Local

Local· 29 Aug 2026

హరిత ఆంధ్రప్రదేశ్ కోసం నాగబాబు పిలుపు.. 🌱

AP : ‘హరిత ఆంధ్రప్రదేశ్’ సాధించాలంటే ప్రతి ఒక్కరూ మొక్కలు నాటాలని AP గ్రీన్ ఎగ్జిక్యూటివ్ కమిటీ చైర్మన్ కొణిదెల నాగబాబు పిలుపునిచ్చారు. మంగళగిరి నందవనంలో తన వైఫ్ పద్మజతో కలిసి ఆయన రావి, వేప మొక్కలను నాటారు. భూమాతను కాపాడుకోవడం మనందరి బాధ్యత అని చెప్పారు. మొక్కలు నాటడమే కాదు, వాటిని కాపాడే బాధ్యత కూడా తీసుకోవాలని, నెక్స్ట్ జెనరేషన్‌కి మంచి ఎన్విరాన్‌మెంట్ అందించేందుకు అందరూ మొక్కలు నాటాలని కోరారు.

Local· 29 Aug 2026

దేగామ గ్రామం లో పంటల డిజిటల్ సర్వే

బజార్హీత్నూర్ మండలం దేగామ గ్రామంలో డీసీఎస్ టీఎల్ కార్యక్రమంలో భాగంగా క్షేత్రస్థాయి సర్వే నిర్వహించారు. AEO ప్రవీణ్ ఆధ్వర్యంలో సర్వే వాలంటీర్ సతీష్ పంట పొలాలను సందర్శించి సాగు పరిస్థితులను పరిశీలించారు. అందరూ రైతులు తమ తమ పంట వివరాలను తప్పకుండా నమోదు చేసుకోవాలని తెలిపారు

Local· 29 Aug 2026

గిరిజన ప్రాంతాలకు మెరుగైన వైద్య సేవలు: సీఎం

AP: అల్లూరి సీతారామరాజు జిల్లా అరకు మండలం గన్నెల పంచాయతీ ఆర్కే నగర్‌లో ‘సంజీవని’ కార్యక్రమాన్ని సీఎం చంద్రబాబు పరిశీలించారు. ఆరోగ్య రథాల ద్వారా గిరిజనులకు ఇంటి వద్దే వైద్య పరీక్షలు, మందులు, ఫాలోఅప్ సేవలు అందిస్తున్నట్టు తెలిపారు. గన్నెల పీహెచ్‌సీలో సేకరించిన రక్త నమూనాలను డ్రోన్లతో విశాఖ జీజీహెచ్‌కు తరలించే ప్రక్రియను పరిశీలించారు. మారుమూల ప్రాంతాలకు మెరుగైన వైద్య సేవలు చేరువ చేయడమే లక్ష్యంగా ప్రభుత్వం చర్యలు చేపడుతోందన్నారు.

▶

Local· 29 Aug 2026

స్టీరింగ్‌పైనే కుప్పకూలిన బస్సు డ్రైవర్

TG: జగిత్యాల జిల్లా మద్దునూరు నుంచి జగిత్యాలకు ఆర్టీసీ బస్సు నడుపుతున్న డ్రైవర్ లక్ష్మణ్‌కు మార్గమధ్యంలో గుండెపోటు రావడంతో స్టీరింగ్‌పైనే కుప్పకూలారు. అయితే చివరి వరకు అప్రమత్తంగా వ్యవహరించడంతో బస్సు అదుపు తప్పకుండా పెను ప్రమాదం తప్పిందని ప్రయాణికులు తెలిపారు. ఘటన అనంతరం 108కు ఫోన్ చేసినా స్పందన లేకపోవడంతో ఆటోలో లక్ష్మణ్‌ను జగిత్యాల ఆసుపత్రికి తరలించారు. వచ్చే సోమవారం పదవీ విరమణ చేయాల్సి ఉన్న లక్ష్మణ్‌ ఆరోగ్యం సహకరించడం లేదని చెప్పినా డ్రైవింగ్ డ్యూటీ వేశారని కుటుంబసభ్యులు ఆరోపించారు.

Local· 29 Aug 2026

కూటమి ప్రభుత్వంతో వ్యవసాయ సంక్షోభం: శిల్పా రవిచంద్ర

AP: నంద్యాల జిల్లా రైతుల సాగునీటి సమస్యలపై వైసీపీ పోరాటానికి సిద్ధమైంది. కూటమి ప్రభుత్వం అధికారంలోకి వచ్చిన తర్వాత వ్యవసాయ రంగం సంక్షోభంలోకి వెళ్లిందని నంద్యాల మాజీ ఎమ్మెల్యే శిల్పా రవిచంద్ర కిశోర్‌రెడ్డి విమర్శించారు. నంద్యాలలోని తన నివాసంలో రైతులతో సమీక్ష నిర్వహించి సమస్యలు, సూచనలు తెలుసుకున్నారు. సెప్టెంబర్‌ 1న వెలుగోడు రిజర్వాయర్‌ వద్ద సాగునీటి సాధన కోసం వైసీపీ ఆధ్వర్యంలో భారీ ధర్నా నిర్వహిస్తామని ప్రకటించారు. రైతులకు గిట్టుబాటు ధరలు, సాగునీరు అందించడంలో ప్రభుత్వం విఫలమైందని ఆరోపించారు.

▶

Local· 29 Aug 2026

విశాఖ స్టీల్ ప్లాంట్‌ను నిర్వీర్యం చేసే కుట్రలు ఆపాలి

విశాఖ స్టీల్ ప్లాంట్ ప్రైవేటీకరణకు వ్యతిరేకంగా జీవీఎంసీ గాంధీ విగ్రహం వద్ద జరుగుతున్న దీక్షా శిబిరం 1978వ రోజున ఐద్వా విశాఖ జిల్లా కమిటీ పాల్గొని సంఘీభావం తెలిపింది. ఐద్వా నాయకులు మాట్లాడుతూ స్టీల్ ప్లాంట్‌ను బలోపేతం చేయాల్సిన కేంద్ర, రాష్ట్ర ప్రభుత్వాలు నిర్వీర్యం చేస్తున్నాయని విమర్శించారు. ప్రైవేటు స్టీల్ పరిశ్రమలకు భూములు, విద్యుత్, నీరు, పన్ను రాయితీలు కల్పించడం ప్రభుత్వ విధానాల్లోని ద్వంద్వ వైఖరిని చూపుతోందన్నారు. ప్రైవేటీకరణ చర్యలను తక్షణమే నిలిపేయాలని డిమాండ్ చేశారు.

Local· 29 Aug 2026

కరెంట్ బిల్లులు చెల్లించినా అదనంగా డబ్బులు డిమాండ్

TG: వరంగల్ జిల్లా శంభునిపేటలో విద్యుత్‌ వినియోగదారులకు ఫోన్‌ చేసి రూ.3 వేలు డిమాండ్‌ చేసినట్లు ఓ అసిస్టెంట్‌ లైన్‌మ్యాన్‌పై ఆరోపణలు వచ్చాయి. విద్యుత్‌ బిల్లులు పూర్తిగా చెల్లిస్తున్నప్పటికీ అదనంగా డబ్బులు ఇవ్వాలని కోరినట్లు వినియోగదారులు ఆరోపిస్తున్నారు. డబ్బులు చెల్లించకపోతే విద్యుత్‌ సరఫరా నిలిపివేస్తానని బెదిరించినట్లు పేర్కొన్నారు. ఈ వ్యవహారంపై విద్యుత్‌ శాఖ ఉన్నతాధికారులు తక్షణమే స్పందించి సమగ్ర విచారణ చేపట్టాలని వినియోగదారులు కోరారు.

Local· 29 Aug 2026

అనంతగిరిలో తెలుగు భాషా, క్రీడా దినోత్సవాలు

AP: అల్లూరి సీతారామరాజు జిల్లా అనంతగిరి గిరిజన బాలికల పాఠశాల–2లో తెలుగు భాషా దినోత్సవం, జాతీయ క్రీడా దినోత్సవాన్ని ఘనంగా నిర్వహించారు. హెచ్‌ఎం బి. మంగమ్మ ఆధ్వర్యంలో జరిగిన కార్యక్రమంలో తెలుగు భాషా వికాసానికి విశేష కృషి చేసిన గిడుగు వెంకట రామమూర్తి, భారత హాకీ దిగ్గజం మేజర్ ధ్యాన్‌చంద్ జయంతులను స్మరించుకున్నారు. వారి చిత్రపటాలకు పూలమాలలు వేసి నివాళులర్పించారు. తెలుగు భాష ప్రాధాన్యత, మాతృభాష పరిరక్షణ, క్రీడల ఆవశ్యకతపై ఉపాధ్యాయులు విద్యార్థులకు అవగాహన కల్పించారు.

Local· 29 Aug 2026

రక్తదాతలకు సర్టిఫికెట్ల పంపిణీ

TG: జగిత్యాల జిల్లా ధర్మపురిలో కాంగ్రెస్ సీనియర్ నాయకుడు మెరుగు నరేష్ గౌడ్ జన్మదిన వేడుకలను పురస్కరించుకుని రక్తదాన కార్యక్రమం నిర్వహించారు. రక్తదానం చేసిన దాతలకు నిర్వాహకులు సర్టిఫికెట్లు అందజేశారు. మండల వైద్యాధికారి తేజశ్రీ, గ్రామ సర్పంచ్ బండమీది కవిత గోపి ఆధ్వర్యంలో కార్యక్రమం జరిగింది. ఈ సందర్భంగా వారు మాట్లాడుతూ.. రక్తదానం ఎంతో మంది రోగుల ప్రాణాలను కాపాడటంలో కీలకంగా నిలుస్తుందని తెలిపారు. జన్మదిన వేడుకలను ఆర్భాటాలకు దూరంగా సేవా కార్యక్రమాలతో నిర్వహించడం అభినందనీయమని పేర్కొన్నారు.

Local· 29 Aug 2026

నోటీసుల ప్రక్రియ పకడ్బందీగా చేయాలి

TG: మంచిర్యాల జిల్లా కోటపల్లి మండలంలో భూముల రీసర్వే ప్రక్రియను నిబంధనలకు అనుగుణంగా పకడ్బందీగా నిర్వహించాలని కలెక్టర్ కుమార్ దీపక్ అధికారులను ఆదేశించారు. కోటపల్లి తహసీల్దార్ కార్యాలయాన్ని సందర్శించిన కలెక్టర్, తహసీల్దార్ రాఘవేంద్ర, ఎంపీడీవో నాగేశ్వర్‌రెడ్డితో కలిసి ఎస్ఐఆర్, భూముల రీసర్వేపై సమీక్ష నిర్వహించారు. రీసర్వే పనుల్లో నిబంధనలు తప్పకుండా పాటించాలని సూచించారు. ఓటరు జాబితా ప్రత్యేక సమగ్ర సవరణలో భాగంగా నోటీసుల జారీ ప్రక్రియను పకడ్బందీగా చేపట్టాలని అధికారులను ఆదేశించారు.

Local· 29 Aug 2026

దొంగ బంగారం కొనుగోలు చేస్తే కఠిన చర్యలు

TG: దొంగతనాల ద్వారా వచ్చిన బంగారాన్ని కొనుగోలు చేస్తే వ్యాపారులపై కేసులు నమోదు చేసి కఠిన చర్యలు తీసుకుంటామని మంచిర్యాల డీసీపీ భాస్కర్ హెచ్చరించారు. చోరీలకు పాల్పడే వ్యక్తులు దోచుకున్న బంగారాన్ని తక్కువ ధరకు విక్రయించి నగదుగా మార్చుకునే అవకాశం ఉందన్నారు. జ్యుయెలరీ షాపుల యజమానులు తక్కువ ధరకు బంగారం విక్రయించేందుకు ఎవరైనా తీసుకొస్తే అప్రమత్తంగా ఉండాలని సూచించారు. అనుమానాస్పదంగా ఉన్న బంగారం విషయంలో వెంటనే పోలీసులకు సమాచారం అందించి దర్యాప్తునకు సహకరించాలని డీసీపీ కోరారు.

Local· 29 Aug 2026

బిటి రోడ్డు నిర్మాణానికి శంకుస్థాపన

మంగళగిరి-తాడేపల్లి మున్సిపాలిటీ పరిధిలో ప్రయాణ సౌకర్యాలను మెరుగుపరిచేందుకు తాడేపల్లి కేఎల్ రావు కాలనీలో రూ.64 లక్షలతో బీటీ రోడ్డు నిర్మాణానికి శంకుస్థాపన జరిగింది. తాడేపల్లి పట్టణ టీడీపీ అధ్యక్షుడు వల్లభనేని వెంకట్రావు పనులకు శంకుస్థాపన చేశారు. ప్రధాన రహదారులతో పాటు కాలనీల్లోని రోడ్ల అభివృద్ధికి ప్రాధాన్యం ఇస్తున్నట్లు పేర్కొన్నారు.

Local· 29 Aug 2026

జర్నలిస్టుల అక్రిడిటేషన్‌పై కీలక సమీక్ష

AP: అక్రిడిటేషన్ ప్రక్రియను ప్రభుత్వ నిబంధనల ప్రకారం పూర్తిగా పారదర్శకంగా నిర్వహించాలని కోనసీమ జిల్లా కలెక్టర్ ఆర్.మహేష్‌కుమార్ అధికారులకు సూచించారు. కలెక్టరేట్‌లో ఆయన అధ్యక్షతన జిల్లా స్థాయి రెండో జాబితా మీడియా అక్రిడిటేషన్ కమిటీ సమావేశం జరిగింది. ఈ సమావేశంలో అక్రిడిటేషన్ దరఖాస్తులు, ధ్రువపత్రాలు, అభ్యంతరాలు, క్రిమినల్ కేసులకు సంబంధించిన అంశాలపై సమీక్షించారు. ప్రభుత్వం నిర్దేశించిన మార్గదర్శకాల ప్రకారం ప్రతి దరఖాస్తుదారుడి అర్హతలను క్షుణ్ణంగా పరిశీలించాలని కలెక్టర్ ఆదేశించారు.

Local· 29 Aug 2026

AMUDA పరిధి విస్తరణపై జాయింట్ కలెక్టర్ హర్షం

AP: కోనసీమ జిల్లా అమలాపురం అర్బన్ డెవలప్‌మెంట్ అథారిటీ (AMUDA) పరిధి భారీగా విస్తరించడంపై జిల్లా జాయింట్ కలెక్టర్ వై. ఖోమ్ నైడియా దేవి హర్షం వ్యక్తం చేశారు. కలెక్టరేట్‌లోని కలెక్టర్ ఛాంబర్‌లో అముడా చైర్మన్ అల్లాడ స్వామి నాయుడుతో కలిసి సమావేశం నిర్వహించారు. గతంలో 11 మండలాలు, 120 రెవెన్యూ గ్రామాలతో 896.16 చదరపు కిలోమీటర్లుగా ఉన్న అముడా పరిధి, తాజా ఉత్తర్వులతో 14 మండలాలు, 176 రెవెన్యూ గ్రామాలు, 1,765.45 చదరపు కిలోమీటర్లకు విస్తరించిందన్నారు. జీఓఎంఎస్‌ నం.203 ప్రకారం ఈ విస్తరణ జరిగిందని తెలిపారు.

Local· 29 Aug 2026

ప్రభుత్వ సేవలకు టైమింగ్ లేదా?

AP: పల్నాడు జిల్లా నకరికల్లు మండలం గుండ్లపల్లి సచివాలయం–1లో సిబ్బంది అందుబాటులో లేకపోవడంపై గ్రామస్థులు ఆవేదన వ్యక్తం చేస్తున్నారు. వివిధ ధ్రువపత్రాలు, పింఛన్లు, సంక్షేమ పథకాల పనుల కోసం సచివాలయానికి వచ్చే ప్రజలు గంటల తరబడి సిబ్బంది కోసం వేచి చూడాల్సి వస్తోందని వాపోతున్నారు. ప్రతిరోజూ ఇదే పరిస్థితి కొనసాగుతోందని గ్రామస్థులు ఆరోపిస్తున్నారు. ప్రజలకు ప్రభుత్వ సేవలు సకాలంలో అందేలా సచివాలయంలో సమయపాలన పాటించాలని కోరుతున్నారు.

▶

Local· 29 Aug 2026

గిడుగు రామ్మూర్తి సేవలు చిరస్మరణీయం: ఎమ్మెల్యే

AP: తూర్పుగోదావరి జిల్లా అనపర్తి మండలం రామవరంలో తెలుగు వ్యవహారిక భాషా పితామహుడు గిడుగు రామమూర్తి పంతులు జయంతి వేడుకలు నిర్వహించారు. గిడుగు చిత్రపటానికి ఎమ్మెల్యే నల్లమిల్లి రామకృష్ణారెడ్డి, టీడీపీ నేత నల్లమిల్లి మనోజ్‌రెడ్డి పూలమాలలు వేసి ఘనంగా నివాళులర్పించారు. తెలుగు భాషను ప్రజల వాడుక భాషగా తీర్చిదిద్దేందుకు గిడుగు రామమూర్తి చేసిన కృషి చిరస్మరణీయమని అన్నారు. ఆయన భాషా సేవలను నేటి తరానికి పరిచయం చేయడంతోపాటు, గిడుగు ఆశయాలను కొనసాగించాల్సిన బాధ్యత ప్రతి ఒక్కరిపై ఉందని పేర్కొన్నారు.

Local· 29 Aug 2026

ట్రాక్టర్ డ్రైవర్.. విద్యుత్ టవర్‌కు ఉరి!

పోలవరం జిల్లా చింతూరులో శనివారం విషాదం చోటుచేసుకుంది. చట్టికి చెందిన సోడే రాజ్ కుమార్ (ట్రాక్టర్ డ్రైవర్) శుక్రవారం రాత్రి ఇంటి నుంచి వెళ్లి – శనివారం శబరి నది పక్కన ఉన్న విద్యుత్ టవర్ వరకు ఉరేసుకుని ఆత్మహత్య చేసుకున్నాడు. కుటుంబ సభ్యులు గాలించగా ఆ స్థితిలో కనిపించాడు. వివాహేతర సంబంధం, కుటుంబ కలహాలే కారణమని పోలీసులు భావిస్తున్నారు. కేసు నమోదు చేసి దర్యాప్తు చేస్తున్నారు. (గమనిక :- NCRB 2022 నివేదిక ప్రకారం, మొత్తం 1.71లక్షల ఆత్మహత్యల్లో 10.2% ప్రేమ వివాహేతర సంబంధాలవల్ల జరిగాయి.)

Local· 29 Aug 2026

అభివృద్ధితో పాటు పచ్చదనం కావాలి

AP: గుంటూరు జిల్లా ఇన్నర్ రింగ్‌రోడ్డులో డ్రెయిన్‌ నిర్మాణం కోసం ఇప్పటికే నాటిన మొక్కలను తొలగించడంపై స్థానికులు ఆగ్రహం వ్యక్తం చేస్తున్నారు. పచ్చదనం పెంపు కార్యక్రమాల్లో భాగంగా ఒక్కో మొక్కకు రూ.1,000 నుంచి రూ.1,200 వరకు ప్రజాధనం ఖర్చు చేస్తున్న సమయంలో, నిర్మాణ పనుల పేరుతో వాటిని తొలగించడం పర్యావరణానికి, ప్రభుత్వ నిధులకు నష్టం కలిగించడమేనని విమర్శిస్తున్నారు. ముందస్తు ప్రణాళికతో డ్రెయిన్‌ పనులు చేపట్టి ఉంటే మొక్కలను కాపాడే అవకాశం ఉండేదని పేర్కొన్నారు.