ఎమ్మెల్యే మాధవరెడ్డిని కలిసిన కాంగ్రెస్‌ నాయకులు

By A VIJAY KUMAR· 1h ago· Nallabelly, Nallabelli, Warangal

TG: వరంగల్ జిల్లా నర్సంపేట ఎమ్మెల్యే దొంతి మాధవరెడ్డిని నల్లబెల్లి గ్రామ కాంగ్రెస్‌ నాయకులు మర్యాదపూర్వకంగా కలిశారు. నల్లబెల్లి గ్రామ అభివృద్ధికి సంబంధించిన పలు అంశాలను ఎమ్మెల్యే దృష్టికి తీసుకెళ్లారు. గ్రామాన్ని అన్ని రంగాల్లో అభివృద్ధి చేసేందుకు సహకరించాలని కోరారు. ప్రజలకు అవసరమైన మౌలిక వసతులు, అభివృద్ధి పనులపై ఎమ్మెల్యేతో చర్చించారు. గ్రామంలో నెలకొన్న సమస్యలను పరిష్కరించేందుకు చర్యలు తీసుకోవాలని విజ్ఞప్తి చేశారు. సమస్యల పరిష్కారానికి కృషి చేస్తామని ఎమ్మెల్యే హామీ ఇచ్చినట్లు నాయకులు తెలిపారు.

More in Local

Local· 5m ago

మొత్తం కంకర.. ఇదీ రోడ్డు దుస్థితి

TG: జోగులాంబ గద్వాల జిల్లా మాన్‌దొడ్డి–తుమ్మిళ్ల రహదారి నాలుగేళ్లుగా కంకర రోడ్డుగానే ఉండటంతో ప్రజలు తీవ్ర ఇబ్బందులు పడుతున్నారు. మాన్‌దొడ్డి, నసనూరు, చిన్నధన్వాడ, పెద్దధన్వాడ గ్రామాల ప్రజలు మండల కేంద్రానికి చేరుకునేందుకు ఇదే సమీప మార్గం. రోడ్డుపై గుంతలు, కంకర కారణంగా తరచూ ప్రమాదాలు జరుగుతున్నాయని స్థానికులు ఆవేదన వ్యక్తం చేస్తున్నారు. వాహనదారులు, ప్రయాణికులు తీవ్ర ఇబ్బందులు ఎదుర్కొంటున్నారని తెలిపారు. అధికారులు, ప్రజాప్రతినిధులు వెంటనే స్పందించి రోడ్డు నిర్మాణాన్ని పూర్తి చేయాలని కోరారు.

Local· 20m ago

ముత్యాలమ్మ తల్లికి బోనాలు

AP: పల్నాడు జిల్లా దాచేపల్లిలో ముత్యాలమ్మ తల్లికి భక్తిశ్రద్ధలతో బోనాలు సమర్పించారు. వర్షాలు సమృద్ధిగా కురిసి పంటలు సస్యశ్యామలంగా పండాలని, ప్రజలు ఆయురారోగ్యాలతో ఉండాలని గ్రామస్తులు అమ్మవారిని ప్రార్థించారు. బోనాల కార్యక్రమం అనంతరం సాయంత్రం ఒక్కసారిగా భారీ వర్షం కురవడంతో రైతులు, ప్రజలు ఆనందం వ్యక్తం చేశారు. చాలాకాలంగా వర్షాల కోసం ఎదురుచూస్తున్న సమయంలో అమ్మవారికి బోనాలు సమర్పించిన రోజే వర్షం కురవడంతో గ్రామంలో భక్తి, ఆనంద వాతావరణం నెలకొంది.

Local· 22m ago

యువత డ్రగ్స్‌కు దూరంగా ఉండాలి

AP: డ్రగ్స్ మహమ్మారి యువత భవిష్యత్తును నాశనం చేస్తోందని, దాని నిర్మూలనకు ప్రజల భాగస్వామ్యం ఎంతో అవసరమని అల్లూరి సీతారామరాజు జిల్లా పాడేరు డీఎస్పీ రాజసింహారెడ్డి అన్నారు. అరకులోయ మండలం సుంకరమెట్టలో మాదక ద్రవ్యాల నిర్మూలనపై అవగాహన కార్యక్రమం నిర్వహించారు. యువత డ్రగ్స్‌కు దూరంగా ఉండాలని, వినియోగం లేదా అక్రమ రవాణాకు పాల్పడితే కఠిన చర్యలు తప్పవని హెచ్చరించారు. వినాయక చవితి మండపాల ఏర్పాటుకు ముందస్తు అనుమతులు తీసుకోవాలని సూచించారు. రోడ్డు భద్రత, మహిళల రక్షణపై ప్రజలకు అవగాహన కల్పించారు.

Local· 23m ago

యువత కోసం గ్రౌండ్.. సర్పంచుల కీలక నిర్ణయం

TG: హనుమకొండ జిల్లా భీమదేవరపల్లి మండలంలోని కొత్తకొండ, చంటయ్యపల్లి గ్రామాల పోలీస్ ఉద్యోగార్థులకు సర్పంచులు అండగా నిలిచారు. కొత్తకొండ సర్పంచ్ సిద్ధమల్ల రమా రమేష్, చంటయ్యపల్లి సర్పంచ్ భూక్య సునీత మణికంఠ గ్రామీణ యువతకు ఫిజికల్‌ శిక్షణ అందించేందుకు అవసరమైన వసతులు కల్పిస్తామని హామీ ఇచ్చారు. స్థానికంగా ప్రత్యేకంగా గ్రౌండ్ ఏర్పాటుచేసి పోలీస్ ఉద్యోగాలకు సిద్ధమవుతున్న యువతకు శిక్షణకు అనుకూల వాతావరణం కల్పిస్తామని తెలిపారు. గ్రామీణ యువత పోలీస్‌ ఉద్యోగాల్లో రాణించేందుకు సహకారం అందిస్తామని పేర్కొన్నారు.