Local

Local· 6d ago

నాగర్‌కర్నూల్‌లో Dog అటాక్!

TG : నాగర్‌కర్నూల్ 13వ వార్డులో ఇంటి దగ్గర నడుచుకుంటూ వెళ్తున్న మాజీ మున్సిపల్ వర్కర్ వంకేశ్వరం రామస్వామిపై రెండు కుక్కలు ఒక్కసారిగా ఎటాక్ చేసి కాలిపై కరిచాయి. దాంతో ఆయనకి తీవ్ర గాయాలయ్యాయి. వెంటనే ఆయనను గవర్నమెంట్ హాస్పిటల్‌కి షిఫ్ట్ చేశారు. కుక్కలు పిచ్చిపట్టినట్లు జనాలు కనిపించగానే ఎగబడుతున్నాయని కాలనీ వాసులు టెన్షన్ పడుతున్నారు. మున్సిపల్ కమిషనర్, చైర్మన్ వెంటనే రెస్పాండ్ అయి ఆ కుక్కలను పట్టుకుని తరలించాలని డిమాండ్ చేస్తున్నారు.

Local· 6d ago

శ్రీశైలం నీళ్లపై మాజీ MLA శిల్పా రవి ఫైర్!

AP : వర్షాలు లేక నంద్యాల మిట్నాల గ్రామంలోని నీటి కుంటలు, పట్టణ చెరువులు ఎండిపోయి జనాలు, పశువులు నీళ్ల కోసం తిప్పలు పడుతున్నారని మాజీ MLA శిల్పా రవిచంద్ర కిశోర్ రెడ్డి ఫైర్ అయ్యారు. శ్రీశైలంలో ఫుల్లుగా నీళ్లున్నా వదలకుండా ఏపీ, తెలంగాణ సీఎంలు చీకటి ఒప్పందాలు చేసుకున్నారని ఆరోపించారు. ఆఫీసర్లు చెప్పే మాటలకు, అక్కడ ఉన్న సిట్యుయేషన్‌కు అసలు సంబంధమే లేదని, రెండు రాష్ట్రాలకీ నీళ్లపై ఈక్వల్ రైట్స్ ఉన్నాయని గుర్తుచేస్తూ వెంటనే వాటర్ రిలీజ్ చేయాలని డిమాండ్ చేశారు.

Local· 6d ago

పెబుల్స్ బే అపార్ట్‌మెంట్‌లో ARP రామప్రభు విజిట్

TG : మియాపూర్ పెబుల్స్ బే అపార్ట్‌మెంట్‌కి నాయకుడు అట్టేపల్లి రామప్రభు వచ్చారు. లోకల్ పీపుల్‌తో డైరెక్ట్ మీటింగ్ పెట్టి, కరెంట్, వాటర్ లాంటి బేసిక్ ఇష్యూస్ ఏంటో అడిగి తెలుసుకున్నారు. ప్రాబ్లెమ్స్ ఆఫీసులకే లిమిట్ కాకూడదు, గ్రౌండ్ లెవల్‌కి వచ్చి స్పాట్‌లోనే సాల్వ్ చేయడమే మా గోల్ అని చెప్పారు. ఈ ఈవెంట్‌లో అపార్ట్‌మెంట్ వాసులు, ARP టీమ్ మెంబర్స్ చాలామంది పాల్గొన్నారు.

Local· 6d ago

అంతరాష్ట్ర దొంగ అరెస్ట్.. 10 తులాల బంగారం స్వాధీనం

నందిపేట్‌ పోలీస్‌ స్టేషన్‌ పరిధిలో Febలో జరిగిన చోరీ కేసును పోలీసులు ఛేదించారు. మహారాష్ట్రకు చెందిన అంతరాష్ట్ర నేరస్థుడు షేక్‌ ఖయ్యుమ్‌ రఫిక్‌ బేగ్‌ (23)ను నవీపేట్‌ రైల్వే స్టేషన్‌లో అరెస్ట్‌ చేసి, అతడి నుంచి 10,8 తులాల బంగారు ఆభరణాలు స్వాధీనం చేసుకున్నారు. సీసీ కెమెరాల ఆధారంగా, పక్కా సమాచారంతో నిందితుడిని పట్టుకున్నట్లు పోలీసులు తెలిపారు. గతంలో మహారాష్ట్ర, కర్ణాటకలోనూ అతడిపై కేసులు ఉన్నాయన్నారు. నిందితుడిని రిమాండ్‌కు పంపారు. కేసును ఛేదించిన పోలీసు సిబ్బందిని ఉన్నతాధికారులు అభినందించారు.

Local· 6d ago

MBA, MCA స్పాట్‌లో సీటు.. మిస్ అవ్వొద్దు!

కరీంనగర్ శాతవాహన యూనివర్సిటీలో MBA, MCA స్పాట్ అడ్మిషన్లు స్టార్ట్ అయ్యాయి. TGICET-2026 క్వాలిఫై అయినా, కాకపోయినా – అందరికీ అవకాశం!<br><br>📅 MBA స్పాట్ అడ్మిషన్లు: సెప్టెంబర్ 1 (కామర్స్ కాలేజ్)<br>📅 MCA స్పాట్ అడ్మిషన్లు: సెప్టెంబర్ 2 (సైన్స్ కాలేజ్)<br>⏰ టైమ్: ఉదయం 10 నుంచి సాయంత్రం 5 గంటల వరకు<br><br>అభ్యర్థులు ఒరిజినల్ సర్టిఫికెట్లు, జిరాక్స్ సెట్, ఫీజు తో హాజరు కావాలి. పూర్తి వివరాలకు TGCHE వెబ్‌సైట్ చూడండి. MBA: 9000283238, MCA: 7207777664. ఈ ఫోన్ నెంబర్లపై కూడా సంప్రదించవచ్చు.

Local· 29 Aug 2026

క్రైమ్ పారామీటర్లలో రామగుండం పోలీసుల ఉత్తమ ప్రతిభ

రాష్ట్రస్థాయిలో క్రైమ్ పారామీటర్ల అమలులో రామగుండం పోలీస్ కమిషనరేట్ ఉత్తమ ప్రతిభ కనబరిచింది. క్లస్టర్–II విభాగంలో రామగుండం పోలీస్ కమిషనరేట్ మొదటి స్థానంలో నిలిచింది. ఈ సందర్భంగా రామగుండం పోలీస్ కమిషనర్ అంబర్ కిషోర్ ఝా, మంచిర్యాల డీసీపీ ఎ. భాస్కర్‌కు డీజీపీ సీవీ ఆనంద్ ప్రశంసాపత్రాలు అందజేసి అభినందించారు. భవిష్యత్తులోనూ ఇదే స్ఫూర్తితో మరింత సమర్థవంతంగా విధులు నిర్వహించాలని డీజీపీ సూచించారు.

Local· 29 Aug 2026

పవర్ JAC vs యాజమాన్యం: 14 డిమాండ్లు.. 2 వారాల గడువు!

విద్యుత్ ఉద్యోగులు, ఆర్టిజన్ కార్మికులు, పెన్షనర్ల సమస్యలకు పరిష్కారం కోసం.. పవర్ JAC యాజమాన్యంతో మీటింగ్ పెట్టుకుంది. శనివారం హైదరాబాద్‌లోని విద్యుత్ ప్రధాన కార్యాలయంలో GENCO, TRANSCO, SPDCL, NPDCL సంస్థల యాజమాన్యంతో చర్చలు జరిగాయి. మొత్తం 14 ప్రధాన డిమాండ్లు – ఆర్టిజన్ కార్మికుల సమస్యలు, ఉద్యోగుల న్యాయపరమైన కష్టాలు.. వీటన్నింటిపై సుదీర్ఘ చర్చ జరిగింది. యాజమాన్యం స్పందించింది – "రెండు వారాల్లో సానుకూల నిర్ణయం తీసుకుంటాం" అని హామీ ఇచ్చారు.

▶

Local· 29 Aug 2026

నసీరాబాద్‌లో పశువులతో పంటల ధ్వంసం... రెండు ఊర్ల కొట్లాట

నిర్మల్ జిల్లా నర్సాపూర్ మండలం నసీరాబాద్ శివారులో రైతుల పంటలు ధ్వంసం అయ్యాయి. రాంపూర్ వాసులు పశువులను పంటలపైకి వదలడంతో – రైతులు రాములు చిన్నయ్య, మల్లేష్, శ్రీనివాస్ మొదలైన వారి పంటలు పూర్తిగా ధ్వంసమయ్యాయి. అడ్డుకున్న నసీరాబాద్ ప్రజలపై రాంపూర్ వాసులు జేసీబీతో అడ్డం పెట్టి గొడవకు దిగారు. దీంతో అక్కడ ఉద్రిక్తత నెలకొంది. తహశీల్దార్ శ్రీకాంత్, ఎస్సై గణేష్ స్పందించి పరిస్థితిని శాంతింపజేశారు. అనంతరం ముకేష్ ఆధ్వర్యంలో రైతులు తహశీల్దార్‌కు వినతిపత్రం అందజేశారు

Local· 29 Aug 2026

స్టీరింగ్ మీదే గుండెపోటు- 100 ప్రాణాలు కాపాడిన హీరో లక్ష్మణ్

జగిత్యాల జిల్లా మద్దూనూరు నుంచి వస్తున్న RTC బస్సు డ్రైవర్ లక్ష్మణ్‌కు ప్రయాణం మధ్యలో ఒక్కసారిగా గుండెపోటు వచ్చింది. తీవ్ర నొప్పితోనే.. ఆయన బస్సును సురక్షితంగా రోడ్డు పక్కకు నిలిపి స్టీరింగ్‌పైనే పడిపోయారు. దీంతో ఆ టైంలో అందులో ప్రయాణిస్తున్న 100 మంది ప్రయాణికుల ప్రాణాలు కాపాడబడ్డాయి.సమయానికి 108 రాకపోవడంతో ఆటోలో ఆయనను జగిత్యాల ప్రభుత్వ ఆసుపత్రికి తరలించారు. ఇప్పుడు చికిత్స పొందుతున్నారు. ట్విస్ట్ ఏంటంటే Mondayతో రిటైర్ అవ్వాల్సిన లక్ష్మణ్ అనారోగ్యంలో ఉన్నా డిపో అధికారులు బలవంతంగా డ్యూటీ వేశారు.

Local· 29 Aug 2026

కొత్తపేట డిగ్రీ కాలేజీలో ఘనంగా తెలుగు భాషా దినోత్సవం

తెలుగు భాషకు పునర్జన్మ ఇచ్చిన గిడుగు రామ్మూర్తి పంతుల్ని గుర్తుచేసుకునేందుకు కొత్తపేటలో ప్రత్యేక వేడుకలు జరిగాయి. విశ్వకవి వేమన ప్రభుత్వ డిగ్రీ కళాశాలలో శనివారం తెలుగు భాషా దినోత్సవం నిర్వహించారు. ఇంచార్జ్ ప్రిన్సిపాల్ డాక్టర్ డి.సి.హెచ్. పాపారావు గిడుగు చిత్రపటానికి పూలమాల వేసి నివాళులర్పించారు. <br>ఆయన మాట్లాడుతూ – "జనం మాట్లాడే తెలుగును నిలబెట్టిన గిడుగు సేవలు మరువలేనివి. ప్రజలకు అర్థమయ్యే భాషలో తెలుగు అభివృద్ధి చెందాలని ఆయన చేసిన కృషి ఆదర్శమని" అని అన్నారు.

Local· 29 Aug 2026

ఏసీబీ అధికారులకు పట్టుబడ్డ ర్యాలీ వీఆర్ఓ

భూమి మ్యూటేషన్ పేరుతో.. లంచం డిమాండ్ చేసిన వీఆర్ఓను ఏసీబీ పట్టేసింది. ఆత్రేయపురం మండలం ర్యాలీ వీఆర్ఓ నాగేశ్వరరావు.. 0.09 ఎకరాల భూమి మ్యూటేషన్ దరఖాస్తును ఫార్వర్డ్ చేసేందుకు లంచం డిమాండ్ చేశాడు. ఏసీబీ అధికారుల వివరణ ప్రకారం.. రూ. 16,500 లంచం స్వీకరించి షర్ట్ జేబులో పెట్టుకున్న సందర్భంలో ఆయన పట్టుబడ్డారు. లంచం మొత్తం, మ్యూటేషన్ ఫైల్ ఏసీబీ స్వాధీనం చేసుకుందని రాజమహేంద్రవరం ఏసీబీ ఎస్పీ చెప్పారు – కేసు దర్యాప్తు కొనసాగుతోంది.

Local· 29 Aug 2026

ఇక రామేశ్వరం పల్లి PACS కొత్త చైర్మన్ ఇంద్రకరణ్ రెడ్డి

రామేశ్వరం పల్లి PACS కొత్త పాలకవర్గం ప్రమాణం చేసింది. కామారెడ్డి జిల్లాలో శనివారం ఘనంగా జరిగిన ఈ కార్యక్రమంలో ప్రభుత్వ సలహాదారు మహమ్మద్ అలీ షబ్బీర్, ఎంపీ సురేష్ కుమార్ షట్కర్ ముఖ్య అతిథులుగా హాజరయ్యారు. బద్దం ఇంద్రకరణ్ రెడ్డి నూతన చైర్మన్‌గా ప్రమాణం చేశారు. ఈ సందర్భంగా షబ్బీర్ అలీ మాట్లాడుతూ – కాంగ్రెస్ ప్రభుత్వం రైతుల సంక్షేమానికే ప్రాధాన్యం ఇస్తోందన్నారు. కొత్త చైర్మన్ మాట్లాడుతూ "రైతు బలపడితేనే గ్రామీణ ఆర్థిక వ్యవస్థ బలంగా మారుతుంది. వ్యవసాయ రంగానికి అన్ని విధాలా సేవ చేస్తా" అని చెప్పారు.

Local· 29 Aug 2026

TCలు ఇవ్వకుండా సతాయిస్తున్న Wisdom

కరీంనగర్ జిల్లా జమ్మికుంటలోని విస్డం కాలేజీలో ద్వితీయ సంవత్సరం విద్యార్థులు తీవ్ర ఇబ్బంది పడుతున్నారు. కాలేజీ యాజమాన్యం వారి టీసీలు (ట్రాన్స్ఫర్ సర్టిఫికెట్లు) ఇవ్వకుండా పలుమార్లు తిప్పించుకుంటోందని ఆరోపిస్తూ.. శనివారం విద్యార్థులు ధర్నాకు దిగారు. విస్డం కళాశాల ఇతర ప్రాంతాలకు అమ్ముడుపోయిన తర్వాత.. టీసీల కోసం వెళ్తే "రేపు రండి" అని వాయిదా వేస్తున్నారని విద్యార్థులు ఆందోళనకు దిగారు. పోలీసులు జోక్యం చేసుకుని యాజమాన్యంతో మాట్లాడగా.. "రేపు ఉదయం 10 గంటలకు ఇస్తాం" అని హామీ ఇచ్చారు.

Local· 29 Aug 2026

సామాజిక సేవకు డాక్టరేట్.. దేవర వినోద్కు అరుదైన గౌరవం!

సామాజిక సేవే రంగంలో ఎన్నో ఏళ్లుగా పనిచేస్తున్న దేవర వినోద్కు ఇప్పుడు అరుదైన గౌరవం దక్కింది. కొమురం భీం ఆసిఫాబాద్ జిల్లా రెబ్బెన మండలం ఇందిరా నగర్‌కు చెందిన ఇతని సేవలను గుర్తించి.. యునైటెడ్ అమెరికన్ యూనివర్సిటీ ఆధ్వర్యంలో "డాక్టర్ ఆఫ్ సోషల్ సర్వీస్" గౌరవ డాక్టరేట్ ప్రదానం చేశారు. శనివారం పుదుచ్చేరి కంబన్ కలైయరంగం ఆడిటోరియంలో జరిగిన ఈ కార్యక్రమంలో.. యూనివర్సిటీ డైరెక్టర్, TN మాజీ న్యాయమూర్తి Dr.కె. వెంకటేశన్, TN ప్రభుత్వ ప్రధాన కార్యదర్శి పి.ఆర్. శంపత్ (IAS), , ఐరాస ప్రతినిధులు పాల్గొన్నారు.

Local· 29 Aug 2026

జగిత్యాలలో 1.5లక్షల ఓటర్లకు నోటీసులు!

జగిత్యాలలో SIR కసరత్తు మొదలైంది. ప్రత్యేక ఇంటెన్సివ్ రివిజన్ (SIR) ప్రక్రియలో అనామలీస్ (Anomalies), నో మ్యాపింగ్ కేటగిరీల్లో గుర్తించిన ప్రతి ఓటరుకు నోటీసులు అందించాలని రాష్ట్ర ప్రధాన ఎన్నికల అధికారి సి. సుదర్శన్ రెడ్డి వీడియో కాన్ఫరెన్స్ ద్వారా ఆదేశించారు. ఈ సందర్భంగా అదనపు కలెక్టర్ (రెవెన్యూ) బి.ఎస్. లత మాట్లాడుతూ జిల్లాలో సుమారు 40 వేల నో మ్యాపింగ్, 1.52 లక్షల అనామలీస్ ఓటర్లు ఉన్నట్లు వెల్లడించారు. ఇప్పటికే నోటీసుల పంపిణీ, విచారణ ప్రక్రియ కొనసాగుతోందని చెప్పారు.

Local· 29 Aug 2026

పర్లాకిమిడి కోటలో భాషా దినోత్సవం.. గిడుగుకు నివాళి!

తెలుగు భాషకు పునర్జన్మ ఇచ్చిన గిడుగు రామ్మూర్తి పంతులను గుర్తుచేసుకునేందుకు పర్లాకిమిడి కోట ముఖద్వారం వద్ద ప్రత్యేక వేడుకలు జరిగాయి. ప్రభుత్వ ఉన్నత పాఠశాల ఆధ్వర్యంలో నిర్వహించిన ఈ కార్యక్రమంలో విద్యార్థులు తెలుగు సాహిత్య ప్రముఖుల వేషధారణతో అందరినీ ఆకట్టుకున్నారు. ప్రధానోపాధ్యాయులు సనపల వైకుంఠరావు మాట్లాడుతూ – "తెలుగు భాషను సామాన్యులకు చేరువ చేసిన గిడుగు సేవలు చిరస్మరణీయం. పర్లాకిమిడి సంస్థానంలో ఆయన సేవలకు గుర్తుగా ఇక్కడ వేడుకలు జరగడం విశేషం" అని అన్నారు.

Local· 29 Aug 2026

ఎమ్మెల్యే రాజేష్ రెడ్డికి విద్యార్థినుల రాఖీలు!

రాఖీ పౌర్ణమి సందర్భంగా నాగర్కర్నూల్ ఎమ్మెల్యే డా. కూచుకుళ్ల రాజేష్ రెడ్డికి విద్యార్థినులు రాఖీలు కట్టి శుభాకాంక్షలు తెలిపారు. సరస్వతి శిశుమందిర్ పాఠశాల విద్యార్థినులు ఎమ్మెల్యేను ఆత్మీయంగా కలిసి రాఖీలు కట్టారు. ఈ సందర్భంగా ఎమ్మెల్యే రాజేష్ రెడ్డి మాట్లాడుతూ – విద్యార్థులు క్రమశిక్షణతో చదువుకొని ఉన్నత లక్ష్యాలు సాధించాలని, సోదర–సోదరీమణుల మధ్య ప్రేమానురాగాలు ఎల్లప్పుడూ కొనసాగాలని సూచించారు. ఈ కార్యక్రమంలో పట్టణ అధ్యక్షులు జక్కా రాజ్‌కుమార్ రెడ్డి, యూత్ కాంగ్రెస్ నాయకులు వినోద్ పాల్గొన్నారు.

Local· 29 Aug 2026

జన్నారం క్లస్టర్‌కు కొత్త ఏఈవో అక్రమ్..

వార్త:మంచిర్యాల జిల్లా జన్నారం క్లస్టర్ ఏఈఓగా అక్రమ్ బాధ్యతలు స్వీకరించారు. ఆయన ప్రస్తుతం సింగరాయిపేట్ ఏఈఓగా విధులు నిర్వహిస్తున్నారు. ఇప్పుడు జన్నారం క్లస్టర్‌కు అదనపు బాధ్యతలు అప్పగించారు. అలాగే చింతగూడ ఏఈఓగా పనిచేస్తున్న లవన్ కు సింగరాయిపేట్ ఏఈఓగా అదనపు బాధ్యతలు అప్పగించారు. ఈ సందర్భంగా అక్రమ్ మాట్లాడుతూ – "రైతులకు ఎల్లప్పుడూ అందుబాటులో ఉంటాను" అని స్పష్టం చేశారు.