Latest
ఆస్కార్ విన్నర్తో భారీ ఆఫర్!
ప్రియాంక చోప్రా మరో భారీ హాలీవుడ్ ప్రాజెక్టును దక్కించుకున్నారు. ఆస్కార్ అవార్డు విజేత రస్సెల్ క్రోతో కలిసి 'బ్లూఫ్లై' అనే సైన్స్ ఫిక్షన్ యాక్షన్ థ్రిల్లర్ సినిమాలో నటించనున్నారు. ఓర్లాండో వోన్ ఐన్సీడెల్ దర్శకత్వం వహిస్తున్న ఈ సినిమాను రాబోయే టొరంటో ఇంటర్నేషనల్ ఫిల్మ్ ఫెస్టివల్లో ప్రపంచ నలుమూలల నుంచి వచ్చే పెద్ద సినిమా డిస్ట్రిబ్యూటర్లకు పరిచయం చేయనున్నారు. ఇటీవల 'హెడ్స్ ఆఫ్ స్టేట్'తో అలరించిన ప్రియాంక ఖాతాలో ఇది మరో క్రేజీ ఇంటర్నేషనల్ మూవీ కానుంది.
ప్రియాంక కేసులో పవన్ కల్యాణ్ కీలక ఆదేశాలు
AP: మెడికో ప్రియాంక ఘటనపై డిప్యూటీ CM పవన్ కల్యాణ్ సీరియస్ అయ్యారు. నిందితులపై కఠిన చర్యలు తీసుకోవాలని ఏలూరు రేంజ్ DIGతో ఫోన్లో మాట్లాడి ఆదేశించారు. బాధితురాలికి మెరుగైన వైద్యం అందించాలని సూచించారు. ఈ నెల 3న రాజమండ్రిలో సినిమా థియేటర్ వద్ద ప్రియాంక, ఆమె స్నేహితుడితో కలిసి బైక్పై వెళ్తుండగా ఇద్దరు యువకులు కారుతో బైక్ను <a href="https://www.theclearcutnews.com/n/BNi4iQK">ఢీకొట్టారు</a>. అనంతరం మరోసారి ఢీకొట్టడంతో ఆమె తీవ్రంగా గాయపడ్డారు. హైదరాబాద్లోని ఓ ప్రైవేట్ ఆస్పత్రిలో చికిత్స పొందుతున్న ఆమె పరిస్థితి విషమంగా ఉన్నట్లు వైద్యులు తెలిపారు.
రూల్స్ బ్రేక్.. ఫైన్కు బదులు అవగాహన
TG: ట్రాఫిక్ నిబంధనలపై ప్రజల్లో అవగాహన పెంచేందుకు సూర్యాపేట జిల్లా కోదాడ ట్రాఫిక్ SI బైరెడ్డి అంజిరెడ్డి వినూత్నంగా స్పందించారు. కోదాడ పట్టణంలో నిర్వహించిన ప్రత్యేక తనిఖీల్లో రిజిస్ట్రేషన్ నంబర్ స్పష్టంగా లేని ఓ ఆటోను గుర్తించారు. వాహనదారుడికి నిబంధనలు వివరించడంతో పాటు, అక్కడికక్కడే ఆటోపై రిజిస్ట్రేషన్ నంబర్ను స్వయంగా రాశారు. వాహనాలపై రిజిస్ట్రేషన్ నంబర్ స్పష్టంగా కనిపించేలా ఉంచడం ప్రతి వాహనదారుడి బాధ్యత అని తెలిపారు. నిబంధనలకు విరుద్ధంగా నంబర్లు ప్రదర్శిస్తే కఠిన చర్యలు తప్పవని హెచ్చరించారు.
SBIలో 1,538 వేకెన్సీస్.. వెంటనే అప్లై చేసుకోండి
స్టేట్ బ్యాంక్ ఆఫ్ ఇండియా (SBI) జూనియర్ అసోసియేట్స్ పోస్టులకు నోటిఫికేషన్ విడుదల చేసింది. SC, SC ,OBC బ్యాక్లాగ్ వేకెన్సీస్ కోసం స్పెషల్గా 1,538 పోస్టులను ఫిల్ చేయనుంది. <a href="https://ibpsreg.ibps.in/sbijasrdjl26/">ఆన్లైన్ అప్లికేషన్స్ </a>ఆగస్ట్ 7 మొదలవగా, ఆగస్ట్ 27తో ముగుస్తుంది. ఆంధ్రప్రదేశ్లో 88 పోస్టులు ఉన్నాయి. ఏదైనా గ్రాడ్యుయేషన్ కంప్లీట్ చేసిన 20-28 ఏళ్ల కాండిడేట్లు అప్లై చేసుకోవచ్చు. SC, ST కేటగిరీ కాండిడేట్స్కు ఎలాంటి అప్లికేషన్ ఫీజ్ లేదు. OBC కేటగిరీ వారు రూ.750 ఫీజు చెల్లించాల్సి ఉంటుంది.
గ్యాస్ సిలిండర్లకు గుడ్బై..
దేశంలో LPG గ్యాస్ కోసం ఇతర దేశాలపై ఆధారపడటాన్ని తగ్గించేందుకు కేంద్ర ప్రభుత్వం ఒక మంచి నిర్ణయం తీసుకోబోతుంది. కరెంట్ తో పనిచేసే ఇన్డక్షన్ స్టవ్ల వాడకాన్ని పెంచేందుకు సబ్సిడీలు ఇవ్వడంతో పాటు, వాటి స్పేర్ పార్ట్స్పై ఉండే GST ని తగ్గించాలని చూస్తుంది. గ్యాస్ సిలిండర్తో పోలిస్తే ఇండక్షన్ స్టవ్ వంట ఖర్చు దాదాపు మూడో వంతు (1/3) వరకు తగ్గుతుందని అధికారులు చెబుతున్నారు. త్వరలోనే దీనికి సంబంధించిన విధానాన్ని అందుబాటులోకి తేనున్నారు.
ఫుడ్ కొరియర్ చేయొచ్చు..అనుభూతిని కాదు!
ఆన్లైన్ ద్వారా దేశంలో ఎక్కడి నుంచైనా మనకు నచ్చిన ఫుడ్, స్వీట్స్ క్షణాల్లో ఆర్డర్ చేసి తెప్పించుకోవచ్చు. కానీ,అవి ఉన్న ప్రాంతానికి వెళ్లి అక్కడ తిన్న అనుభూతి, అందించే జ్ఞాపకాలు మాత్రం ఆన్లైన్లో దొరకవని నిపుణులు అంటున్నారు. హైదరాబాద్ కరాచీ బిస్కెట్లు, పుణె బకర్వాడి వంటివి ఎక్కడైనా దొరుకుతున్నప్పటికీ, అక్కడికి వెళ్లి కొనుక్కుని తిన్నప్పుడు కలిగే అనుభూతి వేరని, ప్రయాణమే ఆహారానికి అసలైన ప్రాణం పోస్తుందని చెబుతున్నారు.
హైడ్రా ఉద్యోగాలకు పోటెత్తిన నిరుద్యోగులు
TG: హైడ్రాలో 150 కాంట్రాక్ట్ ఉద్యోగాల భర్తీకి నిర్వహిస్తున్న ఎంపిక ప్రక్రియకు నిరుద్యోగులు భారీగా తరలివచ్చారు. హైదరాబాద్లోని సరూర్నగర్ స్టేడియంలో ఆగస్టు 8, 9 తేదీల్లో ఫిజికల్ టెస్టులు నిర్వహిస్తున్నారు. DRF అసిస్టెంట్ పోస్టులు 100, హెవీ వెహికల్ డ్రైవర్ పోస్టులు 50 ఉన్నాయి. పదో తరగతి అర్హతగా నిర్ణయించగా, అభ్యర్థుల వయసు 35 ఏళ్లలోపు ఉండాలి. ఫిజికల్ టెస్టులో 800 మీటర్ల పరుగును 2.50 నిమిషాల్లో, 100 మీటర్ల పరుగును 15 సెకన్లలో పూర్తి చేయడంతో పాటు లాంగ్జంప్, షాట్పుట్ పరీక్షలు నిర్వహిస్తున్నారు.
కాలు విరిగితే కార్డుబోర్డుతో కట్టు.. హాస్పిటల్పై విమర్శలు
బిహార్లో గవర్నమెంట్ హాస్పిటల్ హెల్త్ ట్రీట్మెంట్పై విమర్శలు వస్తున్నాయి. రోడ్డు యాక్సిడెంట్లో గాయపడి కాలు విరిగిన కృష్ణకుమార్కు మంజ్హౌల్ డివిజనల్ హాస్పిటల్లో స్టాఫ్ కార్డుబోర్డు ముక్కలను కాలికి రెండువైపులా ఉంచి, బ్యాండేజీతో కట్టారు. ఆగస్టు 3న హర్సైన్ బ్రిడ్జి దగ్గర్లో ఆటో ఢీకొనడంతో కృష్ణకుమార్కు గాయాలవ్వడంతో పోలీసు వెహికల్లో హాస్పిటల్కు తీసుకెళ్లారు. తరువాత బెగుసరాయ్ సదర్ హాస్పిటల్కు రిఫర్ చేశారు. ఈ ఘటనకు సంబంధించి నెటిజన్స్ హాస్పిటల్ స్టాఫ్ పనితీరుపై కామెంట్స్ చేస్తున్నారు.
మిగిలిపోయిన చికెన్తో అదిరిపోయే కొత్త వంటకం!
మిగిలిపోయిన ఆహారాన్ని పారవేయకుండా దానికి మరో రుచిని కలిపి కొత్త డిష్గా మార్చడం ఒక ఆర్ట్. రచయిత సమర్ హలర్నాకర్ తన 'అవర్ డైలీ బ్రెడ్' కాలమ్లో అల్లం, ఉల్లికాడలు (స్ప్రింగ్ ఆనియన్స్), సోయా సాస్తో ఆవిరిపై ఉడికించే 'స్టీమ్డ్ చికెన్' రెసిపీని పంచుకున్నారు. ఆవిరిపై చికెన్ ఉడికేటప్పుడు వచ్చే చారు (Broth)ను సాస్లో కలిపి మరో డిష్కి వాడటం వల్ల మంచి రుచి వస్తుంది. తక్కువ సమయంలోనే పాత డిష్ను కొత్త రుచితో రీ-క్రియేట్ చేయవచ్చని తెలిపారు.
నకిలీ ఫైర్ సర్టిఫికెట్స్.. కాలేజీలకు భారీ షాక్
TG: రాష్ట్రంలోని ప్రైవేట్ జూనియర్ కాలేజీల్లో నకిలీ ఫైర్ సేఫ్టీ NOCల వ్యవహారంపై ఇంటర్మీడియట్ విద్యా మండలి కఠిన చర్యలు తీసుకుంది. నకిలీ ఫైర్ NOCలు సమర్పించినట్లు గుర్తించిన సుమారు 45 కాలేజీలకు ఒక్కో కాలేజీపై రూ.8 లక్షల చొప్పున జరిమానా విధించింది. ఇదే వ్యవహారంలో ఫేక్ సర్టిఫికెట్లతో కాంట్రాక్ట్ జూనియర్ లెక్చరర్ ఉద్యోగాలు పొందినట్లు గుర్తించిన 37 మందికి అధికారులు నోటీసులు జారీ చేశారు. వారంలోగా తమ వివరణ ఇవ్వాలని ఆదేశించారు. విద్యా సంస్థల్లో నిబంధనల ఉల్లంఘనను సహించబోమని స్పష్టం చేశారు.
కోర్టు ధిక్కరణ పిటిషన్పై హైకోర్టు సీరియస్
TG: హైదరాబాద్ పాతబస్తీ బండ్లగూడలోని సల్కం చెరువు భూమి వ్యవహారంలో హైకోర్టు సీరియస్గా స్పందించింది. కోర్టుకు తప్పుడు సమాచారం ఇచ్చారన్న ఆరోపణలపై దాఖలైన కోర్టు ధిక్కరణ పిటిషన్ను విచారించిన న్యాయస్థానం పలువురు ఉన్నతాధికారులకు నోటీసులు జారీ చేసింది. పురపాలక శాఖ ప్రత్యేక ప్రధాన కార్యదర్శి జయేశ్రంజన్, హైడ్రా కమిషనర్ AV రంగనాథ్తో పాటు విద్య, రెవెన్యూ, నీటిపారుదల శాఖల అధికారులకు పూర్తి వివరాలతో కౌంటర్లు దాఖలు చేయాలని ఆదేశించింది. తదుపరి విచారణను ఈ నెల 11కు వాయిదా వేసింది.
బ్రోకోలీలో దాగున్న ‘సీక్రెట్’
బ్రోకోలీ, క్యాబేజీ లాంటి కూరగాయల్లో ఉండే 'సల్ఫోరాఫేన్' అనే పదార్థం 'కెరాటోకోనస్' అనే కంటి సమస్య చికిత్సకు సహాయపడుతుందని ఎల్వీ ప్రసాద్ ఐ ఇన్స్టిట్యూట్ (LVPEI), న్యూయార్క్ వర్సిటీ పరిశోధనలో తేలింది. ఇది కంటి కణాలను దెబ్బతినకుండా రక్షించే 'NRF2' అనే ప్రొటీన్ను యాక్టివేట్ చేస్తుంది. దీని ఆధారంగా త్వరలోనే ఐ డ్రాప్స్ లేదా మందులు అందుబాటులోకి తెచ్చేలా సైంటిస్టులు పనిచేస్తున్నారు.
డూప్లెక్స్ ఇంట్లో మహిళ అస్థిపంజరం
బెంగళూరులోని బగలగుంటె హవనూర్ లేఅవుట్లో ఓ డూప్లెక్స్ ఇంట్లో మహిళ (దాక్షాయిణి) అస్థిపంజరం లభ్యమైంది. ఆమె సంవత్సరం క్రితమే చనిపోయుండొచ్చని పోలీసులు అనుమానిస్తున్నారు. భర్త ఉమేశ్ 10 ఏళ్ల క్రితం మృతి చెందగా, కుమారుడు కూడా క్యాన్సర్తో చనిపోయినట్లు తెలుస్తోంది. దీంతో ఆమె ఒంటరిగా ఉంటూ డిప్రెషన్తో బాధపడుతున్నట్లు పోలీసులు తెలిపారు. సంవత్సరం నుంచి ఆమె కూతురు, అల్లుడు కూడా ఇంటికి రాలేదని తెలుస్తోంది. బగలగుంటె పోలీసులు ఘటనా స్థలానికి చేరుకుని పరిశీలించారు. మృతికి గల కారణాలుపై దర్యాప్తు చేస్తున్నారు.
ఆలూరు ఎమ్మెల్యే తమ్ముడు అరెస్ట్
AP: ఆలూరు MLA విరూపాక్షి తమ్ముడు శ్రీరాములు అరెస్టయ్యారు. గుంతకల్లులోని ఓ ప్రైవేట్ హాస్పిటల్లో ట్రీట్మెంట్ తీసుకుంటున్న ఆయనను పోలీసులు నిన్న రాత్రి అరెస్టు చేశారు. ఆగస్టు 1న చిప్పగిరి మండలం సంగాల గ్రామంలో TDP కార్యకర్త శేఖర్పై MLA విరూపాక్షి, ఆయన తమ్ముడు శ్రీరాములు, YSRCP కార్యకర్తలు దాడి చేశారంటూ ఆయన భార్య కంప్లైంట్ చేశారు. ఈ ఘటనలో శ్రీరాములుపై మర్డర్ అటెంప్ట్ కేసు బుక్ అయ్యింది. కోర్టు ఆయనకు 14 రోజుల రిమాండ్ విధించడంతో పోలీసులు కర్నూలు సబ్జైలుకు తీసుకెళ్లారు.
నెయ్యి తినొచ్చా !
నెయ్యి తినడం వల్ల రక్తనాళాల్లో కొవ్వు పేరుకుపోయి గుండె జబ్బులు రావు, అది పరిమితికి మించి తింటే మాత్రం ప్రమాదకరమే అని డాక్టర్ 'రెఫాయ్ షౌకత్ అలీ' (Cardiologist) చెబుతున్నారు. నెయ్యిని రోజూ తగిన మోతాదులోనే తీసుకుంటే బరువు పెరగరని, శరీరానికి కావలసిన మంచీ జరుగుతుందని అంటున్నారు. రుచిగా ఉందని చెప్పి అతిగా తీసుకుంటే శరీరంలో కొలెస్ట్రాల్, కొవ్వు బాగా పెరుగుపోతాయి. అలా పేరుకుపోయిన కొవ్వే తర్వాత గుండె సమస్యలకు దారితీస్తుందని తెలిపారు.
అర్ధరాత్రి ఘోర ప్రమాదం.. ఇద్దరు స్పాట్ డెడ్
TG: హైదరాబాద్ గచ్చిబౌలి ORR వద్ద అర్ధరాత్రి ఘోర రోడ్డు ప్రమాదం జరిగింది. ఇంద్రారెడ్డి నగర్ నుంచి నానక్రామ్గూడ వైపు వెళ్తున్న తవేరా కారు అదుపుతప్పి నియోపోలీస్ బ్రిడ్జి పిల్లర్ను బలంగా ఢీకొట్టింది. ప్రమాద తీవ్రతకు కారులో ఉన్న ఇద్దరు టైల్స్ కార్మికులు అక్కడికక్కడే మృతి చెందారు. మృతులను రాజస్థాన్కు చెందిన కనైయాలాల్ (25), దేరామ్ (24)గా పోలీసులు గుర్తించారు. అతివేగమే ప్రమాదానికి కారణమని తెలిపారు. ఘటనపై కేసు నమోదు చేసి దర్యాప్తు చేస్తున్నారు.
శ్రీవారి దర్శనం తర్వాత తీరని విషాదం
AP: తిరుమల మొదటి ఘాట్ రోడ్డులో ఘోర ప్రమాదం జరిగింది. శ్రీవారి దర్శనం అనంతరం తిరుపతికి వస్తున్న కర్ణాటకకు చెందిన భక్తుల కారు 22వ మలుపు వద్ద అదుపుతప్పి డివైడర్ను ఢీకొని 15అడుగుల లోతులోకి బోల్తా పడింది. ప్రమాదంలో సతీష్ కుమార్(72) తీవ్రంగా గాయపడి స్విమ్స్ ఆసుపత్రిలో చికిత్స పొందుతూ మృతి చెందారు. మరోఇద్దరు చిన్నారులు సహా కుటుంబసభ్యులకు స్వల్ప గాయాలయ్యాయి. బాధితులు బెంగళూరులోని బన్నేరుఘట్ట రోడ్, గోట్టిగెరికి చెందినవారిగా పోలీసులు గుర్తించారు. డ్రైవర్ నిద్రమత్తు వల్లే ప్రమాదం జరిగినట్లు తెలిపారు.
హయ్యర్ ఎడ్యుకేషన్ కోర్సులకు మినిమమ్ ఫీజు ఖరారు
AP: రాష్ట్రంలో హయ్యర్ ఎడ్యుకేషన్ కోర్సులకు గవర్నమెంట్ మినిమమ్ ఫీజులను నిర్ణయించింది. ఉన్నత విద్యాశాఖ సెక్రటరీ కోన శశిధర్ ఈరోజు ఆర్డర్స్ ఇచ్చారు. డిగ్రీలో B.Scకు రూ.17,500, B.Comకు రూ.14 వేలు, BAకు రూ.13 వేలు, BBA/BBM, BCAలకు రూ.21 వేలు, BHMకు రూ.35 వేలు ఫైనల్ చేశారు. LLB, LLMకు రూ.15-22 వేలు, B-Pharmacy, Pharmacy-D కోర్సులకు రూ.45 వేలుగా నిర్ణయించారు.
కొలెస్ట్రాల్ తగ్గించుకోవాలా?
శరీరంలో పెరిగే చెడు కొలెస్ట్రాల్ను కంట్రోల్ చేసుకోవాలంటే సరైన డైట్ ఫాలో అవ్వడం చాలా ఇంపార్టెంట్. రోజూ ఆపిల్స్ తింటే కొలెస్ట్రాల్ ను తగ్గిస్తుందని డాక్టర్లు అంటున్నారు. వాల్ నట్స్ తీసుకోవడం వల్ల ఇంకా బెటర్ రిజల్ట్స్ వస్తాయని, అన్నింటికన్నా బెస్ట్గా 'ఇసబ్గోల్' ఇందులో ఉండే ఫైబర్ చెడు కొలెస్ట్రాల్ను తగ్గించి, గుండెను హెల్దీగా ఉంచుతుందని నిపుణులు చెబుతున్నారు.
ఓ కొత్త రోజు..
ఓటమి ఎదురైనప్పుడు చాలామంది అడుగు వెనక్కి వేస్తారు. కానీ, అలలు ఎంత వెనక్కి తగ్గితే అంత ఎత్తుకు లేస్తాయి. మన జీవితం కూడా అంతే. ప్రతీ రోజూ మనకి లభించే ఒక కొత్త అవకాశం. నిన్నటి తప్పుల గురించి ఆలోచిస్తూ ఈ రోజును వృథా చేసుకోవడం కంటే, ఈ నిమిషం నుంచి మన ప్రయాణాన్ని మళ్లీ సరికొత్తగా ప్రారంభించడమే అసలైన గెలుపు. నీ శ్రమ, నీ నమ్మకం ముందు ఏ కష్టమైనా తలవంచాల్సిందే. సాకులు చెప్పడం ఆపి ప్రయత్నించడం మొదలుపెట్టు. విజయం వైపు వేసే ప్రతి చిన్న అడుగు నిన్ను గమ్యానికి చేరుస్తుంది.
ఆంధ్రా గోవాకు కొత్త రూపు
AP: సూర్యలంక బీచ్కు ప్రపంచ స్థాయి గుర్తింపు తీసుకొచ్చేలా అభివృద్ధి చేస్తామని CM చంద్రబాబు తెలిపారు. బాపట్ల జిల్లా వేటపాలెం మండలంలో నిర్వహించిన కార్యక్రమంలో ఆయన మాట్లాడారు. తూర్పు తీర ఆంధ్రా గోవాగా పేరున్న ఈ ప్రాంతాన్ని పర్యాటక కేంద్రంగా తీర్చిదిద్దేందుకు ఇప్పటికే స్వదేశీ దర్శన్ పథకం కింద రూ.97.52 కోట్లతో పనులు జరుగుతున్నాయని చెప్పారు. బీచ్ నుంచి చీరాల వరకు 18 కిలోమీటర్ల తీర ప్రాంతాన్ని బీచ్ కారిడార్గా అభివృద్ధి చేసి, ఆధునిక సౌకర్యాలు కల్పించనున్నట్లు వెల్లడించారు.