హామీ అమలు చేయకపోతే స్కూటీలు తీసుకెళ్లండి

By DK· 17 Jul 2026

TG: నిజామాబాద్‌లో నిర్వహించిన 'ఇందూర్ రణభేరి' కార్యక్రమంలో ఆర్మూర్ MLA రాకేశ్ రెడ్డి కాంగ్రెస్ ప్రభుత్వంపై ఫైరయ్యారు. అధికారంలోకి వస్తే కాలేజీ విద్యార్థినులకు స్కూటీలు ఇస్తామని ఇచ్చిన హామీని కాంగ్రెస్ నిలబెట్టుకోలేదని ఆరోపించారు. హామీ అమలు చేయకపోతే కాంగ్రెస్ నేతలకు చెందిన షోరూమ్‌ల నుంచి విద్యార్థినులు స్కూటీలు తీసుకెళ్లాలని పిలుపునిచ్చారు. ఫీజు రీయింబర్స్‌మెంట్ బకాయిలను వెంటనే విడుదల చేయాలని డిమాండ్ చేశారు. విద్యార్థుల హక్కుల కోసం ఉద్యమాన్ని ఉధృతం చేస్తామని, అవసరమైతే చలో కొడంగల్ కార్యక్రమాన్ని చేపడతామని హెచ్చరించారు.

More in Politics

Politics· 6h ago

బెంగళూరు మెట్రో జర్నీకి 70 వేల జీతం కావాల్సిందేనా?

బెంగళూరులో ‘నమ్మ మెట్రో’లో రోజూ జర్నీ చేయాలంటే నెలకు సుమారు 70,400 రూపాయల జీతం ఉండాలని ‘ది హిందూ’ ఎనాలిసిస్ తెలిపింది. 15 కిలోమీటర్ల వన్‌వే జర్నీ, రెండు వైపులా 2 కిలోమీటర్ల లాస్ట్‌మైల్ ట్రావెల్ కలిపి నెలకు 3,520 రూపాయలు ఖర్చవుతుందని లెక్కించింది. ఈ ఖర్చు జీతంలో 5 శాతానికి మించకూడదనే లెక్కతో 70,400 జీతాన్ని అంచనా వేసింది. ఢిల్లీ, చెన్నై, ముంబై, కోల్‌కతాతో పోలిస్తే బెంగళూరులో మెట్రో జర్నీ ఖర్చు ఎక్కువగా ఉందని తెలిపింది.

Politics· 11h ago

ఈమె వీర 'వనిత'

మెటర్నిటీ లీవ్ ప్రతి మహిళ హక్కు.. కానీ బెంగళూరులోని ఓ ప్రైవేట్ మెడికల్ కాలేజీ వనిత అనే డాక్టర్ కు పెయిడ్ లీవ్ ఇవ్వలేదు. ఆమె కేసు వేసేందుకు లాయర్ శ్రీకాంత్ చింతలను కలిస్తే 'మీరు కోర్టుకెళ్తే మీ ఉద్యోగం పోతుంది పర్లేదా' అని హెచ్చరించారు. ఆమె 'ఇది డబ్బు కోసం కాదు, నా హక్కు కోసం' అని డెలివరీ తర్వాత కాలేజీపై కేసు వేశారు. కోర్టులో మెడికల్ కాలేజీ ఓడిపోయింది, డాక్టర్ వనిత నెగ్గారు. ఇదంతా లాయర్ శ్రీకాంత్ Facebook వాల్ పై షేర్ చేశారు. డాక్టర్ వీర'వనిత' పోరాటానికి సెల్యూట్ చేస్తూ షేర్ చేద్దామా..?

Politics· 22h ago

గురజాడ అప్పారావు.. సాహిత్యంతో సమాజాన్ని మార్చిన రచయిత

తెలుగు భాషకు కొత్త గుర్తింపు తెచ్చిన గురజాడ అప్పారావును గుర్తు చేసుకుందాం. 1862 సెప్టెంబర్ 21న జన్మించిన ఆయన తన రచనల ద్వారా.. సమాజంలోని సమస్యలను ప్రశ్నించారు. ‘కన్యాశుల్కం’లో చైల్డ్ మ్యారేజెస్, డౌరీ వంటి సోషల్ ఇష్యూస్‌ను చూపించారు. ప్రజలు మాట్లాడే సింపుల్ భాషను తన రచనల్లో ఉపయోగించారు. ‘దేశమును ప్రేమించుమన్నా’ అంటూ దేశభక్తి సందేశాన్ని అందించారు. ఆయన రచనలు, ఆలోచనలు నేటి తరానికీ చేరుతున్నాయి. తెలుగు సాహిత్యంపై గురజాడ ప్రభావం ఇప్పటికీ కనిపిస్తూనే ఉంది.

Politics· 1d ago

బీచ్‌లో CM సర్‌ప్రైజ్.. మహిళకు తక్షణ పెన్షన్ ఆదేశం!

AP: విశాఖ RKబీచ్‌లో నిర్వహించిన ‘స్వర్ణాంధ్ర-స్వచ్ఛాంధ్ర’ కార్యక్రమంలో CM చంద్రబాబు పాల్గొన్నారు. బీచ్‌లో పారిశుద్ధ్య పనులు, ప్లాస్టిక్ వ్యర్థాల తొలగింపును పరిశీలించారు. పెదజాలరిపేటలో ఓషన్ ప్లాస్టిక్ రికవరీ సెంటర్ పైలట్ సైట్‌ను వర్చువల్‌గా ప్రారంభించారు. పారిశుద్ధ్య కార్మికులు, మత్స్యకారులు, స్కూబా డైవర్లతో మాట్లాడారు. బీచ్‌లో మిక్చర్ అమ్ముతున్న మహిళతో మాట్లాడి, ఆమెకు పెన్షన్ మంజూరు చేయాలని అధికారులను ఆదేశించారు.