Crime

Crime· 17 Jul 2026

ఆస్తి కోసం అత్తను చంపింది

TG: సూర్యాపేట జిల్లా తుంగతుర్తి మండలం తూర్పుగూడెంలో కొణతం భాగ్యమ్మ అనుమానాస్పద స్థితిలో మృతి చెందడంతో పోలీసులు కేసు నమోదు చేసి దర్యాప్తు చేపట్టారు. దర్యాప్తులో మృతురాలి కోడలు మధురనే హత్య చేసినట్లు తేలింది. భాగ్యమ్మకు 6ఎకరాల భూమి ఉంది. భూమిలో వాటా కావాలని కుమార్తె శోభారాణి కోర్టులో కేసు వేసింది. దీంతో అత్తా, కోడళ్ల మధ్య గొడవలు జరుగుతున్నాయి. అత్తను చంపాలని డిసైడ్ అయిన మధుర, ఆమెను గట్టిగా నెట్టివేసింది. మళ్లీ లేవగా, వెనుక నుంచి చేతులతో మెలివేసి మంచంపైకి నెట్టి చంపినట్లు DSP ప్రసన్నకుమార్ తెలిపారు. మధురను అరెస్ట్ చేశామన్నారు.

Crime· 17 Jul 2026

సెల్‌ఫోన్ గొడవ.. బాలిక సూసైడ్

AP: కర్నూలు జిల్లా మంత్రాలయం మండలం మాధవరం గ్రామానికి చెందిన జేమ్స్ కుమార్తె లావణ్య (15) స్థానిక ZPHSలో 9వ తరగతి చదువుతోంది. ఆమె అన్న చరణ్ కూడా అదే స్కూల్‌లో 10వ తరగతి చదువుతున్నాడు. పాఠశాల ముగిసిన తర్వాత ఇద్దరూ ఇంటికి వచ్చి సెల్ ఫోన్ వాడుకునే విషయంలో గొడవ పడ్డారు. తల్లిదండ్రులు లావణ్యను మందలించారు. తీవ్ర మనస్తాపానికి గురైన బాలిక క్షణికావేశంలో పక్కనే ఉన్న తన అవ్వ ఇంటికి వెళ్లింది. అక్కడ చిన్నపిల్లల కోసం కట్టిన చీరతో ఉరివేసుకుని ఆత్మహత్య చేసుకుంది.

Crime· 17 Jul 2026

NOC కోసం లంచం డిమాండ్.. చివరికీ

TG: ఆదిలాబాద్‌ పట్టణంలోని నీటి పారుదల శాఖ కార్యాలయంలో లంచం తీసుకుంటున్న ఇద్దరు అధికారులను ACB అధికారులు రెడ్‌హ్యాండెడ్‌గా పట్టుకున్నారు. సొనాల ప్రాంతానికి చెందిన చౌహన్‌ విక్రమ్‌ సింగ్‌ పౌల్ట్రీ‌ఫామ్‌ ఏర్పాటు కోసం NOC కావాలని దరఖాస్తు చేసుకున్నాడు. నీరుపారుదల EE రాథోడ్‌ విఠల్‌, AE రమేష్‌ రూ. 1 లక్ష లంచం ఇవ్వాలని డిమాండ్‌ చేశారు. ఫైనల్‌గా రూ.60 వేలకు ఒప్పందం కుదుర్చుకున్నారు. బాధితుడు ఇంజనీర్లకు డబ్బులు ఇస్తుండగా ఇద్దరినీ పట్టుకున్నట్లు ఏసీబీ DSP మధు తెలిపారు.

Crime· 16 Jul 2026

USలో కత్తి పోట్లకు గురైన హైదరాబాదీ!

అమెరికాలోని ఉటా రాష్ట్రంలో వెస్ట్ వ్యాలీలోని ఒక షాపింగ్ మాల్‌లో దుండగుడి కత్తి పోట్లకు గాయపడిన బాధితుడు హైదరాబాద్ టోలీ చౌకీ ప్రాంతానికి చెందిన సోహైల్ అని తేలింది. నిన్న ఆర్ యు ఏ ముస్లిం? అని అడుగుతూ ఓ దుండగుడు కత్తితో 13 సార్లు పొడవడంతో సోహైల్ తీవ్రంగా గాయపడ్డాడు. ఆతడిని ఆస్పత్రికి తీసుకెళ్లి ట్రీట్మెంట్ ఇప్పిస్తున్నారు. సొహైల్ వివాహితుడు. ఇతనికి ఇద్దరు పిల్లలున్నారు. మైనారిటీలపై దాడుల పట్ల MIM నేత అసదుద్దీన్ ఒవైసీ ఆందోళన వ్యక్తం చేశారు. ఘటనపై భారత కాన్సులేట్ కూడా విచారం వ్యక్తం చేసింది.

Crime· 16 Jul 2026

UPSC సాధించలేక నకిలీ అవతారాలెత్తిన ఘనుడు !

ఉత్తరాఖండ్ మాజీ ప్రధాన కార్యదర్శి ఎస్ రామస్వామి కుమారుడు యశ్‌వర్ధన్‌ను డెహ్రాడూన్ పోలీసులు అరెస్ట్ చేశారు. అతను ఐపీఎస్ ఆఫీసర్, రా (RAW) ఏజెంట్ , ఆర్మీ సోల్జర్‌గా నకిలీ అవతారాలెత్తి ప్రభుత్వ ఉద్యోగాలు ఇప్పిస్తానంటూ పలువురి నుండి లక్షల రూపాయలు వసూలు చేసి మోసం చేశాడు. నిందితుడి వద్ద నుండి 5 ఫేక్ ఐడీ కార్డులు, ఆర్మీ యూనిఫారాలు, వైర్‌లెస్ సెట్‌ను పోలీసులు స్వాధీనం చేసుకున్నారు. యూపీఎస్‌సీ (UPSC) క్లియర్ చేయలేక, అధికారం కోసం అతను ఈ మోసాలకు పాల్పడినట్లు ఒప్పుకున్నాడు.

Crime· 16 Jul 2026

అమ్మవారి తాళిబొట్టు కూడా వదల్లేదు

AP: తిరుపతి జిల్లా చంద్రగిరి మండలం శ్రీనివాస మంగాపురంలోని ఎల్లమ్మ టెంపుల్‌లో అర్ధరాత్రి దొంగలు బీభత్సం సృష్టించారు. ఆలయ ప్రధాన గేటు తాళాలు పగులగొట్టిన దొంగలు CCTV కెమెరాలను ధ్వంసం చేశారు. అమ్మవారి విగ్రహానికి ఉన్న 11 గ్రాముల బంగారు తాళిబొట్టుతో పాటు, ఆలయ ప్రాంగణంలో ఉన్న మినరల్ వాటర్ కాయిన్ బాక్స్‌ను ఎత్తుకెళ్లారు. ఆలయంలో ఏళ్ల తరబడి హుండీ లెక్కింపు చేపట్టకపోవడంతో అందులో భారీగా నగదు ఉన్నట్లు సమాచారం. దుండగులు ఆ హుండీని పగులగొట్టి నగదును దోచుకెళ్లారు. పోలీసులు క్లూస్ టీంతో ఆధారాలు సేకరించారు. కేసు నమోదు చేసి దర్యాప్తు చేపట్టారు.

Crime· 16 Jul 2026

APలో మళ్ళీ రెండు లాక్అప్ డెత్ లు జరిగాయా?

APలో పోలీసుల తీరుపై వరుస ఘటనలు చర్చనీయాంశమవుతున్నాయి. నెల్లూరు జిల్లా మనుబోలులో బొల్లి ఏడుకొండలు పోలీస్ కస్టడీలో మృతిచెందగా, అది లాకప్ డెత్ అని కుటుంబం ఆరోపిస్తోంది. పోలీసులు మాత్రం ఆయన విషం తాగాడని చెబుతున్నారు. మరోవైపు పిడుగురాళ్లలో ఉర్దూ అకాడమీ లైబ్రేరియన్ షేక్ దరియా హుస్సేన్ ఆత్మహత్యకు పోలీసుల వేధింపులే కారణమని కుటుంబం ఆరోపిస్తోంది. రెండు ఘటనలపైనా పారదర్శక విచారణ జరిపి నిజాలు వెలుగులోకి తేవాలని ప్రజా సంఘాలు డిమాండ్ చేస్తున్నాయి.

Crime· 16 Jul 2026

భార్యే విలనా? హై-సెక్యూరిటీ ఇంట్లో డాక్టర్ హత్య!

కర్ణాటక ధార్వాడ్‌లోని ఓ హై-సెక్యూరిటీ అపార్ట్‌మెంట్‌లో డాక్టర్ కిరణ్ (45) కిరాతకంగా హత్యకు గురయ్యారు. ఆయన 8 ఏళ్ల కొడుకుపై కూడా కత్తితో దాడి జరగడంతో హాస్పిటల్‌లో క్రిటికల్ కండిషన్‌లో ఉన్నాడు. ఇన్సిడెంట్ టైంలో ఇంట్లోకి బయటి వ్యక్తులు ఎవరూ రాలేదని, కేవలం భార్య ప్రియాంక మాత్రమే ఉందని పోలీసులు కన్ఫర్మ్ చేశారు. బంధువుల ఫోన్లకు ఆమె పొంతన లేని ఆన్సర్స్ ఇవ్వడంతో ఈ కేసులో మరింత అనుమానాలు వ్యక్తమవుతున్నయి. ఫ్యామిలీ గొడవలే రీజన్ అని డౌట్ పడుతున్న పోలీసులు.. భార్యనే హత్య చేసి ఉంటుందనే కోణంలో విచారిస్తున్నారు.

Crime· 16 Jul 2026

పోక్సో కేసు నిందితుడి ఆత్మహత్య

TG: కామారెడ్డి జిల్లా దోమకొండ మండలం చింతామన్‌పల్లి గ్రామానికి చెందిన రంగబోయిన సందీప్ (23) గ్రామ శివారులోని ఓ చెట్టుకు ఉరివేసుకుని సూసైడ్ చేసుకున్నాడు. గతంలో పోక్సో కేసులో నిందితుడిగా ఉన్న సందీప్ ఇటీవలే జైలుకు వెళ్లి బెయిల్‌పై బయటకు వచ్చాడు. అప్పటి నుంచి బాలిక తల్లిదండ్రులు తనను బెదిరిస్తున్నారని తీవ్ర మనస్తాపానికి గురై ఆత్మహత్య చేసుకున్నాడు. బాధిత బాలిక కుటుంబసభ్యుల నుంచి బెదిరింపులతోనే తమ కుమారుడు ఆత్మహత్యకు పాల్పడ్డాడని యువకుడి తండ్రి పోలీసులకు ఫిర్యాదు చేశారు. పోలీసులు కేసు నమోదు చేసి దర్యాప్తు చేపట్టారు.

Crime· 16 Jul 2026

యువకుడు దారుణ హత్య

AP: కాకినాడ జిల్లా పిఠాపురం నియోజకవర్గంలోని మూలపేట గ్రామంలో యువకుడు దారుణ హత్యకు గురయ్యాడు. పెదపూడి మండలం రామేశ్వరం గ్రామానికి చెందిన రాకేష్(28) తన అమ్మమ్మ అంత్యక్రియలకు మూలపేటకు వచ్చాడు. ఓ దుకాణం వద్ద రాకేష్ చెల్లితో కొందరు యువకులు అసభ్యకరంగా ప్రవర్తించారు. తన చెల్లిపై ఎందుకు కామెంట్ చేశారని రాకేష్ నిలదీయడంతో ఘర్షణ జరిగింది. అమ్మమ్మ ఖననం కోసం స్మశాన వాటికకు వెళ్లిన రాకేష్‌పై వంశీ అనే యువకుడు, మరో నలుగురు చాకులతో దాడి చేశారు. తీవ్రంగా గాయపడిన రాకేష్‌ను పిఠాపురం ప్రభుత్వ ఆసుపత్రికి తరలించే లోపే మృతి చెందాడు.

▶

Crime· 15 Jul 2026

బెంగాల్ లో గిగ్ వర్కర్ పైత్యానికి పోలీస్ రియాక్షన్

తాను వేధిస్తున్నది సాక్షాత్తు ఒక కానిస్టేబుల్ ని అన్న సంగతి తెలీక బెంగాల్ లో ఓ గిగ్ వర్కర్ ఓ లేడీని ఏడ్పించి అడ్డంగా బుక్కైయ్యాడు.. ఖార్దా జిల్లాలో వీధిలో కనిపించిన ఓ లేడీని ఓ గిగ్ వర్కర్ అసభ్యకర సైగలతో వేధించాడు. ఆమె సివిల్ డ్రెస్ లో ఉన్న పోలీస్ అని తెలిసే సరికి షాకయ్యాడు. కాలర్ పట్టుకుని ఆ లేడీ కానిస్టేబుల్ ఆ వర్కర్ ను ఈడ్చుకుంటూ పోలీస్ స్టేషన్ కు తీసుకెళ్లింది. లేడి కానిస్టేబుల్ టైమ్ లీ యాక్షన్ పై నెట్టింట ప్రశంసలు కురుస్తున్నాయి. ఈ వీడియో వైరల్ గా మారింది.

Crime· 15 Jul 2026

పోలీసుల నిర్లక్ష్యానికి యువకుడు బలి !

ఉత్తరప్రదేశ్‌లోని ఘాజియాబాద్‌లో పోలీసుల నిర్లక్ష్యానికి ఒక 22 ఏళ్ల కార్ మెకానిక్ బలైపోయాడు. ఆటో డ్రైవర్‌తో కేవలం 20 రూపాయల విషయంలో వచ్చిన గొడవ కారణంగా, బాధితుడు రాజ్‌కుమార్ అక్కడే ఉన్న పింక్ పోలీస్ బూత్ తలుపులు బాదాడు. ఆ సమయంలో అద్దాలు పగిలి అతని చేతికి తీవ్ర గాయమైంది. భయపడిన మహిళా పోలీసులు లోపలే తలుపులు వేసుకున్నారు. తీవ్ర రక్తస్రావంతో 40 నిమిషాల పాటు రోడ్డుపై సాయం కోసం అరిచినా ఎవరూ పట్టించుకోకపోవడంతో అతను అక్కడికక్కడే మరణించాడు.

Crime· 15 Jul 2026

దినకర్మ సామాగ్రి తీసుకెళ్తుండగా ఘోర ప్రమాదం

TG: కామారెడ్డి జిల్లా నిజాంసాగర్ మండలం వడ్డేపల్లి శివారులోని కంకర క్రషర్ సమీపంలో జరిగిన ఘోర రోడ్డు ప్రమాదంలో ఇద్దరు యువకులు మృతి చెందారు. గోర్గల్ గ్రామానికి చెందిన జుంజురు దినేష్(26), జుంజురు రమేష్(24) దినకర్మ సామాగ్రి తీసుకుని బైక్‌పై వెళ్తున్నారు. గుర్తుతెలియని వాహనం వేగంగా వచ్చి వీరిని బలంగా ఢీకొట్టింది. ప్రమాదంలో దినేష్ స్పాట్‌లోనే మృతి చెందగా, తీవ్రంగా గాయపడ్డ రమేష్‌ను బాన్సువాడ ఆస్పత్రికి తరలిస్తుండగా మార్గమధ్యలో అతను మృతి చెందినట్లు SI శివకుమార్ తెలిపారు.

Crime· 15 Jul 2026

ఎక్స్‌పైరీ ఫుడ్ కలర్స్‌తో ఐస్‌క్రీమ్

TG: HYDలోని రామంతాపూర్ లక్ష్మీనారాయణ కాలనీలో ఓ కల్తీ ఐస్‌క్రీమ్ తయారీ కేంద్రంపై పోలీసులు దాడిచేశారు. గడువు ముగిసిన ఫుడ్ కలర్స్, వివిధ రకాల ఫ్లేవర్లను ఉపయోగించడంతో పాటు, పూర్తిగా ఫంగస్ పట్టిన ఎండు అంజీర్‌తో ఐస్‌క్రీమ్‌లు తయారు చేస్తున్నట్లు గుర్తించారు. ప్రమాదకరమైన పద్ధతుల్లో ఐస్‌క్రీమ్స్ తయారు చేస్తున్నట్లు, ఎలాంటి లేబుళ్లు లేని ముడి పదార్థాలు, భారీ మొత్తంలో లూజ్ టూటీ ఫ్రూటీని పోలీసులు స్వాధీనం చేసుకున్నారు. ఐస్‌క్రీమ్ యూనిట్‌ను సీజ్ చేసి నిర్వాహకుడు మందుల రమేష్‌ను పోలీసులు అరెస్ట్ చేశారు.

Crime· 15 Jul 2026

ప్రేమ వ్యవహారం.. యువకుడి హత్య

TG: వరంగల్ జిల్లా వర్ధన్నపేట మండలం ఉప్పరపల్లి గ్రామానికి చెందిన భాస్కర్ (29) హైదరాబాద్‌లోని మాదాపూర్‌‌లో ఓ హాస్టల్‌లో వంటమనిషిగా పనిచేస్తున్నాడు. ఇన్‌స్టాగ్రామ్ ద్వారా స్వగ్రామానికి చెందిన యువతితో పరిచయం ప్రేమగా మారింది. దీంతో కుటుంబసభ్యులు యువతికి మరో యువకుడితో వివాహం చేశారు. భార్యాభర్తలకు గొడవలు జరగడంతో విడాకులు తీసుకున్నారు. అయితే తన కూతురి విడాకులకు భాస్కర్ కారణమని ఆమె తండ్రి రాజు కక్ష పెంచుకున్నాడు. ఐదుగురు వ్యక్తులు వచ్చి కర్రలు, కత్తులతో భాస్కర్‌పై విచక్షణారహితంగా పొడిచి చంపారు.

Crime· 15 Jul 2026

చాక్లెట్ల ఆశచూపి బాలికపై అత్యాచారం

TG: హైదరాబాద్‌లోని KPHB పోలీస్‌స్టేషన్ పరిధిలో ఓ బాలిక ఇంటి ముందు ఉత్తరప్రదేశ్‌కు చెందిన రెహాన్‌ అనే వ్యక్తి పండ్లు అమ్ముకుంటూ ఉండేవాడు. మే నెలలో బాలికతో పరిచయం పెంచుకున్న రెహాన్ తన ఇంట్లో చాక్లెట్లు, బిస్కెట్లు ఉన్నాయని నమ్మించి అత్యాచారానికి పాల్పడ్డాడు. విషయం ఎవరికీ చెప్పొద్దని బెదిరించాడు. దీంతో ఆమె విషయాన్ని ఎవరికీ చెప్పకుండా దాచింది. రెహాన్ మరోసారి ఆమెను వేధించడంతో జరిగిన విషయాన్ని తల్లిదండ్రులకు తెలిపింది. తల్లిదండ్రులు పోలీసులకు ఫిర్యాదు చేశారు. నిందితుడిపై పోక్సో కేసు నమోదు చేసి అరెస్ట్ చేశారు.

Crime· 14 Jul 2026

తల్లీబిడ్డల అనుమానాస్పద మృతి

AP: వినుకొండ మండలం విఠంరాజుపల్లిలో అదనపు కట్నం వేధింపుల కారణంగా ఒకే ఇంట్లో ముగ్గురు అనుమానాస్పదంగా మృతి చెందారు. భారతి(24) అనే మహిళతోపాటు ఆమె కుమారులు తేజేష్ రెడ్డి(6), హేమనాథ నాగిరెడ్డి(4) చనిపోయి పడి ఉన్నారు. పెళ్లయినప్పటి నుంచి భర్త, అత్తమామలు కట్నం కోసం ఆమెను వేధిస్తున్నట్లు సమాచారం. మంచంపై ఉన్న ఇద్దరు పిల్లలను ఊపిరాడకుండా చేసి చంపి, భారతి ఉరివేసుకున్నట్లు పోలీసులు అనుమానిస్తున్నారు. మేనమామ కంప్లైంట్‌తో పోలీసులు కేసు నమోదు చేసి ఇన్వెస్టిగేషన్ చేస్తున్నారు.

Crime· 14 Jul 2026

ఆషాఢం ఆఫర్ అంటూ గ్రామస్తులకు టోకరా

AP:కోనసీమ జిల్లా మలికిపురం మండలం విశ్వేశ్వరాయపురంలో గుర్తుతెలియని ఓ వ్యక్తి గ్రామంలోకి వచ్చి లక్కీ డ్రాలో చేరితే ఆకర్షణీయమైన బహుమతులు ఇస్తామని ప్రచారం చేశాడు. ఆషాడం ప్రత్యేక ఆఫర్ పేరుతో ఫ్రిజ్, ఎయిర్ కూలర్, డబుల్ కాట్ మంచం, వాషింగ్ మెషిన్, బైక్‌ల వంటి ఖరీదైన వస్తువులను అతితక్కువ ధరకే అందిస్తామని నమ్మించాడు. రోజువారీ కూలీలే లక్ష్యంగా పలువురి నుంచి నగదు, ఫోన్‌పే ద్వారా వేలాది రూపాయలు వసూలు చేశాడు. డబ్బు చేతికి రాగానే మొబైల్ ఫోన్‌ను స్విచ్ ఆఫ్ చేసి పరారయ్యాడు. బాధితులు మలికిపురం PSలో ఫిర్యాదు చేశారు.