TB నిర్మూలనకు అన్ని శాఖలు కలిసి పనిచేయాలి

By DK· 1h ago

కరీంనగర్ జిల్లాలో క్షయవ్యాధి (TB) నిర్మూలన కోసం మండల, బ్లాక్ స్థాయిలో JOSH (Joint Squad for Health) బృందాలను ఏర్పాటు చేసినట్లు DMHO డా. రాజగోపాల్ రావు తెలిపారు. కలెక్టర్ కాంప్లెక్స్ ఆడిటోరియంలో నిర్వహించిన సమావేశంలో టీబీని ముందుగానే గుర్తించడం, పరీక్షలు, చికిత్స, పోషకాహార సహాయం, ప్రజల్లో అవగాహనపై చర్చించారు. జిల్లా టీబీ అధికారి డా. హిమబిందు మాట్లాడుతూ.. యాక్టివ్ కేస్ ఫైండింగ్, స్క్రీనింగ్, ఛాతీ ఎక్స్‌రే, NAAT పరీక్షలు నిర్వహిస్తున్నట్లు తెలిపారు.

More in Local

Local· 6m ago

ధాన్యం కేసులో సర్పంచ్‌కు హైకోర్టులో ఊరట

ధాన్యం నిల్వల కొరత ఆరోపణలతో కేసు ఎదుర్కొంటున్న నిర్మల్ జిల్లా నర్సాపూర్ జీ మండలం అర్లీ (కే) సర్పంచ్, రైస్ మిల్ యజమాని చంద్యాల మురళీమోహన్‌కు హైకోర్టులో ఊరట లభించింది. కుంటాల పోలీస్ స్టేషన్‌లో నమోదైన కేసుకు సంబంధించి ఆయన దాఖలు చేసిన పిటిషన్‌ను జస్టిస్ ఎన్. తుకారాంజీ ధర్మాసనం విచారించింది. నవంబర్ 11 వరకు ఆయనపై ఎలాంటి బలవంతపు చర్యలు తీసుకోవద్దని ఆదేశించింది. దీంతో ఈ కేసులో మురళీమోహన్‌కు తాత్కాలిక ఉపశమనం లభించినట్లయింది.

Local· 15m ago

పీఆర్సీని వెంటనే ప్రకటించాలి

జగిత్యాల జిల్లాలో ఉపాధ్యాయుల సమస్యలను ప్రభుత్వం వెంటనే పరిష్కరించాలని తపస్ జిల్లా ప్రధాన కార్యదర్శి కొక్కుల రాజేష్ డిమాండ్ చేశారు. పీఆర్సీని ప్రకటించడంతో పాటు పెండింగ్‌లో ఉన్న 4 డీఏలను విడుదల చేయాలని కోరారు. 317 జీఓ ప్రకారం స్థానికత కేటాయింపు చేపట్టాలని, కేజీబీవీ ఉద్యోగులకు మినిమం టైమ్ స్కేల్ అమలు చేయాలని అన్నారు. మోడల్ స్కూల్ ఉద్యోగులకు సీపీఎస్ అరియర్స్ వర్తింపజేయాలని కోరారు. ప్రాథమిక పాఠశాలల్లో ప్రతి తరగతికి ఒక ఉపాధ్యాయుడిని కేటాయించాలని డిమాండ్ చేశారు.

Local· 18m ago

తొలగించిన ఓటర్లపై ఇంటింటి సర్వే

నెల్లూరు జిల్లాలో ఓటర్ల జాబితా నుంచి తొలగించిన 2,99,574 మంది పేర్లపై శుక్రవారం నుంచి బూత్ లెవల్ అధికారులు (BLOలు) ఇంటింటికీ వెళ్లి పునఃపరిశీలన చేపట్టనున్నారు. అర్హులైన ఓటర్ల పేర్లు పొరపాటున తొలగించి ఉంటే, ఫారం–6 ద్వారా తిరిగి జాబితాలో చేర్చేందుకు చర్యలు తీసుకుంటామని కలెక్టర్ హిమాన్షు శుక్లా తెలిపారు. అర్హులైన ప్రతి ఒక్కరికీ ఓటు హక్కు కల్పించడమే లక్ష్యమని చెప్పారు. ఈ నెల 16న తుది ఓటర్ల జాబితాను ప్రచురించనున్నట్లు వెల్లడించారు.

విద్యార్థినులతో ట్రంక్ పెట్టెలు మోయించారు

▶

Local· 21m ago

విద్యార్థినులతో ట్రంక్ పెట్టెలు మోయించారు

జగిత్యాల జిల్లా మెట్‌పల్లిలో ప్రభుత్వ బాలికల గర్ల్స్ హాస్టల్ విద్యార్థినులతో ట్రంక్ పెట్టెలు మోయించిన ఘటన చర్చనీయాంశంగా మారింది. కోర్టు ఎదురుగా ఉన్న హాస్టల్‌కు ప్రభుత్వం నుంచి వచ్చిన పెట్టెలను బాలికలతోనే లారీ నుంచి అన్‌లోడ్ చేయించినట్లు తెలుస్తోంది. హాస్టల్ సిబ్బంది అందుబాటులో ఉన్నప్పటికీ విద్యార్థినులతో బరువైన సామగ్రి మోయించడంపై స్థానికులు, ప్రజా సంఘాలు ఆగ్రహం వ్యక్తం చేస్తున్నారు. విద్యార్థినులతో ఇలాంటి పనులు చేయించడం సరికాదని పేర్కొంటున్నారు.