'ప్రైమరీ టీచర్ల ప్రాణాలు కాపాడండి`

By Ramakrishna Ameraboina· 1h ago· Krishna Nagar Colony, Suryapet, Suryapet

సూర్యపేట జిల్లా చివ్వెంల మండలం కాంప్లెక్స్ సమావేశంలో భోజన విరామ సమయంలో SGTలపై ఒత్తిడి తగ్గించాలని ఉపాధ్యాయులు నిరసన తెలిపారు. జీవో 25 సవరించి తరగతికి ఒక టీచర్ కేటాయించాలని డిమాండ్ చేశారు. జగిత్యాల జిల్లా చిల్వకోడూరు పాఠశాల ఉపాధ్యాయుడు ప్రశాంత్ కాంప్లెక్స్ సమావేశం సందర్భంగా తీవ్ర ఒత్తిడికి గురై ఆత్మహత్యాయత్నానికి పాల్పడిన నేపథ్యంలో 'Save Primary Teacher- Save Primary School' పేరిట టీచర్లు ప్లకార్డులు పట్టుకుని నిరసన తెలిపారు.

More in Local

Local· 20m ago

ఏనుగల్లు మత్స్య సహకార సంఘం అధ్యక్షుడిగా గుండ రాకేష్!

వరంగల్ జిల్లా పర్వతగిరి మండలంలోని ఏనుగల్లు గ్రామంలో మత్స్య పారిశ్రామిక సహకార సంఘం పాలక మండలి ఎన్నికలు గురువారం జరిగాయి. మొత్తం 19 మంది అభ్యర్థులు పోటీ చేయగా, తొమ్మిది మంది పాలక మండలి సభ్యులుగా ఎన్నికయ్యారు. వారిలో గుండ రాకేష్ అధ్యక్షుడిగా, నర్ర చంద్రమౌళి ఉపాధ్యక్షుడిగా, ధోని దేవేందర్ కార్యదర్శిగా ఏకగ్రీవంగా ఎన్నికయ్యారు. నూతన పాలకవర్గానికి సంఘం సభ్యులు అభినందనలు తెలిపారు.

Local· 20m ago

తుఫాను బాధితులను ఆదుకోవాలి: సీపీఎం మాజీ సర్పంచ్

అల్లూరి సీతారామరాజు జిల్లాలోన ర్నబ్ తుఫాన్ ప్రభావంతో దెబ్బతిన్న గృహాల బాధితులను ప్రభుత్వం వెంటనే ఆదుకోవాలని సీపీఎం మాజీ సర్పంచ్ పాంగి సురేష్ కుమార్ డిమాండ్ చేశారు. శుక్రవారం డుంబ్రిగూడ ఎమ్మార్వో కె. శంకర్‌రావుకు వినతిపత్రం అందజేశారు. గసబ పంచాయతీ పరిధిలోని మొర్రిగూడ, కూడ, గసబ, నువ్వగూడ, చిమిలిగూడ, కుసుమ కెంద గ్రామాల్లో 20 పేద గిరిజనుల గృహాలు పాక్షికంగా, కొన్ని పూర్తిగా కూలిపోయాయని తెలిపారు. కొన్ని ఇళ్లలోకి వరద నీరు చేరిందన్నారు.

Local· 29m ago

యమా ప్రభాకర్ ఇక Jr SPB

సూర్యాపేట జిల్లా కేంద్రంలో గాన గంధర్వుడు ఎస్పీ బాలసుబ్రహ్మణ్యం 6వ వర్ధంతి వేడుకలు మనం వికాస వేదిక ఆధ్వర్యంలో ఘనంగా జరుగుతున్నాయి. ఈ కార్యక్రమంలో సూర్యాపేటకు చెందిన సుమన్ మెడికల్ అధినేత యమా ప్రభాకర్ జూనియర్ బాల సుబ్రహ్మణ్యంగా వేషధారణ చేసి సంగీత ప్రియులను ఆకట్టుకున్నారు. ఆయన ప్రదర్శనకు ప్రేక్షకులు ఫిదా అయ్యారు.

Local· 31m ago

నులిపురుగుల నిర్మూలనతో ఆరోగ్యకర ఎదుగుదల!

నులిపురుగుల నిర్మూలనతో పిల్లల్లో పోషకాహార లోపం, రక్తహీనత తగ్గి శారీరక, మానసిక ఎదుగుదలకు దోహదపడుతుందని అల్లూరి సీతారామరాజు జిల్లా అరకులోయ మండలం గన్నెల పీహెచ్‌సీ డాక్టర్ ప్రియాంక తెలిపారు. జాతీయ నులిపురుగుల నిర్మూలన కార్యక్రమంలో భాగంగా శుక్రవారం 2,116 మంది విద్యార్థులకు అల్బెండజోల్ మాత్రలు వేయించారు. భోజనానికి ముందు చేతులు శుభ్రంగా కడుక్కోవాలని సూచించారు. మిగిలిన పిల్లలకు అక్టోబర్ 5న మాత్రలు వేస్తామని తెలిపారు.