ప్రకాష్ రాజ్ మీడియా మీట్

By Krishna· 6h ago

ప్రస్తుత పరిణామాలు, కొనసాగుతున్న S.I.R అంశం వంటి విషయాలపై ప్రముఖ నటుడు ప్రకాశ్ రాజ్ అక్టోబర్ 3, మార్నింగ్ 11 గంటల 30 నిమిషాలకు ఖైరతాబాద్ లోని ప్రెస్‌క్లబ్‌లో మీడియా ఇంటరాక్షన్ పెడుతున్నారు. ఈమధ్య ఆయన "సర్" అంశంపై కర్ణాటకలో బాధితులను స్వయంగా కలిసి, వారి సమస్యలు అడిగి తెలుసుకున్నారు. అందువల్ల ప్రజలకు ఎలాంటి ఇబ్బందులు కలుగుతున్నాయో.. ఆయన డైరెక్టుగా తెలుసుకున్నట్లైంది. అందువల్ల ఆయన ఏం చెబుతారనేది ఆసక్తిగా మారింది.

More in Current Affairs

Current Affairs· 2m ago

నిరాటంకంగా CJP నిరసన

ముంబయిలో CJP నిరసన నిరాటంకంగా సాగుతోంది. శివాజీ పార్క్‌లో నిరసనకు పోలీసులు పర్మిషన్ ఇవ్వకున్నా, పార్క్ బయటే అభిజీత్ దీప్కే సహా ఇతర నేతలు నిరసన తెలుపుతున్నారు. కార్యక్రమానికి వేలాదిమంది యువత మద్దతు తెలిపారు. గాయకుడు విశాల్ దద్లానీ అక్కడికి చేరుకొని అభిజీత్‌కు మద్దతు తెలిపారు. అనంతరం దీప్కే మాట్లాడుతూ మహాత్మాగాంధీ జయంతి రోజున గాంధీని ఇవాళ ఇంతకుమించిన నివాళి ఉండదని తెలిపారు. జ్ఞానేష్ కుమార్ రిజైన్ చేసేదాకా అందరం కలిసి పోరాడాలని పిలుపునిచ్చారు.

Current Affairs· 2h ago

CJP నిరసనకు అడ్డంకులు.. జావేద్ అక్తర్ రియాక్షన్

ముంబయి నగరంలో CJP నిరసనకు అడ్డంకులు సృష్టిస్తున్న అధికారుల తీరుపై నాస్తికవాది, గీతరచయిత జావేద్ అక్తర్ రియాక్ట్ అయ్యారు. శివాజీ పార్క్‌లోని శబ్ద కాలుష్యం పట్ల సున్నితంగా మారి, CJP నిరసనను రద్దు చేయాలని అధికారులను కోరుతున్న కొంతమంది ప్రజల్ని చూసి చాలా సంతోషిస్తున్నానని ఆయన తెలిపారు. అయితే ఏ రాజకీయ పార్టీ కార్యక్రమం అయినా శివాజీ పార్క్‌లో జరగాలని ప్లాన్ చేసినప్పుడు కూడా అబ్జెక్షన్ చెప్తారని వంద శాతం నమ్ముతున్నానని తన ఎక్స్ అకౌంట్‌లో పోస్ట్ చేశారు.

Current Affairs· 9h ago

మండుతున్న తెలుగు రాష్ట్రాలు

ఆంధ్రప్రదేశ్, తెలంగాణలో ఎండ పెరిగింది. ఇవాళ అక్టోబర్ 2న తెలంగాణలో 34 డిగ్రీల సెల్సియస్ ఉష్ణోగ్రత ఉంటే.. ఏపీలో 36 డిగ్రీల సెల్సియస్ ఉంటుంది. గాలి వేగం గంటకు 15 నుంచి 20 కిలోమీటర్లుగా ఉంటుంది. వేడి, ఉక్కపోత ఫీలింగ్ కలుగుతుంది. IMD మాత్రం రెండు రాష్ట్రాల్లో అక్టోబర్ 7 వరకూ అక్కడక్కడా లైట్ వర్షాలు పడతాయి అంటోంది. ప్రస్తుతం ఇండియా చుట్టుపక్కల అల్పపీడనాలు ఏవీ లేవు. అందువల్ల ఇప్పట్లో వేడి తగ్గదు అనుకోవచ్చు. ప్రయాణాలు చేసేవారు తరచూ నీరు తాగాలి.

బెళగావిలో 15 వేల ఓటర్ల పేర్లు తొలగించే కుట్ర: రాహుల్ గాంధీ

▶

Current Affairs· 22h ago

బెళగావిలో 15 వేల ఓటర్ల పేర్లు తొలగించే కుట్ర: రాహుల్ గాంధీ

దేశమంతా ఓటు దొంగతనంపై ఆగ్రహంతో ఉన్నా, BJP-EC ఇంకా అదే పనులు చేస్తోందని కాంగ్రెస్ నాయకుడు రాహుల్ గాంధీ ఆరోపించారు. కర్ణాటకలోని బెళగావిలో ఒకేసారి సుమారు 15 వేల మంది ఓటర్ల పేర్లు తొలగించే కుట్ర జరుగుతోందని తన ఎక్స్ అకౌంట్‌లో పోస్ట్ చేశారు. సెప్టెంబర్ 22, 23, 24వ తేదీల్లో ఫారం-7 అప్లికేషన్స్ వెల్లువగా వచ్చి, అనేకమంది పేర్లు లిస్టు నుంచి తొలగిపోయాయని తెలిపారు. ముస్లింలు, ఎస్సీ, ఎస్టీ, ఓబీసీ ఓటర్లే లక్ష్యంగా బీజేపీ ఈ పని చేసిందని ఆరోపించారు.