AIకి వ్యతిరేకంగా రోబోల ధర్నా

By Anusha· 8h ago· Hungarianconservative

AI నియంత్రణ, ఆటోమేషన్‌ వల్ల మనుషుల జాబ్స్‌కు వస్తున్న ముప్పుపై ఆందోళన వ్యక్తం చేస్తూ పోలాండ్‌లో 30 రోబోలు వీధుల్లో నిరసన చేపట్టాయి. ‘డెమోక్రటిజం’(Democratism) అనే సామాజిక సంస్థ దీన్ని ఏర్పాటు చేసింది. వార్సాలోని పోలాండ్ డిజిటల్ వ్యవహారాల మంత్రిత్వశాఖ కార్యాలయం బయట జరిగిన ఈ వినూత్న నిరసనలో హ్యూమనాయిడ్ రోబోలు, రోబో కుక్కలు పాల్గొన్నాయి. రోబోలు జెండాలూపుతూ, ర్యాలీ చేస్తూ, లౌడ్‌స్పీకర్ల ద్వారా నినాదాలు చేశాయి. AIపై మరింత కఠినమైన రూల్స్ తీసుకురావాలని రోబోలు డిమాండ్ చేశాయి.

More in International

జపాన్‌లో భారీ వర్షాలు.. రికార్డుస్థాయి రెయిన్‌ఫాల్‌

▶

International· 8h ago

జపాన్‌లో భారీ వర్షాలు.. రికార్డుస్థాయి రెయిన్‌ఫాల్‌

జపాన్‌లోని నాగోయా సిటీలో భారీ వర్షాలతో నీట మునిగింది. నిన్న ఏకంగా 219.5 మి.మీ రెయిన్‌ఫాల్ రికార్డ్ అయింది. సెప్టెంబర్‌లో మూడో హైయెస్ట్ రెయిన్‌ఫాల్‌గా రికార్డైంది. ఒక్క గంటలోనే 101.5 మి.మీ వర్షం కురిసింది. దీంతో రోడ్లు, ఇళ్లు నీట మునిగాయి. బస్, మెట్రో సర్వీసులు టెంపరరీగా ఆగిపోయాయి. ఆల్మోస్ట్ 3,500 మంది షెల్టర్లకు వెళ్లారు. 400 మంది ఏషియన్ గేమ్స్ అథ్లెట్లు, స్టాఫ్‌ను కూడా సేఫ్ ప్లేస్‌లకు తీసుకెళ్లారు. 23 మందికి స్వల్ప గాయాలయ్యాయి.

International· 9h ago

సౌదీ చమురు కేంద్రాలపై హౌతీల దాడులు

ఇరాన్‌ మద్దతున్న హౌతీ తిరుగుబాటు గ్రూప్‌ సౌదీ అరేబియాపై భారీ దాడులు చేసింది. హౌతీలు యెమెన్‌లోని ఉత్తర, జనాభా ఎక్కువగా ఉన్న ప్రాంతాల్లో ఆధిపత్యం కలిగిన సాయుధ-రాజకీయ ఉద్యమం. సౌదీలోని అబ్హా, జిజాన్, నజ్రాన్, ఖమీస్ ముషైత్‌ ప్రాంతాల్లోని చమురు, ఆర్థిక, ఇతర కీలక కేంద్రాలను లక్ష్యంగా చేసుకుని మిస్సైల్స్, డ్రోన్లతో దాడులు చేశారు. దాడులతో పలు చోట్ల మంటలు చెలరేగి కొన్ని ఎనర్జీ కార్యకలాపాలు తాత్కాలికంగా నిలిచిపోయాయి. ఈ ఘటనల్లో 73 మంది గాయపడినట్లు అధికారులు చెప్పారు.

International· 12h ago

వరదల తర్వాత నేపాల్‌కు భూకంపం

ఇప్పటికే భారీ వరదలు, కొండచరియల విరిగిపడిన ఘటనలతో ఇబ్బందులు పడుతున్న నేపాల్‌కు మరో ప్రకృతి విపత్తు ఎదురైంది. మంగళవారం రాత్రి ముస్తాంగ్‌ జిల్లాలో 5.3 తీవ్రతతో భూకంపం వచ్చింది. రాత్రి 9.53 గంటలకు భూమి కంపించగా మానాంగ్‌, డోల్పా, మయాగ్డి జిల్లాల్లోనూ భూమి కంపించింది. ఇటీవల సంభవించిన వరదల్లో భారీ ప్రాణ, ఆస్తి నష్టం జరిగిన సందర్భంలో ఈ భూకంపం ప్రజల్లో మరింత ఆందోళన కలిగించింది. భూకంపం వల్ల ఇప్పటివరకు ప్రాణనష్టం లేదా భారీ ఆస్తి నష్టం జరిగినట్లు సమాచారం లేదు.

International· 12h ago

రష్యా-ఉక్రెయిన్ మధ్య మళ్లీ చర్చలు?

రష్యా, ఉక్రెయిన్, అమెరికా ప్రతినిధుల మధ్య మరోసారి త్రైపాక్షిక చర్చలు జరిగే అవకాశం ఉందని జెలెన్‌స్కీ చెప్పారు. సెప్టెంబర్‌లోనే చర్చలు జరిగితే బాగుంటుందని, వీలైనంత త్వరగా జరగాలని ఆయన అన్నారు. ఇటీవల అమెరికా ప్రతినిధులు స్టీవ్ విట్‌కాఫ్, జారెడ్ కుష్నర్ మాస్కో, కీవ్‌లో విడివిడిగా చర్చించారు. యుద్ధాన్ని ముగించేందుకు కొన్ని మంచి ప్రతిపాదనలు వచ్చాయని జెలెన్‌స్కీ చెప్పారు. చర్చలకు టర్కీ, UAE, స్విట్జర్లాండ్ వంటి దేశాల్లో ఏదైనా వేదిక కావచ్చని అంచనా.