్ పెడుతూ కేంద్ర కేబినెట్ కీలక నిర్ణయం తీసుకుంది. 1,789.52 కోట్ల బడ్జెట్‌తో 42 మెయిన్ రోడ్లలో స్మార్ట్ ట్రాఫిక్ సిస్టమ్ (ITMS) తీసుకురానున్నారు. నెక్స్ట్ 24 నెలల్లో మూడు స్టేజ్‌లలో ఈ ప్రాజెక్ట్ కంప్లీట్ అవుతుంది. ఈ టెక్నాలజీ ద్వారా రియల్‌టైమ్‌లో ట్రాఫిక్ జామ్‌లు, యాక్సిడెంట్లను గుర్తించి రూట్ మేనేజ్‌మెంట్ చేస్తారు. అత్యవసర సమయంలో అంబులెన్స్‌లకు గ్రీన్ కారిడార్ సౌకర్యం కల్పించడంతో పాటు రూల్స్ బ్రేక్ చేసే వారిని ఈజీగా పట్టుకోవచ్చు.

Technology· 2d ago

డేటా లేకుండా ఫోన్లలో TV

ఇకపై వైఫై, ఇంటర్నెట్ డేటా లేకుండానే స్మార్ట్‌ఫోన్లలో లైవ్ టీవీ ఛానెల్స్ చూసే సరికొత్త 'డైరెక్ట్ టు మొబైల్' (D2M) టెక్నాలజీని ప్రసార భారతి త్వరలోనే లాంచ్ చేయబోతోంది. IIT కాన్పూర్, తేజస్ నెట్‌వర్క్స్‌తో కలిసి చేస్తున్న ఈ ప్రాజెక్ట్ ట్రయల్స్ ఇప్పటికే 19 సిటీస్ లో సక్సెస్ ఫుల్ గా కంప్లీట్ అయ్యాయి. అక్టోబర్‌లో కమర్షియల్ లాంచ్ కోసం ప్రపోజల్స్ జారీ చేయనున్నారు. అయితే ఈ టెక్నాలజీకి ATSC 3.0 సపోర్ట్ ఉన్న మొబైల్స్ అవసరం కావడం, ప్రస్తుత స్మార్ట్‌ఫోన్లలో ఈ ఫీచర్ లేకపోవడం దీనికి పెద్ద ఛాలెంజ్ గా మారింది.