యువత కోసం గ్రౌండ్.. సర్పంచుల కీలక నిర్ణయం

By rajinikanth nagilla· 1h ago· Bheemadevarpalle, Bheemadevarpalli, Hanumakonda

TG: హనుమకొండ జిల్లా భీమదేవరపల్లి మండలంలోని కొత్తకొండ, చంటయ్యపల్లి గ్రామాల పోలీస్ ఉద్యోగార్థులకు సర్పంచులు అండగా నిలిచారు. కొత్తకొండ సర్పంచ్ సిద్ధమల్ల రమా రమేష్, చంటయ్యపల్లి సర్పంచ్ భూక్య సునీత మణికంఠ గ్రామీణ యువతకు ఫిజికల్‌ శిక్షణ అందించేందుకు అవసరమైన వసతులు కల్పిస్తామని హామీ ఇచ్చారు. స్థానికంగా ప్రత్యేకంగా గ్రౌండ్ ఏర్పాటుచేసి పోలీస్ ఉద్యోగాలకు సిద్ధమవుతున్న యువతకు శిక్షణకు అనుకూల వాతావరణం కల్పిస్తామని తెలిపారు. గ్రామీణ యువత పోలీస్‌ ఉద్యోగాల్లో రాణించేందుకు సహకారం అందిస్తామని పేర్కొన్నారు.

More in Local

Local· 26m ago

కొబ్బరి చెట్టుపై పిడుగు.. స్థానికుల ఉలిక్కిపాటు

AP: గుంటూరు జిల్లా ప్రత్తిపాడులో పిడుగు ఘటనతో స్థానికులు ఒక్కసారిగా ఉలిక్కిపడ్డారు. విశ్రాంత రవాణా శాఖ ఉద్యోగి ఎం. చిన్నారావు ఇంటి సమీపంలోని కొబ్బరి చెట్టుపై ఆదివారం సాయంత్రం పిడుగు పడింది. పిడుగు ప్రభావంతో కొబ్బరి చెట్టు దెబ్బతిన్నది. భారీ శబ్దంతో ఘటన చోటుచేసుకోవడంతో చుట్టుపక్కల ప్రజలు ఆందోళనకు గురయ్యారు. అయితే పిడుగు పడిన సమయంలో చెట్టు సమీపంలో ఎవరూ లేకపోవడంతో పెను ప్రమాదం తప్పింది. ప్రాణనష్టం జరగకపోవడంతో స్థానికులు ఊపిరి పీల్చుకున్నారు.

Local· 29m ago

పోలింగ్ కేంద్రాలను పరిశీలించిన RDO

TG: కరీంనగర్ జిల్లా జమ్మికుంటలో SIR స్పెషల్ క్యాంపెయిన్ డే సందర్భంగా హుజూరాబాద్ RDO ప్రభుత్వ డిగ్రీ కళాశాల, ప్రభుత్వ బాలికల పాఠశాలలోని పోలింగ్ కేంద్రాలను పరిశీలించారు. ఈ సందర్భంగా BLOల పనితీరు, ఓటర్లకు అందుతున్న సేవలను పరిశీలించి తగిన సూచనలు, సలహాలు అందించారు. SIR ప్రక్రియను నిబంధనల ప్రకారం సమర్థవంతంగా నిర్వహించాలని సూచించారు. కార్యక్రమంలో తహసీల్దార్ జి. సుధాకర్, డిప్యూటీ తహసీల్దార్ శంకర్, గిర్ధావర్ సత్యనారాయణ, GPOలు శ్రావణ్, రాజ్ కిరణ్, హరీష్, వివేక్ తదితరులు పాల్గొన్నారు.

Local· 31m ago

ఉప్పునూతలలో మరోసారి గుప్తనిధుల కలకలం

TG: నాగర్‌కర్నూల్ జిల్లా ఉప్పునూతలలో మరోసారి గుప్తనిధుల తవ్వకాల ఘటన కలకలం రేపింది. గతరాత్రి మండల కేంద్రానికి 2 KM దూరంలోని రంగంపేట రహదారి పక్కన గుర్తుతెలియని వ్యక్తులు తవ్వకాలు చేపట్టారు. గమనించిన స్థానికులు పోలీసులకు సమాచారం అందించారు. పోలీసులు అక్కడికి చేరుకునేలోపే నిందితులు జేసీబీ, రెండు బైకులను వదిలి పరారయ్యారు. వాహనాలను పోలీసులు స్టేషన్‌కు తరలించారు. తవ్వకాలు ఎవరు చేపట్టారు, గుప్తనిధుల కోసమేనా అనే కోణాల్లో పోలీసులు దర్యాప్తు చేస్తున్నారు. జూలైలోనూ గుప్తనిధుల తవ్వకాల ఘటన చోటుచేసుకుంది.

Local· 59m ago

మొత్తం కంకర.. ఇదీ రోడ్డు దుస్థితి

TG: జోగులాంబ గద్వాల జిల్లా మాన్‌దొడ్డి–తుమ్మిళ్ల రహదారి నాలుగేళ్లుగా కంకర రోడ్డుగానే ఉండటంతో ప్రజలు తీవ్ర ఇబ్బందులు పడుతున్నారు. మాన్‌దొడ్డి, నసనూరు, చిన్నధన్వాడ, పెద్దధన్వాడ గ్రామాల ప్రజలు మండల కేంద్రానికి చేరుకునేందుకు ఇదే సమీప మార్గం. రోడ్డుపై గుంతలు, కంకర కారణంగా తరచూ ప్రమాదాలు జరుగుతున్నాయని స్థానికులు ఆవేదన వ్యక్తం చేస్తున్నారు. వాహనదారులు, ప్రయాణికులు తీవ్ర ఇబ్బందులు ఎదుర్కొంటున్నారని తెలిపారు. అధికారులు, ప్రజాప్రతినిధులు వెంటనే స్పందించి రోడ్డు నిర్మాణాన్ని పూర్తి చేయాలని కోరారు.