పోషణ మాసం.. సీమంతాలు, అక్షరాభ్యాసాలు

By malluru chandrashekar· 1h ago· Kandukuru, Vemsoor, Khammam

ఖమ్మం జిల్లా వేంసూరు మండలం కందుకూరు గ్రామంలో మెగా పోషణ మాసం జరిగింది. సెక్టార్ సూపర్‌వైజర్ వసంత అధ్యక్షతన నిర్వహించిన ఈ కార్యక్రమంలో ఆహార పదార్థాల స్టాళ్లు ఏర్పాటు చేశారు. 12 మంది గర్భిణులకు సామూహిక సీమంతాలు, 12 మంది చిన్నారులకు అక్షరాభ్యాసం చేశారు. పోషకాహార ప్రాధాన్యతపై సీడీపీఓ సత్యవతి తల్లులకు అవగాహన కల్పించారు. సర్పంచ్ వెంకటరెడ్డి చీర, సారె, పూలు, పండ్లు అందజేశారు. కార్యక్రమంలో గ్రామస్తులతో పాటు అంగన్‌వాడీ సిబ్బంది పాల్గొన్నారు.

More in Local

Local· 2m ago

ఒడిస్సా రూట్ ఓపెన్.. ఊపిరి పీల్చుకున్న డ్రైవర్లు

పోలవరం జిల్లా చింతూరు మండలంలోని జాతీయ రహదారిపై వరద నీరు చేరింది. దీంతో ఐదు రోజులుగా ఆంధ్రా నుంచి ఒడిస్సాకు రాకపోకలు బంద్ అయ్యాయి. నిమ్మలగూడెం, ఎర్రంపేట, చట్టి వద్ద వందలాది వాహనాలు నిలిచిపోయాయి. సోమవారం నీరు కొంత తగ్గింది. దీంతో రాకపోకలు యథావిధిగా మళ్లీ స్టార్ట్ అయ్యాయి. ఐదు రోజులుగా ఇబ్బందులు పడిన వాహనదారులు ఊపిరి పీల్చుకున్నారు.

Local· 4m ago

దళిత సర్పంచ్‌కు వేధింపులు.. చర్యలకు KVPS డిమాండ్

వికారాబాద్ జిల్లా యాలాల మండలం ఎనికెపల్లి గ్రామ దళిత మహిళా సర్పంచ్ స్వరూపను వేధింపులకు గురిచేస్తున్నారు. పంచాయతీ నిధులను అక్రమంగా విత్‌డ్రా చేసినట్లు కార్యదర్శి శేఖర్‌పై ఆరోపణలు ఉన్నాయి. ఈ నేపథ్యంలో కార్యదర్శిని వెంటనే సస్పెండ్ చేయాలని కేవీపీఎస్ జిల్లా ప్రధాన కార్యదర్శి ఉప్పలి మల్కయ్య డిమాండ్ చేశారు. దళిత మహిళా ప్రజాప్రతినిధిపై వేధింపులు, నిధుల దుర్వినియోగంపై ఉన్నతాధికారులు సమగ్ర విచారణ చేపట్టాలని, బాధ్యులపై కఠిన చర్యలు తీసుకోవాలని కోరారు.

▶

Local· 27m ago

CMRF చెక్కులు.. తుమ్మపూడిలో పంపిణీ

గుంటూరు జిల్లా దుగ్గిరాల మండలం తుమ్మపూడిలో సోమవారం CMRF చెక్కులు పంపిణీ అయ్యాయి. టీడీపీ నాయకులు లబ్ధిదారులకు అందజేశారు. ఆర్థిక ఇబ్బందుల్లో చికిత్స పొందుతున్న కుటుంబాలకు ఈ సాయం ఉపయోగకరమని నాయకులు అన్నారు. ప్రభుత్వం అవసరమైన వారికి అండగా ఉంటోందన్నారు. కార్యక్రమంలో గ్రామ టీడీపీ అధ్యక్షులు నర్రా శ్రీనివాసరావు, పార్టీ నాయకులు, గ్రామస్తులు పాల్గొన్నారు.

Local· 29m ago

కడుపులో 7 కిలోల కంతి.. సర్జరీ సక్సెస్!

వరంగల్ జిల్లా నర్సంపేటలోని సాయి శ్రీ హాస్పిటల్‌లో ఓ మహిళకు అరుదైన శస్త్రచికిత్స జరిగింది. వైద్యులు ఆమె కడుపులోని 7 కిలోల భారీ కంతిని విజయవంతంగా తొలగించారు. శస్త్రచికిత్స చేసిన డాక్టర్ రాంచంద్ నాయక్ మాట్లాడుతూ, ఆపరేషన్ విజయవంతమైందని, మహిళ ఆరోగ్యం నిలకడగా ఉందని తెలిపారు. కుటుంబ సభ్యులు వైద్య సిబ్బందికి ధన్యవాదాలు తెలిపారు.