రేవంత్రెడ్డి వ్యాఖ్యలను సమర్థించను: మహేశ్కుమార్
By డీకే· 16 Jun 2026· Ntnews· హైదరాబాద్
AICC రాష్ట్ర వ్యవహారాల ఇన్ఛార్జి మీనాక్షి నటరాజన్ రాజ్యసభ నామినేషన్ తిరస్కరణపై కాంగ్రెస్ అధిష్ఠానం సీరియస్గా పరిగణిస్తుందని TPCC అధ్యక్షుడు మహేశ్కుమార్ గౌడ్ అన్నారు. ఓ టీవీ చానల్తో ఆయన మాట్లాడుతూ.. ఆమెపై ఉన్న కేసు విషయాన్ని ఎవరో ఒకరు లీక్ చేసి ఉండొచ్చని అన్నారు. దీనిపై విచారణ జరుగుతుందని చెప్పారు. తనను కూడా పిలిచి విచారణ జరిపారని వెల్లడించారు. ఇటీవలి బెంగళూరులో రేవంత్ చేసిన ‘హిట్లర్’ వ్యాఖ్యలపై మహేశ్కుమార్ స్పందించారు. హిట్లర్ స్ఫూర్తి అంటూ సీఎం రేవంత్రెడ్డి చేసిన వ్యాఖ్యలను తాను ఏకీభవించను అని స్పష్టం చేశారు. అది రేవంత్ వ్యక్తిగత అభిప్రాయమని స్పష్టంచేశారు.
