ఫార్మసిస్ట్స్ డే వేడుకలు

By Yakaiah· 1h ago· Mahabubabad

వైద్య రంగంలో ఫార్మసిస్టులు చేసే సేవలు చాలా గొప్పవని తొర్రూరు మెడికల్ ఆఫీసర్ కొనియాడారు. ఇవాళ వరల్డ్ ఫార్మసిస్ట్స్ డే సందర్భంగా తొర్రూరు PHCలో కేక్ కట్ చేసి ఈ వేడుకను జరుపుకున్నారు. ఫార్మసిస్టులకు శాలువాలు కప్పి ఘనంగా సత్కరించారు. ఈ సందర్భంగా మెడికల్ ఆఫీసర్ మాట్లాడుతూ.. ఫార్మసిస్ట్ మహేష్ ఎన్నో ఏళ్లుగా తొర్రూరు PHCలో ఉంటూ ప్రజలకు ఎంతో సేవలు అందిస్తున్నారని అన్నారు.

More in Local

▶

Local· 32m ago

నీట మునిగిన ఊళ్ళు : అధికారుల చర్యలు

అల్పపీడనంతో గత మూడు రోజులుగా కురుస్తున్న భారీ వర్షాలకు పార్వతీపురం మన్యం జిల్లా పాలకొండ మండలంలో ఎరకరాయపురం, గొట్టమంగళాపురం, మంగళాపురం, గోపాలపురం, అన్నవరం, అంపిలి గ్రామాలను వరద నీరు చుట్టుముట్టింది. అయితే స్థానిక సబ్‌కలెక్టర్, DSP, తహసీల్దార్, SIల సమన్వయంతో వెంటనే NDRF దళాలతో ముందస్తు చర్యలు చేపట్టారు.

Local· 39m ago

హైదరాబాద్ ఫోటో ఎగ్జిబిషన్

హైదరాబాద్‌లో అక్టోబర్ 2, 3, 4 తేదీల్లో జరగనున్న ఫోటో ఎగ్జిబిషన్ పోస్టర్‌ను సత్తుపల్లి MLA మట్టా రాగమయి దయానంద్ ఆవిష్కరించారు. ఈ ఎగ్జిబిషన్‌లో సుమారు 100 కంపెనీలు పాల్గొని కొత్త కెమెరాలు, లేటెస్ట్ ఫోటోగ్రఫీ పరికరాలను డిస్‌ప్లే చేయనున్నాయని తెలిపారు. ఫోటోగ్రాఫర్లు కొత్త టెక్నాలజీని నేర్చుకుంటూ ముందుకు వెళ్లాలని MLA సూచించారు.

Local· 42m ago

STU పోస్టర్ ఆవిష్కరణ

సిద్దిపేట జిల్లా బెజ్జంకి మండలం బేగంపేట హైస్కూల్‌లో STU 80వ ఆవిర్భావ దినోత్సవ వేడుకల పోస్టర్‌ను ఆవిష్కరించారు. టీచర్స్ ట్రైనింగ్ మీటింగ్‌లో HM భరత్‌రెడ్డి ఆధ్వర్యంలో ఈ కార్యక్రమం జరిగింది. ఎస్టీయూ 80 ఏళ్ల సుదీర్ఘ ప్రస్థానాన్ని పురస్కరించుకుని ఆదివారం నిర్వహించే ఈ వేడుకలకు టీచర్లందరూ పెద్ద సంఖ్యలో వచ్చి సక్సెస్ చేయాలని నాయకులు పిలుపునిచ్చారు.

▶

Local· 47m ago

కల్లేరు గ్రామస్థుల డిమాండ్

చింతూరు మండలం కల్లేరు గ్రామం ఎదుర్కొంటున్న పోలవరం ముంపు సమస్యపై ప్రభుత్వం వెంటనే స్పందించాలని బాధితులు డిమాండ్ చేశారు. ప్రతిసారి వచ్చే వరదలకు ఇళ్లు, పంటలు మునిగిపోయి తీవ్రంగా నష్టపోతున్నామని, అధికారులు స్పందించడం లేదని ఆవేదన వ్యక్తం చేశారు. తమ గ్రామాన్ని వెంటనే 41.15 కాంటూర్ పరిధిలోకి చేర్చాలని డిమాండ్ చేశారు. నష్టపరిహారంతో పాటు భూమికి భూమి, R&R ప్యాకేజీ ఇవ్వాలని కోరారు.