KVPS ఆవిర్భావ దినోత్సవానికి ఏర్పాట్లు

By Kamal Kumar· 1h ago· Yelal, Yelal, Vikarabad

వికారాబాద్‌ జిల్లా యాలాల మండల కేంద్రంలో కుల వివక్ష వ్యతిరేక పోరాట సంఘం (KVPS) 29వ ఆవిర్భావ దినోత్సవాన్ని నిర్వహించనున్నారు. శనివారం ఉదయం 11 గంటలకు యాలాల బస్టాండ్‌ వద్ద జెండా ఆవిష్కరణ కార్యక్రమం జరగనుంది. జిల్లా ప్రధాన కార్యదర్శి ఉప్పరి మల్లయ్య ముఖ్య అతిథిగా హాజరై జెండాను ఆవిష్కరిస్తారు. సమానత్వం, సామాజిక న్యాయం, కుల వివక్ష నిర్మూలన కోసం KVPS చేపడుతున్న కార్యక్రమాలను ఈ సందర్భంగా వివరించనున్నారు.

More in Local

Local· 2m ago

విజిలెన్స్‌ DSPగా మురళీకృష్ణ బదిలీ

మంగళగిరి గుంటూరు నార్త్‌ సబ్‌ డివిజనల్‌ పోలీస్‌ ఆఫీసర్‌ సీహెచ్‌ మురళీకృష్ణ విజిలెన్స్‌ అండ్‌ ఎన్‌ఫోర్స్‌మెంట్‌ DSPగా బదిలీ అయ్యారు. రెండేళ్ల రెండు నెలల పాటు విధులు నిర్వహించిన ఆయన.. మంగళగిరిలో VVIP బందోబస్తు, భద్రతా ఏర్పాట్లు, నిరసన కార్యక్రమాలను సమర్థంగా నిర్వహించామని తెలిపారు. పలు కీలక కేసుల ఛేదనలో సిబ్బంది సహకారం కీలకమన్నారు. తనకు సహకరించిన అధికారులు, సిబ్బంది, మీడియా, ప్రజలకు కృతజ్ఞతలు తెలిపారు.

Local· 7m ago

తూకాల్లో మోసాలకు పాల్పడితే కఠిన చర్యలు

నర్సంపేటలో తూనికలు, కొలతల నిబంధనలు పాటించని వ్యాపారులపై లీగల్‌ మెట్రాలజీ అధికారులు చర్యలు చేపట్టారు. జిల్లా అధికారి కె. మనోహర్‌ ఆధ్వర్యంలో చేపలు, చికెన్‌, మాంసం, పండ్ల దుకాణాల్లో ఆకస్మిక తనిఖీలు నిర్వహించారు. పరికరాలకు సకాలంలో ధ్రువీకరణ లేకుండా, శాఖ ముద్రలు లేకుండా వినియోగిస్తున్న 15 మంది వ్యాపారులపై కేసులు నమోదు చేశారు. వినియోగదారులకు సరైన తూకం అందించాలని అధికారి సూచించారు.

Local· 11m ago

అలర్ట్.. మూడు రోజులు..నీటి సరఫరా బంద్!

వెల్గటూర్ గ్రామంలో పాత వాటర్ ట్యాంక్ మరమ్మతు పనుల కారణంగా సోమవారం నుంచి మూడు రోజుల పాటు నల్లా నీటి సరఫరా నిలిచిపోనుందని గ్రామ పంచాయతీ కార్యాలయం తెలిపింది. అనివార్య కారణాల వల్ల మరమ్మతు పనులు చేపడుతున్నట్లు పేర్కొంది. గ్రామ ప్రజలు ముందస్తుగా నీటిని నిల్వ చేసుకుని ఇబ్బందులు లేకుండా చూసుకోవాలని, మరమ్మతు పనులకు సహకరించాలని పంచాయతీ అధికారులు కోరారు.

Local· 17m ago

మోర్తాడ్‌‌లో BSI ఒకరోజు దీక్ష

బీహార్ బుద్ధగయలో బౌద్ధ విహార్ ఆందోళన 600 రోజులు పూర్తయిన సందర్భంగా నిజామాబాద్ జిల్లా మోర్తాడ్‌‌లోని అమరవీరుల స్థూపం వద్ద BSI ఆధ్వర్యంలో ఒకరోజు దీక్ష చేపట్టారు. బౌద్ధ విహార్‌ను బౌద్ధులకే కేటాయించాలని, 1949 BT యాక్ట్‌ను వెంటనే రద్దు చేయాలని నాయకులు డిమాండ్ చేశారు. ఈ దీక్షలో BSI నాయకులు గంగాధర్, రాజు, రాజారాం, భూమన్న, నరసయ్య పాల్గొన్నారు.