Latest
యోగా ఈవెంట్‌లో నవీన్ పొలిశెట్టి కామెడీ!
ఇంటర్నేషనల్ యోగా డే ఈవెంట్ హైదరాబాద్ పరేడ్ గ్రౌండ్స్‌లో గ్రాండ్‌గా జరిగింది. హీరో నవీన్ పొలిశెట్టి కూడా ఈ ఈవెంట్‌లో పార్టిసిపేట్ చేశారు. అందరితో కలిసి యోగాసనాలు వేస్తూనే, తన మార్క్ కామెడీతో నవీన్ అక్కడ ఫుల్ ఫన్ క్రియేట్ చేశారు. సీరియస్‌గా యోగా చేయాల్సిన చోట కూడా నవీన్ వింతగా ఆసనాలు వేయడంతో ఫ్యాన్స్ క్రేజీ కామెంట్స్ పెడుతున్నారు. "నేను యోగా రెగ్యులర్ గా చేస్తాను, యూత్ అంతా యోగా చేయాలి" అని నవీన్ ఈ సందర్భంగా చెప్పుకొచ్చారు. ప్రస్తుతం ఈ ఫన్నీ వీడియో సోషల్ మీడియాలో విపరీతంగా వైరల్ అవుతోంది.
ఇంటర్నేషనల్ యోగా డే.. బ్యూటిఫుల్ విజువల్స్!
ఇంటర్నేషనల్ యోగా డే సందర్భంగా గుంటూరు జిల్లాలోని హిస్టారికల్ ఉండవల్లి గుహల్లో స్పెషల్ సెలబ్రేషన్స్ జరిగాయి. ఈ ఈవెంట్‌లో ఆంధ్రప్రదేశ్ ముఖ్యమంత్రి నారా చంద్రబాబు నాయుడు, ప్రముఖ యోగా గురు బాబా రామ్‌దేవ్ పాల్గొన్నారు. బాబా అక్కడ యోగాసనాలు వేశారు. చారిత్రాత్మకమైన ఉండవల్లి గుహల బ్యాక్‌డ్రాప్‌లో జరిగిన ఈ యోగా వేడుకలు అందరినీ ఆకట్టుకున్నాయి. దీనికి సంబంధించిన విజువల్స్ ప్రస్తుతం సోషల్ మీడియాలో విపరీతంగా ట్రెండ్ అవుతున్నాయి.
కుంభమేళా గర్ల్ మోనాలిసాకు ప్రాణభయం..
'కుంభమేళా గర్ల్' మోనాలిసా, ఆమె భర్త మొహమ్మద్ ఫర్మాన్‌కు ప్రొటెక్షన్ ఇవ్వాలని కేరళ హైకోర్టు పోలీసులను ఆదేశించింది. ఆన్‌లైన్ లవ్‌తో వీరిద్దరూ కేరళలో హిందూ సంప్రదాయం ప్రకారం పెళ్లి చేసుకోగా, మోనాలిసా మైనర్ అంటూ ఆమె తండ్రి మధ్యప్రదేశ్‌లో కిడ్నాప్ కేసు పెట్టారు. దీంతో భర్త అరెస్ట్‌పై కేరళ హైకోర్టు స్టే ఇచ్చింది. మతాంతర వివాహం వల్ల తమ ఫ్యామిలీస్ నుండి ప్రాణాలకు ముప్పు ఉందని ఈ కపుల్ కోర్టులో పిటిషన్ వేశారు. దీనిపై విచారణ జరిపిన హైకోర్టు, జులై 10న జరిగే నెక్స్ట్ హియరింగ్ వరకు వీరికి సేఫ్టీ కల్పించాలని కోర్టు ఆర్డర్ వేసింది.
తాళాలు అవసరం లేదు.. కారు వైపు చూస్తే చాలు లాక్ ఓపెన్!
మెర్సిడెస్ బెంజ్ తన కొత్త ఎలక్ట్రిక్ కారులో ఒక అదిరిపోయే ఫ్యూచరిస్టిక్ ఫీచర్‌ను తీసుకొచ్చింది. ఇకపై ఈ కారును ఓపెన్ చేయడానికి ఎలాంటి తాళాలు (keys) అవసరం లేదు. కేవలం మన ఫేస్ రికగ్నిషన్ ద్వారా, అంటే కారు వైపు చూస్తే చాలు దానంతట అదే డోర్స్ తెరుచుకుంటుంది. మన స్మార్ట్‌ఫోన్స్‌లో ఉండే ఫేస్ లాక్ లాగే ఈ కార్ టెక్నాలజీ కూడా పనిచేస్తుంది. కార్ల హిస్టరీలోనే ఇదొక నెక్స్ట్ లెవెల్ అప్‌డేట్ అని చెప్పొచ్చు. ప్రస్తుతం ఈ సరికొత్త ఎలక్ట్రిక్ కార్ ఫీచర్ సోషల్ మీడియాలో విపరీతంగా వైరల్ అవుతోంది.
బండి భగీరథ్కు తాత్కాలిక బెయిల్ మంజూరు
TG: కేంద్ర మంత్రి బండి సంజయ్ కుమారుడు బండి భగీరథ్కు తాత్కాలిక బెయిల్ మంజూరైంది. పోక్సో కేసులో అరెస్ట్ అయి నెల రోజులకు పైగా జైల్లో ఉన్న భగీరథ్కు మేడ్చల్ మల్కాజ్‌గిరి కోర్ట్ వారం రోజులపాటు తాత్కాలిక బెయిల్ మంజూరు చేసింది. తమ కూతురిని భగీరథ్ లైంగికంగా వేధించాడని మే 8వ తేదీన బాలిక తల్లి హైదరాబాద్‌లోని పేట్ బషీరాబాద్ పోలీస్‌స్టేషన్‌లో ఫిర్యాదు చేసింది. దీంతో మే 16న అతడిని పోలీసులు అరెస్ట్ చేశారు.
KTR దమ్ముంటే ఆ పనిచేయాలి: మైనంపల్లి
TG: BRS వర్కింగ్ ప్రెసిడెంట్ KTR దమ్ముంటే మల్కాజిగిరికి వచ్చి పోటీ చేయాలని కాంగ్రెస్ నేత మైనంపల్లి హన్మంతరావు సవాల్ చేశారు. శనివారం ఆయన మీడియాతో మాట్లాడారు. కాంగ్రెస్ నేతలపై, తమపై ఇష్టానుసారం మాట్లాడితే తగిన బుద్ధి చెబుతామని వార్నింగ్ ఇచ్చారు. ఇకపై దాడికి ప్రతిదాడి తప్పకుండా చేస్తామని.. ఎట్టి పరిస్థితుల్లో వదిలిపెట్టబోమని, BRS నేతలకు సినిమా చూపిస్తామని వార్నింగ్ ఇచ్చారు. తెలంగాణలో ఇందిరమ్మ ఇళ్లు లేని ఊరు చూపిస్తే శాశ్వతంగా రాజకీయాలు వదిలేస్తానని మైనంపల్లి సంచలన వ్యాఖ్యలు చేశారు.
అల్లు అర్జున్ స్పెషల్ వీడియో కాల్.. ఆ చిన్నారి ఎవరంటే?
తీవ్ర అనారోగ్యంతో బాధపడుతున్న శ్రద్ధ అనే చిన్నారి, అల్లు అర్జున్‌తో మాట్లాడాలని ఆశపడింది. ఈ విషయం తెలుసుకున్న ఒక NGO టీమ్ ఆయనను కాంటాక్ట్ చేయగా, బన్నీ వెంటనే రెస్పాండ్ అయ్యారు. ఆ చిన్నారికి వీడియో కాల్ చేసి స్పెషల్‌గా మాట్లాడారు. ఎంతో ప్రేమతో పలకరిస్తూ ఆ పాప ఫేస్‌లో హ్యాపీనెస్ తెచ్చారు. చిన్నారి కోరికను తీర్చి, ధైర్యం చెప్పిన బన్నీ తన మంచి మనసు చాటుకున్నారు. ప్రస్తుతం ఈ వీడియో కాల్ విజువల్స్ సోషల్ మీడియాలో వైరల్ అవుతున్నాయి.
తండ్రికి ఫోన్‌ చేసి.. గోదావరిలో దూకిన కానిస్టేబుల్
AP: తూర్పుగోదావరి జిల్లా శ్రీరాంపురానికి చెందిన చంద్రమళ్ల వంశీ(31) కాకినాడ APSP మూడో బెటాలియన్‌లో కానిస్టేబుల్‌గా విధులు నిర్వహిస్తున్నాడు. వంశీకి కుటుంబసభ్యులు పెళ్లి సంబంధం చూసి నిశ్చితార్థానికి ఏర్పాట్లు చేశారు. అప్పటికే పరిచయం ఉన్న ఓ మహిళా కానిస్టేబుల్, రాజమహేంద్రవరం మహిళా PSలో వంశీపై ఫిర్యాదు చేశారు. పోలీసులు పలుమార్లు వంశీని స్టేషన్‌కు పిలిపించి విచారించారు. వంశీ తన తండ్రికి ఫోన్‌ చేసి తాను గోదావరి నదిలోకి దూకుతున్నట్లు చెప్పి సూసైడ్ చేసుకున్నాడు. పోలీసులు కేసు నమోదు చేసుకుని దర్యాప్తు చేపట్టారు.
ఆడవారు మీకంటే హైట్ ఉన్నా, ఎక్కువ సంపాదిస్తున్నా.. మగాళ్లకు భయమా?
మహిళా భాగస్వామి కంటే మగవారే పైచేయిగా ఉండాలనే రూల్ వెనుక పితృస్వామ్య (patriarchy) ఆలోచనలు ఉన్నాయి.5,000 ఏళ్ల క్రితం ఇద్దరూ సమానమే అయినా, కాలక్రమేణా మగవారిలో అభద్రతాభావం పెరిగింది. డేటింగ్ యాప్స్‌లో పురుషులు హైట్ అబద్ధం చెప్పడం, వైఫ్ ఎక్కువ సంపాదిస్తే ఇన్ఫీరియర్‌గా ఫీల్ అవ్వడం దీనికి నిదర్శనం. అమెరికాలో 16% మంది భార్యలే భర్త కంటే ఎక్కువ సంపాదిస్తున్నారు. బ్రిటన్ రాణి భర్త ఆల్బర్ట్ కూడా 'నేను ఇంట్లో కేవలం భర్తను, యజమానిని కాదు' అని బాధపడ్డారు. నిజానికి మహిళలు ఎక్కువ హైట్ ఉన్నా, ఎక్కువ సంపాదించినా అది చాలా నార్మల్! మనసుతో భాగస్వామిని ఎంచుకుంటేనే రిలేషన్స్ హ్యాపీగా ఉంటాయి.
పేలిన కూలర్.. పెంకుటింట్లో మంటలు
AP: బీఆర్ అంబేడ్కర్ కోనసీమ జిల్లా రాజోలు మండలం మెరకపాలెంలో శుక్రవారం అర్ధరాత్రి జరిగిన ఫైర్ యాక్సిడెంట్‌లో మూడు కుటుంబాలు నిరాశ్రయులయ్యాయి. కోరుకొండ బాబురావు, కోరుకొండ కృష్ణమూర్తి కుటుంబాలు, తదితరులు ఒకే ఇంట్లో ఉంటున్నారు. ఇంట్లో ఉన్న కూలర్ లోవోల్టెజ్‌తో పేలడంతో ఒక్కసారిగా మంటలు వ్యాపించాయి. ఫైర్ సిబ్బంది మంటలను అదుపులోకి తెచ్చారు. అప్పటికే ఇంట్లోని వస్తువులు, ఇతర సామగ్రి పూర్తిగా దగ్ధమయ్యాయి. సుమారు రూ.5లక్షల ఆస్తినష్టం జరిగినట్లు ఫైర్ సిబ్బంది ప్రాథమికంగా అంచనా వేశారు. ఎలాంటి ప్రాణనష్టం జరగలేదు.
చిన్నపాము అని ఆటాడితే ప్రాణం తీసింది
TG: రంగారెడ్డి జిల్లా రాజేంద్రనగర్ ఖాద్రీహిల్స్‌కు చెందిన సయ్యద్ మొహిద్దీన్ హుస్సైనీ(30) వ్యాపారవేత్త. ఆయనకు మొయినాబాద్‌లో ఫాంహౌస్ ఉంది. ఆయన ఫ్రెండ్స్‌తో కలిసి అక్కడికి వెళ్లారు. ఫాంహౌస్‌లోకి చిన్న కట్లపాము రావడంతో చేతితో పట్టుకొని మొహిద్దీన్ అందరినీ భయపెట్టాడు. పాము కుడిచేతి వేలును నోటితో గట్టిగా పట్టుకొంది. కరుస్తోందని పక్కనున్నవారు చెప్పినా తనకు ఏంకాదని చెప్పాడు. శరీరంలో మార్పులు రావడంతో మెహిదీపట్నంలోని ఓ ప్రైవేట్ హాస్పిటల్‌కు వెళ్లగా డాక్టర్స్ ఇంజక్షన్ ఇచ్చారు. తర్వాత ఉస్మానియా హాస్పిటల్‌కు తీసుకెళ్లగా మొహిద్దీన్ మృతి చెందినట్లు డాక్టర్స్ తెలిపారు.
పిల్లలతో ఒబామా.. ఈ క్యూట్ వీడియో చూశారా?
అమెరికా మాజీ ప్రెసిడెంట్ బరాక్ ఒబామా తన వైఫ్ మిషెల్లీతో కలిసి ఒక ఇంట్రెస్టింగ్ పోస్ట్ షేర్ చేశారు. ఒబామా ప్రెసిడెన్షియల్ సెంటర్‌లో కొత్తగా ఓపెన్ చేసిన 'చికాగో పబ్లిక్ లైబ్రరీ' బ్రాంచ్‌ని వీరు విజిట్ చేశారు. అక్కడ కొంతమంది కిడ్స్‌కి బుక్స్ చదివి వినిపించారు. ఈ లైబ్రరీ కేవలం బుక్స్ చదవడానికే కాకుండా, జనాలు ఒకరినొకరు కలుసుకుని కనెక్ట్ అవ్వడానికి ఒక మంచి ప్లేస్‌గా మారుతుందని ఒబామా చెప్పారు.
గోల్డ్ లవర్స్‌కి గుడ్ న్యూస్.. భారీగా పడిపోయిన బంగారం ధరలు!
బంగారం కొనాలనుకునే వారికి గుడ్ న్యూస్! మార్కెట్‌లో గోల్డ్ రేట్లు భారీగా పడిపోయాయి. హైదరాబాద్‌లో ఈరోజు 24 క్యారెట్ల బంగారం ధర రూ.3,600 తగ్గి రూ.1,45,850 కి చేరింది. అలాగే 22 క్యారెట్ల ధర రూ.1,33,690 కి పడిపోయింది. రేట్లు బాగా తగ్గాయి కాబట్టి షాపింగ్ ప్లాన్ చేసుకునే వారికి ఇదే బెస్ట్ టైమ్. కానీ ప్రైసెస్ ఎప్పుడైనా మారొచ్చు, షాపింగ్‌కి వెళ్లే ముందు ఒకసారి లైవ్ రేట్ చెక్ చేసుకోండి!
ఆగి ఉన్న లారీని ఢీకొట్టిన బొలెరో
AP: తిరుపతి జిల్లా శ్రీకాళహస్తి పట్టణ పరిధిలోని ఊరందరు నేషనల్ హైవేపై రోడ్ యాక్సిడెంట్ జరిగింది. హైవేపై ఆగి ఉన్న లారీని వెనుక నుంచి చేపల లోడ్‌తో వెళ్తున్న బొలెరో వాహనం బలంగా ఢీకొట్టింది. ఈ ప్రమాదంలో బొలెరో వాహనం డ్రైవర్‌తో పాటు క్లీనర్ గాయపడ్డారు. గమనించిన స్థానికులు వెంటనే సమీప హాస్పిటల్‌కు తరలించారు. ఈ ప్రమాదంతో బొలెరో వాహనం ముందు భాగం నుజ్జు నుజ్జు అయింది. వాహనంలో ఉన్న చేపల లోడ్ రోడ్డుపై చిందరవందరగా పడిపోయింది.
అమెజాన్‌లో కత్తి తెప్పించుకుని ప్రేమోన్మాది దాష్టికం
TG: రాయదుర్గం ఇండ్ల బస్తీలో నివసించే కంచమీది గోవర్ధన్(23) అదే బస్తీకి చెందిన ఓ డిగ్రీ విద్యార్థిని(21)ని ప్రేమ పేరుతో వెంటపడుతున్నాడు. ఆమె రిజెక్ట్ చేయడంతో కక్ష పెట్టుకున్నాడు. విద్యార్థిని కుటుంబం తమ ఇంట్లోని ఫస్ట్ ఫ్లోర్‌లో ఉంటోంది. అతడు తెల్లవారుజామున 4 గంటలకు పక్కింటిపైకెక్కి ఆమె ఇంట్లోకి కత్తితో వచ్చాడు. కుటుంబ సభ్యులపై కత్తితో దాడి చేశాడు. ఇరుగుపొరుగు వారు వచ్చి ఆ ఉన్మాదిని పట్టుకుని బంధించి పోలీసులకు అప్పగించారు. జులాయిగా తిరిగే నిందితుడు అమెజాన్‌లో కత్తి తెప్పించుకున్నాడని, హత్యాయత్నం కేసు నమోదు చేశామని పోలీసులు తెలిపారు.
ఇక వాట్సాప్‌లోనే మార్కుల మెమో
తెలంగాణలో విద్యను బలోపేతం చేసేందుకు CM రేవంత్ రెడ్డి కీలక సంస్కరణలు తీసుకువచ్చారు. విద్యార్థులకు మరింత వేగంగా, పారదర్శకంగా, సులభంగా సేవలను అందించేందుకు వాట్సాప్ ఆధారిత డిజిటల్ సేవలను అధికారికంగా ప్రవేశపెట్టారు. హైదరాబాద్‌లోని LB స్టేడియంలో గవర్నర్ శివప్రతాప్ శుక్లాతో కలిసి CM ఈ సేవలను ప్రారంభించారు. వాట్సాప్ ద్వారానే ప్రోగ్రెస్ రిపోర్టులు, హాల్‌టికెట్లు, మార్కుల మెమోలు, SSC సర్టిఫికెట్లు పొందే అవకాశం కల్పించారు. త్వరలోనే అటెండెన్స్, స్కాలర్‌షిప్‌లు, యూనిఫామ్‌లు, పాఠ్యపుస్తకాల వివరాలు కూడా అందుబాటులోకి తీసుకురానున్నారు.
కూతుళ్లే కొడుకులయ్యారు !
AP: బీఆర్ అంబేద్కర్ కోనసీమ జిల్లా అయినవిల్లి మండలం కే.జగన్నాథపురం గ్రామానికి చెందిన పిచ్చిక సత్యనారాయణ(52) తీవ్ర అనారోగ్యంతో మృతి చెందాడు. క్యాటరింగ్ పని చేస్తూ జీవనం సాగించే సత్యనారాయణకు మతిస్థిమితం లేని భార్య సత్యవతి ఉంది. మానసిక దివ్యాంగురాలైన సత్యవతికి సరైన వైద్యం అందక మతిస్తిమితం కోల్పోయింది. ఆయనకు ముగ్గురు కుమార్తెలు ప్రసన్న, జ్యోతిక, జ్యోత్స్నలు ఉన్నారు. అనారోగ్యంతో వాళ్ల నాన్న చనిపోవడంతో కుమార్తెలే అంత్యక్రియలు నిర్వహించారు.
అత్యాచారం కేసులో రిటైర్డ్ ఉద్యోగికి 21ఏళ్ల జైలుశిక్ష
TG: సూర్యాపేట జిల్లా హుజూర్నగర్ పట్టణానికి చెందిన వూసా వెంకటనారాయణ(84) రిటైర్డ్ ఉద్యోగి. హైదరాబాద్‌లోని చైతన్యపురి PS పరిధిలో స్థిరపడ్డాడు. ఆయన 2023లో మతిస్థిమితం సరిగాలేని ఓ బాలికకు బిస్కెట్లు, చాక్లెట్ల ఆశ చూపి తన ఇంట్లోకి తీసుకెళ్లి అత్యాచారం చేశాడు. బాలిక తండ్రి పోలీసులకు ఫిర్యాదు చేశాడు. పోలీసులు నిందితుడిని అరెస్ట్ చేసి రిమాండ్‌కు తరలించారు. కేసును విచారించిన రంగారెడ్డి జిల్లా ప్రత్యేక పోక్సో కోర్టు వెంకటనారాయణకు 21ఏళ్ల జైలుశిక్ష, రూ.30వేల జరిమానా విధించింది.
గాంధీ సరోవర్‌కు కేంద్ర రక్షణశాఖ గ్రీన్ సిగ్నల్
తెలంగాణ గవర్నమెంట్ అత్యంత ప్రతిష్ఠాత్మకంగా తీసుకున్న గాంధీ సరోవర్ ప్రాజెక్టుకు 83ఎకరాల భూములిచ్చేందుకు రక్షణశాఖ అనుమతి ఇచ్చింది. వర్కింగ్ పర్మిషన్ ఇస్తూ ఉత్తర్వులు జారి చేసింది. రక్షణశాఖ డిసిషన్‌పై CM రేవంత్ రెడ్డి, కేంద్ర రక్షణశాఖ మంత్రి రాజ్‌నాథ్ సింగ్‌కు 'ఎక్స్' వేదికగా కృతజ్ఞతలు తెలిపారు. మూసీ అభివృద్ధిలో కీలక మైలురాయిని చేరుకున్నామన్నారు. నిరంతరం మంచినీటి ప్రవాహంతో మూసీ నదికి పునరుజ్జీవం కల్పిస్తామని, పర్యావరణ, సాంస్కృతిక కేంద్రంగా తీర్చిదిద్దుతామని CM స్పష్టం చేశారు.
నిందితులకు శిక్ష పడేలా చేస్తాం: చంద్రబాబు
AP: విజయవాడకు చెందిన గాదె సాయికృష్ణ మిస్సింగ్ ఘటనలో నిందితులకు తప్పనిసరిగా శిక్ష పడేలా చేస్తామని సాయికృష్ణ తల్లి విజయలక్ష్మికి CM చంద్రబాబు భరోసా ఇచ్చారు. గుంటూరు జిల్లా ఉండవల్లిలోని క్యాంపు ఆఫీస్‌లో సాయికృష్ణ తల్లి, కుటుంబసభ్యులు చంద్రబాబును కలిసి తమకు న్యాయం చేయాలని కోరారు. ఈ కేసును నిష్పక్షపాతంగా దర్యాప్తు చేయించి బాధ్యులందరిపై కఠిన చర్యలు తీసుకుంటామని వారికి హామీ ఇచ్చారు. సాయికృష్ణ మిస్సింగ్ ఘటన, తర్వాత జరిగిన పరిణామాలను అడిగి తెలుసుకున్నారు. అన్నివిధాలా న్యాయం చేస్తామని హామీ ఇచ్చారు.
గడ్డి మందు నిషేధంపై హైకోర్ట్‌లో పిటిషన్
AP: పారాక్వాట్‌ డైక్లోరైడ్‌ 24% SL అనే గడ్డి మందు చాలా డేంజర్ అంటూ ఫిర్యాదులు రావడంతో ఆంధ్రప్రదేశ్, తెలంగాణలో నిషేధించిన విషయం తెలిసిందే. ఇటీవల AP రాష్ట్ర వ్యవసాయశాఖ 60రోజులపాటు గడ్డిమందును నిషేధిస్తూ జారీ చేసిన GOను సవాల్ చేస్తూ ఫెర్టిలైజర్స్‌, సీడ్‌ డీలర్స్‌ అసోసియేషన్‌ రాష్ట్ర అధ్యక్షుడు వెంకట నాగిరెడ్డి హైకోర్టును ఆశ్రయించారు. పారాక్వాట్‌ తయారీ, పంపిణీ, విక్రయానికి అనుమతిచ్చేలా ఆదేశించాలని పిటిషన్‌లో నాగిరెడ్డి హైకోర్టును కోరారు. గవర్నమెంట్ ముందుగా తమకు ఎలాంటి నోటీసులు ఇవ్వకుండా నిషేధం విధించిందని ఆయన పిటిషన్‌లో పేర్కొన్నాడు.