అదానీ వెనక్కి.. టిక్‌టాక్ బాస్ ముందుకు!

By Anusha· 2d ago

టిక్‌టాక్ మాతృసంస్థ బైట్‌డాన్స్ వ్యవస్థాపకుడు జాంగ్ యిమింగ్ ఆసియాలోనే అత్యంత సంపన్నుడిగా నిలిచారు. బ్లూమ్‌బర్గ్ బిలియనీర్స్ ఇండెక్స్ ప్రకారం ఆయన సంపద 105 బిలియన్ డాలర్లకు పైగా ఉంది. దీంతో గౌతమ్ అదానీని వెనక్కి నెట్టి తొలిసారి నెంబర్ వన్ ప్లేస్‌కు చేరుకున్నారు. అదానీ, ముకేశ్ అంబానీ రెండు, మూడు స్థానాల్లో ఉన్నారు. బైట్‌డాన్స్ AI రంగంలో వేగంగా విస్తరించడం, డౌబావో AI చాట్‌బాట్, సీడాన్స్ వీడియో జనరేషన్ మోడళ్ల వృద్ధి జాంగ్ సంపద పెరగడానికి ప్రధాన కారణాలుగా రిపోర్ట్ పేర్కొంది.

More in Current Affairs

Current Affairs· 8h ago

జంతువుల మాస్క్‌లతో PETA కార్యకర్తల నిరసన

ఢిల్లీలోని రామ్ లీల మైదానంలో PETA(People for the Ethical Treatment of Animals) ఇండియా కార్యకర్తలు జంతువుల మాస్కులు ధరించి, జంతువుల ఫీలింగ్స్ ప్లకార్డ్స్ చూపిస్తూ నిరసన చేస్తున్నారు. జంతువులపై జరుగుతున్న హింస, వినియోగంపై ప్రజల్లో అవగాహన కల్పించడమే తమ లక్ష్యమని చెప్తున్నారు. జంతువులకు కూడా స్వేచ్ఛగా జీవించే హక్కు కల్పించే ప్రొటెక్షన్ లా తేవాలని డిమాండ్ చేశారు.

Current Affairs· 9h ago

UPI వద్దే వద్దు.. బంకుల్లో మొదలైన నిరసన!

అక్టోబర్ 15 నుంచి పెట్రోల్ లేదా డీజిల్ కొనుగోళ్లలో 2,000 రూపాయలు దాటిన UPI చెల్లింపులపై డీలర్లు 5 రూపాయలు ఫ్లాట్ MDR చెల్లించాల్సి ఉంటుంది. దీన్ని ఏపీ, తెలంగాణ సహా దేశవ్యాప్తంగా పెట్రోల్ డీలర్ల అసోసియేషన్లు తీవ్రంగా వ్యతిరేకిస్తున్నాయి. తమ మార్జిన్లు లీటరుకు 2 రూపాయల 40 పైసల నుంచి 3 రూపాయల 40 పైసలు మాత్రమే ఉంటాయనీ, MDR ఛార్జీ భారంగా మారుతుందని డీలర్లు చెబుతున్నారు. తమకు మినహాయింపు ఇవ్వకపోతే UPIని ఆపేసి, క్యాష్ మాత్రమే తీసుకుంటామని హెచ్చరిస్తున్నారు.

Current Affairs· 13h ago

బ్యాంకులకు MDR పంట!

2,000 రూపాయలు కంటే ఎక్కువ ఉన్న కొన్ని UPI మర్చంట్ పేమెంట్స్‌పై అక్టోబర్ 15 నుంచి 0.4% MDR అమలు కానుంది. ఈ విధానం ద్వారా ఏటా సుమారు 15 వేల కోట్ల రెవెన్యూ పూల్ ఏర్పడే అవకాశం ఉంది. ఈ మొత్తంలో ప్రధాన వాటా బ్యాంకులకూ, మిగతాది UPI యాప్స్, పేమెంట్ సర్వీస్ ప్రొవైడర్స్ లాంటి పేమెంట్ ఎకోసిస్టమ్‌లోని సంస్థలకు దక్కనుంది. ఈ ఛార్జీల నిర్ణయం వల్ల UPI పేమెంట్స్ తగ్గే ప్రమాదం ఉందనే టాక్ వినిపిస్తోంది.

Current Affairs· 13h ago

భగ్గుమన్న గోల్డ్ ప్రైస్

బంగారం ధరలు భారీగా పెరిగాయి. 24 క్యారెట్ల ప్యూర్ గోల్డ్ 10 గ్రాములు.. 1580 రూపాయలు పెరిగి, 1,54,420 రూపాయలుగా ఉంది. అలాగే 22 క్యారెట్ల నగల తయారీ గోల్డ్ 10 గ్రాములు.. 1450 రూపాయలు పెరిగి, 1,41,550 రూపాయలుగా ఉంది. సిల్వర్ ధరలో మార్పులేదు. డాలర్ విలువ తగ్గుతుండటం, జియో పొలిటికల్ టెన్షన్స్ పెరుగుతుండటం, ఫెస్టివల్ సీజన్ వంటివి.. గోల్డ్ ప్రైసెస్ పెరిగేందుకు కారణం అవుతున్నాయి. లోకల్ మార్కెట్లలో నగలపై మేకింగ్ ఛార్జీలు, GST విధిస్తారు. అందువల్ల కొనుక్కునే ముందు.. అన్ని ఛార్జీలనూ పరిశీలించుకోండి.