ఇంటర్‌ ఫస్టియర్‌కు కొత్త రూల్‌

By Lokesh· 1h ago

తెలంగాణ ఇంటర్‌ బోర్డు 2026–27 విద్యా సంవత్సరం నుంచి ఫస్టియర్‌లో కొత్త మార్కుల విధానాన్ని తీసుకొచ్చింది. ఇకపై ఇంగ్లీష్‌తో పాటు తెలుగు, హిందీ, సంస్కృతం, ఉర్దూ, మ్యాథ్స్‌, సైన్స్‌, కామర్స్‌, ఆర్ట్స్‌ సబ్జెక్టులకు కూడా ఇంటర్నల్‌ మార్కులు ఉంటాయి. స్టూడెంట్ యాక్టివిటీ బేస్డ్‌ లెర్నింగ్‌, క్లాస్‌రూమ్‌ పనితీరు ఆధారంగా ఈ మార్కులు కేటాయిస్తారు. అలాగే ఫస్టియర్‌ నుంచే ఫిజిక్స్‌, కెమిస్ట్రీ, బోటనీ, జువాలజీ సబ్జెక్టులకు ప్రాక్టికల్స్‌ నిర్వహించనున్నారు.

More in TG

కరెంట్‌ సమస్యపై రైతుల ఆగ్రహం.. సబ్‌స్టేషన్‌ ముట్టడి

▶

TG· 55m ago

కరెంట్‌ సమస్యపై రైతుల ఆగ్రహం.. సబ్‌స్టేషన్‌ ముట్టడి

TG: కామారెడ్డి జిల్లా బిక్కనూరు మండలం భగీరథపల్లిలో కరెంట్‌ కోతలు, Low Voltageతో కరెంటు వస్తుందని రైతులు ఆందోళనకు దిగారు. విద్యుత్‌ సరఫరా సరిగ్గా రావడం లేదంటూ.. సబ్‌స్టేషన్‌ను ముట్టడించారు. లోవోల్టేజ్‌ కారణంగా మోటార్లు కాలిపోతున్నాయని రైతులు ఆగ్రహం వ్యక్తం చేశారు. ఈ క్రమంలో అధికారులతో వాగ్వాదం జరగడంతో సబ్‌స్టేషన్‌ వద్ద ఉద్రిక్తత నెలకొంది. పరిస్థితిని అదుపులో ఉంచేందుకు పోలీసులు మోహరించారు.

TG· 1h ago

7 రోజుల్లో చెక్కులపై సంతకం చేయకుంటే చర్యలు!

TG: గ్రామ పంచాయతీల్లో చెక్కుల చెల్లింపులు ఆలస్యం కాకుండా ప్రభుత్వం కొత్త ఆదేశాలు ఇచ్చింది. సర్పంచ్‌ సంతకం చేసిన చెక్కును ఉప సర్పంచ్‌కు ఇచ్చిన తర్వాత 7 పని దినాల్లోగా సరైన కారణం లేకుండా సంతకం చేయకపోతే జిల్లా కలెక్టర్‌ విచారణ చేపడతారు. కావాలనే జాప్యం చేసినట్లు తేలితే రూల్స్ ప్రకారం చర్యలు తీసుకుంటారు. అవసరమైతే ఉప సర్పంచ్‌కు ఉన్న చెక్‌ పవర్‌ను పంచాయతీ కార్యదర్శి, MPO లేదా MPDOలో ఒకరికి అప్పగించే అవకాశం ఉంది.

TG· 2h ago

ఫామ్‌ల్యాండ్‌ వెంచర్లతో కొత్త దందా!

TG: సంగారెడ్డి జిల్లా.. నారాయణఖేడ్‌ ప్రాంతంలో ఫామ్‌ల్యాండ్‌ పేరుతో గుంట, రెండు గుంటల భూములను ప్లాట్లుగా చేసి అమ్ముతున్నట్లు ఆరోపణలు వస్తున్నాయి. నాగల్‌గిద్ద, కంగ్టి, సిర్గాపూర్‌ మండలాల్లో 3 వేల ఎకరాలకు పైగా ఇలాంటి వెంచర్లు ఉన్నట్లు సమాచారం. హైదరాబాద్‌కు చెందిన సాఫ్ట్‌వేర్‌, ప్రైవేట్‌ ఉద్యోగులు ఎక్కువగా కొంటున్నారు. వ్యవసాయ భూమిని ఇతర అవసరాలకు మార్చాలంటే రూల్స్ ప్రకారం NALA అనుమతి అవసరం. కొనే ముందు అనుమతులు సరిగా ఉన్నాయో చూసుకోవడం ముఖ్యం.

TG· 2h ago

హైదరాబాద్ "కామన్ బస్ పాస్" రేట్లు ఇవే

TG: హైదరాబాద్‌లో ప్రయాణికుల కోసం తెచ్చిన కామన్ బస్ పాస్ రేట్లు ఫిక్స్ అయ్యాయి. డెయిలీ కామన్ పాస్ కాస్ట్ 400 రూపాయలుగా, ఇందులో మెట్రోకు 300 రూపాయలు, RTCకి 100 రూపాయలు ఉంటుంది. మంత్లీ పాస్ కాస్ట్ 8,500 రూపాయలు కాగా.. అందులో మెట్రోకి 7,000 రూపాయలు, RTCకి 1,500 రూపాయలుగా ఉంది. మెయిన్ బస్ టెర్మినల్స్, మెట్రో స్టేషన్లలో ఈ పాస్‌లు అందుబాటులో ఉంటాయి. డిజిటల్ టికెటింగ్ సదుపాయం కూడా కల్పించారు.