ఏచూరిని తలుచుకున్న దేశం.. ఘన నివాళి

By Jagadish· 6h ago

ఃసీపీఐ(ఎం) మాజీ ప్రధాన కార్యదర్శి సీతారాం ఏచూరి ద్వితీయ వర్ధంతి సభలు దేశమంతా జరిగాయి. ఢిల్లీ ఏకె గోపాలన్ భవన్ మొదలుకుని వామపక్ష అభిమానులున్న ప్రతీచోట ఇలాంటి సభలు జరిగాయి. అణగారిన వర్గాల హక్కుల కోసం, సామ్రాజ్యవాద వ్యతిరేక పోరాటంలో, లౌకిక ప్రజాస్వామ్య పరిరక్షణలో ఏచూరి చేసిన సేవలు చిరస్మరణీయమని నేతలు కొనియాడారు. విద్యార్థి నాయకుడిగా జేఎన్‌యూ నుంచి రాజ్యసభ సభ్యుడిగా, సీపీఐ(ఎం) ప్రధాన కార్యదర్శిగా ఆయన చూపిన సిద్ధాంత పటిమ భావితరాలకు స్ఫూర్తిదాయకమని ప్రస్తుత ప్రధాన కార్యదర్శి ఎంఎబేబి కొనియాడారు.

More in Politics

Politics· 6h ago

దేశంలోనే తొలి BC రక్షణ చట్టం..! త్వరలో..

ఎన్టీఆర్ జిల్లా విజయవాడ సమీపంలోని గొల్లపూడి బీసీ భవన్‌లో బిసి రక్షణ బిల్లు ముసాయిదాపై సమావేశం జరిగింది. బీసీ సంక్షేమ శాఖ మంత్రి సవిత ముఖ్య అతిథిగా పాల్గొన్నారు. దేశంలోనే తొలిసారిగా ఏపీలో బీసీ రక్షణ చట్టం తీసుకొస్తున్నట్లు ఆమె ప్రకటించారు. కులం, వృత్తి పేరుతో దూషించినా, సంఘ బహిష్కరణకు గురిచేసినా కఠిన శిక్షలు పడతాయి. జిల్లాల్లో ప్రత్యేక కోర్టులు ఏర్పాటు చేసి 2 నెలల్లో విచారణ పూర్తి చేసేలా నిబంధనలు రూపొందించారు. బీసీల ఆత్మగౌరవ జీవనమే కూటమి ప్రభుత్వ లక్ష్యమని మంత్రి స్పష్టం చేశారు.

Politics· 6h ago

అనంతపురంలో రైతులపై దౌర్జన్యం.. రిసోనియాపై చర్యలకు డిమాండ్

అనంతపురం జిల్లా బొమ్మనహాల్ మండలం శ్రీధర్ ఘట్టలో టెన్షన్. విద్యుత్ టవర్ల నిర్మాణం కోసం రైతులపై రెవెన్యూ, పోలీస్ అధికారులు దౌర్జన్యం చేశారు. పేద రైతులు అమర్, రామసుబ్బమ్మ, లక్ష్మీదేవి, సుంకన్న తదితరులపై 150 మందికి పైగా పోలీసులు మోహరించి అరెస్ట్ చేశారు. సాగు చేసిన మొక్కజొన్న పంటను జేసీబీలతో ధ్వంసం చేశారు. ఈ ఘటనను AP రైతు సంఘం తీవ్రంగా ఖండించింది. రాష్ట్ర అధ్యక్షులు వి.కృష్ణయ్య, మాట్లాడుతూ బాధ్యులైన అధికారులు, విద్యుత్ టవర్ల నిర్మాణ సంస్థ రిసోనియాపై చట్టపరమైన చర్యలు తీసుకోవాలని డిమాండ్ చేశారు.

Politics· 6h ago

పాన్‌ఐఐటీ AP సమ్మిట్ 2026.. అక్టోబర్ 3న విజయవాడలో!

APలో డీప్‌టెక్, ఇన్నోవేషన్‌కు బూస్ట్ ఇచ్చే పాన్‌ఐఐటీ సదస్సు అక్టోబర్ 3న విజయవాడలో జరగనుంది. డాక్టర్ బీఆర్ అంబేద్కర్ కన్వెన్షన్ సెంటర్‌లో ఈ సమ్మిట్ నిర్వహిస్తారు. సీఎం చంద్రబాబు ముఖ్య అతిథిగా, మంత్రి నారా లోకేష్ పాల్గొంటారు. 'ఆంధ్రా డీప్‌టెక్ డికేడ్' థీమ్‌తో జరిగే ఈ సదస్సులో AI, సెమీకండక్టర్స్, క్వాంటం టెక్నాలజీలపై చర్చిస్తారు. పాన్‌ఐఐటీ అమరావతి కౌన్సిల్, గ్లోబల్ ఐఐటీ మెంటర్ నెట్‌వర్క్ ఏర్పాటు చేయాలని ప్లాన్ చేస్తున్నారు. ఇది యువతకు ఎంతో ఉపయోగకరం కదా!

Politics· 6h ago

పారామెడికల్ విద్యార్థులపై పోలీస్ దాడిపై SFI ఆగ్రహం

తిరుపతి జిల్లా అలిపిరిలో పారామెడికల్ విద్యార్థులపై పోలీసులు దాడి చేశారు. శాంతియుత ఆందోళనలో ఉన్న విద్యార్థులపై పోలీసులు అమానుషంగా వ్యవహరించారని SFI ఆగ్రహం వ్యక్తం చేసింది. నెలకు రూ.15,000 స్టైఫండ్ ఇవ్వాలని, ఇంటర్న్‌షిప్ కాలాన్ని ఆరు నెలలకు పరిమితం చేయాలని విద్యార్థులు డిమాండ్ చేస్తున్నారు. ప్రభుత్వం స్పందించకపోవడంతో ఆందోళనలు కొనసాగుతున్నాయి. అలిపిరిలో నిరసన సమయంలో పోలీసులు అడ్డుకున్నారు. SFI జిల్లా నాయకురాలు సునీత జుట్టు పట్టుకొని లాకెళ్లడం సరికాదంది. విద్యార్థులతో చర్చించాలని డిమాండ్ చేసింది.