Latest
పెబుల్స్ బే అపార్ట్మెంట్లో ARP రామప్రభు విజిట్
TG : మియాపూర్ పెబుల్స్ బే అపార్ట్మెంట్కి నాయకుడు అట్టేపల్లి రామప్రభు వచ్చారు. లోకల్ పీపుల్తో డైరెక్ట్ మీటింగ్ పెట్టి, కరెంట్, వాటర్ లాంటి బేసిక్ ఇష్యూస్ ఏంటో అడిగి తెలుసుకున్నారు. ప్రాబ్లెమ్స్ ఆఫీసులకే లిమిట్ కాకూడదు, గ్రౌండ్ లెవల్కి వచ్చి స్పాట్లోనే సాల్వ్ చేయడమే మా గోల్ అని చెప్పారు. ఈ ఈవెంట్లో అపార్ట్మెంట్ వాసులు, ARP టీమ్ మెంబర్స్ చాలామంది పాల్గొన్నారు.
అంతరాష్ట్ర దొంగ అరెస్ట్.. 10 తులాల బంగారం స్వాధీనం
నందిపేట్ పోలీస్ స్టేషన్ పరిధిలో Febలో జరిగిన చోరీ కేసును పోలీసులు ఛేదించారు. మహారాష్ట్రకు చెందిన అంతరాష్ట్ర నేరస్థుడు షేక్ ఖయ్యుమ్ రఫిక్ బేగ్ (23)ను నవీపేట్ రైల్వే స్టేషన్లో అరెస్ట్ చేసి, అతడి నుంచి 10,8 తులాల బంగారు ఆభరణాలు స్వాధీనం చేసుకున్నారు. సీసీ కెమెరాల ఆధారంగా, పక్కా సమాచారంతో నిందితుడిని పట్టుకున్నట్లు పోలీసులు తెలిపారు. గతంలో మహారాష్ట్ర, కర్ణాటకలోనూ అతడిపై కేసులు ఉన్నాయన్నారు. నిందితుడిని రిమాండ్కు పంపారు. కేసును ఛేదించిన పోలీసు సిబ్బందిని ఉన్నతాధికారులు అభినందించారు.
జీతం కోసం కాదు.. జీవితం కోసం Gen Z!
జీతం ఎంత వస్తుందన్నదే ఇప్పుడు జెన్ Zకి ముఖ్యం కాదా? కొత్త తరం ఉద్యోగాల్లో డబ్బుతో పాటు తమకు ఖాళీ సమయం, ప్రశాంతమైన జీవితం, ఎదగడానికి అవకాశం కూడా కావాలని కోరుకుంటోంది. 2026 నౌక్రీ సర్వే ప్రకారం.. ఉద్యోగం ఎంచుకునేటప్పుడు జీతం తర్వాత Work-Life Balanceకే 50% మంది జెన్ Z ఎక్కువ ప్రాధాన్యం ఇస్తున్నారు. పని ఒత్తిడి ఎక్కువగా ఉండటం, కెరీర్లో ఎదుగుదల కనిపించకపోవడం లాంటి కారణాలతో Job మార్చేందుకు కూడా చాలామంది వెనకాడటం లేదు. ఎక్కువ జీతం కంటే.. జీవితానికి కూడా విలువ ఇస్తున్న తరం ఇది.
MBA, MCA స్పాట్లో సీటు.. మిస్ అవ్వొద్దు!
కరీంనగర్ శాతవాహన యూనివర్సిటీలో MBA, MCA స్పాట్ అడ్మిషన్లు స్టార్ట్ అయ్యాయి. TGICET-2026 క్వాలిఫై అయినా, కాకపోయినా – అందరికీ అవకాశం!<br><br>📅 MBA స్పాట్ అడ్మిషన్లు: సెప్టెంబర్ 1 (కామర్స్ కాలేజ్)<br>📅 MCA స్పాట్ అడ్మిషన్లు: సెప్టెంబర్ 2 (సైన్స్ కాలేజ్)<br>⏰ టైమ్: ఉదయం 10 నుంచి సాయంత్రం 5 గంటల వరకు<br><br>అభ్యర్థులు ఒరిజినల్ సర్టిఫికెట్లు, జిరాక్స్ సెట్, ఫీజు తో హాజరు కావాలి. పూర్తి వివరాలకు TGCHE వెబ్సైట్ చూడండి. MBA: 9000283238, MCA: 7207777664. ఈ ఫోన్ నెంబర్లపై కూడా సంప్రదించవచ్చు.
Gen Z సోమరులా.. లేక స్మార్ట్నా?
Gen Zని ‘సోమరులు’ అంటూ విమర్శలు వస్తున్నా.. కంపెనీల్లో మాత్రం వారి డిమాండ్ ఎందుకు పెరుగుతోంది? HPకి చెందిన సీనియర్ అధికారి జార్జ్ బ్రాషర్ ఈ అభిప్రాయాన్ని తప్పని చెబుతున్నారు. తన టీమ్లోని Gen Z ఉద్యోగులు బాగా వినడం, కస్టమర్ల అవసరాలను అర్థం చేసుకోవడం, నమ్మకం పెంచుకోవడంలో బలంగా ఉన్నారని చెప్పారు. చిన్నప్పటి నుంచే డిజిటల్ ప్రపంచంలో పెరగడం, కొత్త టెక్ టూల్స్తో సులభంగా పనిచేయడం వారికి పెద్ద ప్లస్గా మారిందన్నారు. AI వాడకంలోనూ యువత ముందుండటంతో.. కంపెనీలకు వారు విలువైన ఉద్యోగులుగా కనిపిస్తున్నారట.
క్రైమ్ పారామీటర్లలో రామగుండం పోలీసుల ఉత్తమ ప్రతిభ
రాష్ట్రస్థాయిలో క్రైమ్ పారామీటర్ల అమలులో రామగుండం పోలీస్ కమిషనరేట్ ఉత్తమ ప్రతిభ కనబరిచింది. క్లస్టర్–II విభాగంలో రామగుండం పోలీస్ కమిషనరేట్ మొదటి స్థానంలో నిలిచింది. ఈ సందర్భంగా రామగుండం పోలీస్ కమిషనర్ అంబర్ కిషోర్ ఝా, మంచిర్యాల డీసీపీ ఎ. భాస్కర్కు డీజీపీ సీవీ ఆనంద్ ప్రశంసాపత్రాలు అందజేసి అభినందించారు. భవిష్యత్తులోనూ ఇదే స్ఫూర్తితో మరింత సమర్థవంతంగా విధులు నిర్వహించాలని డీజీపీ సూచించారు.
పవర్ JAC vs యాజమాన్యం: 14 డిమాండ్లు.. 2 వారాల గడువు!
విద్యుత్ ఉద్యోగులు, ఆర్టిజన్ కార్మికులు, పెన్షనర్ల సమస్యలకు పరిష్కారం కోసం.. పవర్ JAC యాజమాన్యంతో మీటింగ్ పెట్టుకుంది. శనివారం హైదరాబాద్లోని విద్యుత్ ప్రధాన కార్యాలయంలో GENCO, TRANSCO, SPDCL, NPDCL సంస్థల యాజమాన్యంతో చర్చలు జరిగాయి. మొత్తం 14 ప్రధాన డిమాండ్లు – ఆర్టిజన్ కార్మికుల సమస్యలు, ఉద్యోగుల న్యాయపరమైన కష్టాలు.. వీటన్నింటిపై సుదీర్ఘ చర్చ జరిగింది. యాజమాన్యం స్పందించింది – "రెండు వారాల్లో సానుకూల నిర్ణయం తీసుకుంటాం" అని హామీ ఇచ్చారు.
నసీరాబాద్లో పశువులతో పంటల ధ్వంసం... రెండు ఊర్ల కొట్లాట
నిర్మల్ జిల్లా నర్సాపూర్ మండలం నసీరాబాద్ శివారులో రైతుల పంటలు ధ్వంసం అయ్యాయి. రాంపూర్ వాసులు పశువులను పంటలపైకి వదలడంతో – రైతులు రాములు చిన్నయ్య, మల్లేష్, శ్రీనివాస్ మొదలైన వారి పంటలు పూర్తిగా ధ్వంసమయ్యాయి. అడ్డుకున్న నసీరాబాద్ ప్రజలపై రాంపూర్ వాసులు జేసీబీతో అడ్డం పెట్టి గొడవకు దిగారు. దీంతో అక్కడ ఉద్రిక్తత నెలకొంది. తహశీల్దార్ శ్రీకాంత్, ఎస్సై గణేష్ స్పందించి పరిస్థితిని శాంతింపజేశారు. అనంతరం ముకేష్ ఆధ్వర్యంలో రైతులు తహశీల్దార్కు వినతిపత్రం అందజేశారు
స్టీరింగ్ మీదే గుండెపోటు- 100 ప్రాణాలు కాపాడిన హీరో లక్ష్మణ్
జగిత్యాల జిల్లా మద్దూనూరు నుంచి వస్తున్న RTC బస్సు డ్రైవర్ లక్ష్మణ్కు ప్రయాణం మధ్యలో ఒక్కసారిగా గుండెపోటు వచ్చింది. తీవ్ర నొప్పితోనే.. ఆయన బస్సును సురక్షితంగా రోడ్డు పక్కకు నిలిపి స్టీరింగ్పైనే పడిపోయారు. దీంతో ఆ టైంలో అందులో ప్రయాణిస్తున్న 100 మంది ప్రయాణికుల ప్రాణాలు కాపాడబడ్డాయి.సమయానికి 108 రాకపోవడంతో ఆటోలో ఆయనను జగిత్యాల ప్రభుత్వ ఆసుపత్రికి తరలించారు. ఇప్పుడు చికిత్స పొందుతున్నారు. ట్విస్ట్ ఏంటంటే Mondayతో రిటైర్ అవ్వాల్సిన లక్ష్మణ్ అనారోగ్యంలో ఉన్నా డిపో అధికారులు బలవంతంగా డ్యూటీ వేశారు.
కొత్తపేట డిగ్రీ కాలేజీలో ఘనంగా తెలుగు భాషా దినోత్సవం
తెలుగు భాషకు పునర్జన్మ ఇచ్చిన గిడుగు రామ్మూర్తి పంతుల్ని గుర్తుచేసుకునేందుకు కొత్తపేటలో ప్రత్యేక వేడుకలు జరిగాయి. విశ్వకవి వేమన ప్రభుత్వ డిగ్రీ కళాశాలలో శనివారం తెలుగు భాషా దినోత్సవం నిర్వహించారు. ఇంచార్జ్ ప్రిన్సిపాల్ డాక్టర్ డి.సి.హెచ్. పాపారావు గిడుగు చిత్రపటానికి పూలమాల వేసి నివాళులర్పించారు. <br>ఆయన మాట్లాడుతూ – "జనం మాట్లాడే తెలుగును నిలబెట్టిన గిడుగు సేవలు మరువలేనివి. ప్రజలకు అర్థమయ్యే భాషలో తెలుగు అభివృద్ధి చెందాలని ఆయన చేసిన కృషి ఆదర్శమని" అని అన్నారు.
ఏసీబీ అధికారులకు పట్టుబడ్డ ర్యాలీ వీఆర్ఓ
భూమి మ్యూటేషన్ పేరుతో.. లంచం డిమాండ్ చేసిన వీఆర్ఓను ఏసీబీ పట్టేసింది. ఆత్రేయపురం మండలం ర్యాలీ వీఆర్ఓ నాగేశ్వరరావు.. 0.09 ఎకరాల భూమి మ్యూటేషన్ దరఖాస్తును ఫార్వర్డ్ చేసేందుకు లంచం డిమాండ్ చేశాడు. ఏసీబీ అధికారుల వివరణ ప్రకారం.. రూ. 16,500 లంచం స్వీకరించి షర్ట్ జేబులో పెట్టుకున్న సందర్భంలో ఆయన పట్టుబడ్డారు. లంచం మొత్తం, మ్యూటేషన్ ఫైల్ ఏసీబీ స్వాధీనం చేసుకుందని రాజమహేంద్రవరం ఏసీబీ ఎస్పీ చెప్పారు – కేసు దర్యాప్తు కొనసాగుతోంది.
ఇక రామేశ్వరం పల్లి PACS కొత్త చైర్మన్ ఇంద్రకరణ్ రెడ్డి
రామేశ్వరం పల్లి PACS కొత్త పాలకవర్గం ప్రమాణం చేసింది. కామారెడ్డి జిల్లాలో శనివారం ఘనంగా జరిగిన ఈ కార్యక్రమంలో ప్రభుత్వ సలహాదారు మహమ్మద్ అలీ షబ్బీర్, ఎంపీ సురేష్ కుమార్ షట్కర్ ముఖ్య అతిథులుగా హాజరయ్యారు. బద్దం ఇంద్రకరణ్ రెడ్డి నూతన చైర్మన్గా ప్రమాణం చేశారు. ఈ సందర్భంగా షబ్బీర్ అలీ మాట్లాడుతూ – కాంగ్రెస్ ప్రభుత్వం రైతుల సంక్షేమానికే ప్రాధాన్యం ఇస్తోందన్నారు. కొత్త చైర్మన్ మాట్లాడుతూ "రైతు బలపడితేనే గ్రామీణ ఆర్థిక వ్యవస్థ బలంగా మారుతుంది. వ్యవసాయ రంగానికి అన్ని విధాలా సేవ చేస్తా" అని చెప్పారు.
TCలు ఇవ్వకుండా సతాయిస్తున్న Wisdom
కరీంనగర్ జిల్లా జమ్మికుంటలోని విస్డం కాలేజీలో ద్వితీయ సంవత్సరం విద్యార్థులు తీవ్ర ఇబ్బంది పడుతున్నారు. కాలేజీ యాజమాన్యం వారి టీసీలు (ట్రాన్స్ఫర్ సర్టిఫికెట్లు) ఇవ్వకుండా పలుమార్లు తిప్పించుకుంటోందని ఆరోపిస్తూ.. శనివారం విద్యార్థులు ధర్నాకు దిగారు. విస్డం కళాశాల ఇతర ప్రాంతాలకు అమ్ముడుపోయిన తర్వాత.. టీసీల కోసం వెళ్తే "రేపు రండి" అని వాయిదా వేస్తున్నారని విద్యార్థులు ఆందోళనకు దిగారు. పోలీసులు జోక్యం చేసుకుని యాజమాన్యంతో మాట్లాడగా.. "రేపు ఉదయం 10 గంటలకు ఇస్తాం" అని హామీ ఇచ్చారు.
సామాజిక సేవకు డాక్టరేట్.. దేవర వినోద్కు అరుదైన గౌరవం!
సామాజిక సేవే రంగంలో ఎన్నో ఏళ్లుగా పనిచేస్తున్న దేవర వినోద్కు ఇప్పుడు అరుదైన గౌరవం దక్కింది. కొమురం భీం ఆసిఫాబాద్ జిల్లా రెబ్బెన మండలం ఇందిరా నగర్కు చెందిన ఇతని సేవలను గుర్తించి.. యునైటెడ్ అమెరికన్ యూనివర్సిటీ ఆధ్వర్యంలో "డాక్టర్ ఆఫ్ సోషల్ సర్వీస్" గౌరవ డాక్టరేట్ ప్రదానం చేశారు. శనివారం పుదుచ్చేరి కంబన్ కలైయరంగం ఆడిటోరియంలో జరిగిన ఈ కార్యక్రమంలో.. యూనివర్సిటీ డైరెక్టర్, TN మాజీ న్యాయమూర్తి Dr.కె. వెంకటేశన్, TN ప్రభుత్వ ప్రధాన కార్యదర్శి పి.ఆర్. శంపత్ (IAS), , ఐరాస ప్రతినిధులు పాల్గొన్నారు.
తల్లిదండ్రులు “మా కాలంలో…” అని ఎందుకు మొదలుపెడతారు?
“మా కాలంలో ఇలా ఉండేది కాదు..” అని తల్లిదండ్రులు చెప్పడం మనలో చాలామంది వినే ఉంటాం. కానీ వాళ్లు ఇలా ఎందుకు మాట్లాడతారు? మనం పెరిగే సమయంలో మన ప్రపంచం వేగంగా మారిపోతుంది. కానీ తల్లిదండ్రులు తమ అనుభవాలనే మనకు సరైన మార్గంగా భావించడం సహజం. తాము ఎదుర్కొన్న కష్టాలు, చేసిన తప్పులు మనకు రాకూడదనే ఉద్దేశంతో సలహాలు ఇస్తుంటారు. అదే సమయంలో పిల్లల ప్రపంచం తమ కాలంతో పోలిస్తే చాలా మారిపోయిందని అర్థం చేసుకోవడం కష్టం అవుతుంది. అందుకే “మా కాలంలో…” అనేది కేవలం పోలిక కాదు.. వాళ్ల అనుభవం, భయం, ప్రేమ అన్నీ కలిసిన మాట.
2026లో ఉన్నా.. మళ్లీ 2016కి వెళ్లిపోయారా?
2026 వచ్చేసింది.. కానీ సోషల్ మీడియాలో మాత్రం చాలామంది మళ్లీ 2016 రోజుల్లోకి వెళ్లిపోతున్నారు! 😂 “2026 is the new 2016” అంటూ నాస్టాల్జియా ట్రెండ్ మళ్లీ వైరల్ అవుతోంది. అప్పట్లో పాపులర్ అయిన Snapchat Filters, పాటలు, ఫ్యాషన్, మీమ్స్, ఛాలెంజ్లను Gen Z మళ్లీ షేర్ చేస్తోంది. అప్పటి ఇంటర్నెట్ కల్చర్ను గుర్తు చేసుకుంటూ పాత ఫొటోలు, జ్ఞాపకాలను కూడా పోస్టు చేస్తున్నారు. కొత్త ట్రెండ్స్ ఎన్ని వచ్చినా.. 2016 నాటి ఆ ఓల్డ్ ఇంటర్నెట్ వైబ్కు మాత్రం ఇంకా క్రేజ్ తగ్గలేదన్నమాట! ❤️
“Delulu is the Solulu”.. అసలు దీని అర్థం ఏంటి?🤔
“Delulu is the Solulu”.. సోషల్ మీడియాలో ఈ మాట ఎప్పుడైనా చూశారా..? అసలు డెలులు అంటే డెల్యూషనల్ నుంచి వచ్చిన జెన్ జీ స్లాంగ్. నిజంగా జరిగిందా లేదా అనేది పక్కనపెట్టి.. మనకు నచ్చినట్టు ఊహించుకుని, అదే జరుగుతుందని నమ్మేయడాన్ని సరదాగా డెలులు అంటారు. ఇక సొలులు అంటే సొల్యూషన్కి ఫన్నీ వెర్షన్. “Delusional is the solution” అంటే “ఎలాంటి కష్టపరిస్థితుల్లోనైనా మనకు నచ్చిన భ్రమలో లేదా పాజిటివ్ ఆలోచనల్లో బతకడమే సమస్యకు పరిష్కారం” అని భావించడం. కలలు కనడానికి ట్యాక్స్ ఏం లేదుగా బ్రో.. సో నచ్చినట్టు కనేద్దాం! 😂
“నేను బాగున్నా”.. నిజంగా బాగున్నామా?
మనసులో ఏదో బాధగా ఉంటుంది.. కానీ ఎవరైనా “ఏమైంది?” అని అడిగితే మాత్రం వెంటనే “ఏం లేదు.. నేను బాగున్నా” అని చెప్పేస్తాం. అసలు ఎందుకు? మన బాధను బయటపెడితే ఎదుటివాళ్లు మనల్ని బలహీనంగా చూస్తారేమో, ఎక్కువగా ప్రశ్నిస్తారేమో అనే ఆలోచన మనల్ని ఆపొచ్చు. కొన్నిసార్లు మన సమస్యను ఎలా చెప్పాలో తెలియక కూడా మౌనంగా ఉండిపోతాం. కానీ ఇలా బాధను ఎప్పుడూ మనలోనే దాచుకోవడం వల్ల ఒత్తిడి, ఒంటరితనం మరింత పెరగొచ్చు. అందుకే “నేను బాగున్నా” అనేది కొన్నిసార్లు నిజమైన సమాధానం కాదు.. మనసు దాచుకున్న మాట కావచ్చు.
సంపాదన పెరిగింది.. సమయం ఎక్కడికి పోయింది?
జీతం పెరిగితే జీవితం మరింత సౌకర్యంగా ఉంటుందని అనుకుంటాం. కానీ ఆదాయం పెరిగే కొద్దీ ఖర్చులు, బాధ్యతలు, పని ఒత్తిడి కూడా పెరుగుతుంటాయి. మంచి ఇల్లు, కారు, ఖరీదైన జీవనశైలి కోసం ఖర్చులు పెంచుకుంటాం. ఆ జీవనశైలిని కొనసాగించేందుకు ఇంకా ఎక్కువ సమయం పని చేయాల్సి వస్తుంది. పైగా ఇతరులతో పోల్చుకోవడం కూడా ఈ పరుగును పెంచుతుంది. చివరికి డబ్బు పెరిగినా.. మన కోసం మిగిలే సమయం తగ్గిపోవచ్చు. అందుకే మంచి జీవితం అంటే ఎక్కువ సంపాదించడమేనా? లేక సంపాదించిన డబ్బుతో ప్రశాంతంగా జీవించే సమయం ఉండటమా?
నేపాల్ వరదల్లో మిరాకిల్
2026 ఆగస్టు 26న నేపాల్-టిబెట్ బార్డర్లో గ్లేసియర్ పగిలి భయంకరమైన ఫ్లాష్ ఫ్లడ్స్ వచ్చాయి. ఈ వరద దెబ్బకి చుట్టుపక్కల బిల్డింగ్స్, వెహికల్స్ అన్నీ కొట్టుకుపోయినా, ఒక లైట్ గ్రీన్ కలర్ ఇల్లు మాత్రం అస్సలు డ్యామేజ్ అవ్వకుండా అలానే నిలబడింది. ఆ టైమ్లో ఇంటి బాల్కనీలో ఇరుక్కుపోయిన 8 మంది ఫ్యామిలీ మెంబర్స్ని రెస్క్యూ టీమ్ కాపాడింది. అంత పెద్ద ఫ్లడ్ను తట్టుకుని ఇల్లు నిలబడటంతో, ఆ హౌస్ డిజైన్ చేసిన ఇంజనీర్ను సోషల్ మీడియాలో నెటిజన్లు మెచ్చుకుంటున్నారు.
జగిత్యాలలో 1.5లక్షల ఓటర్లకు నోటీసులు!
జగిత్యాలలో SIR కసరత్తు మొదలైంది. ప్రత్యేక ఇంటెన్సివ్ రివిజన్ (SIR) ప్రక్రియలో అనామలీస్ (Anomalies), నో మ్యాపింగ్ కేటగిరీల్లో గుర్తించిన ప్రతి ఓటరుకు నోటీసులు అందించాలని రాష్ట్ర ప్రధాన ఎన్నికల అధికారి సి. సుదర్శన్ రెడ్డి వీడియో కాన్ఫరెన్స్ ద్వారా ఆదేశించారు. ఈ సందర్భంగా అదనపు కలెక్టర్ (రెవెన్యూ) బి.ఎస్. లత మాట్లాడుతూ జిల్లాలో సుమారు 40 వేల నో మ్యాపింగ్, 1.52 లక్షల అనామలీస్ ఓటర్లు ఉన్నట్లు వెల్లడించారు. ఇప్పటికే నోటీసుల పంపిణీ, విచారణ ప్రక్రియ కొనసాగుతోందని చెప్పారు.