రేపు ఇందిరమ్మ ఫ్లాట్లకు అలాట్‌మెంట్ లెటర్స్

By Mahesh· 21h ago· TG

TG: ఇందిరమ్మ LIG ఫ్లాట్ల అర్హులకు ప్రభుత్వం గుడ్‌న్యూస్ చెప్పింది. ఎంపికైన లబ్ధిదారులకు రేపు అలాట్‌మెంట్ లెటర్లు జారీ చేయనుంది. రిజిస్టర్డ్ మొబైల్ నంబర్లకు వాట్సప్, SMS ద్వారా నేరుగా లెటర్లు పంపనున్నారు. హౌసింగ్ బోర్డు <a href="https://tghb.telangana.gov.in/">వెబ్‌సైట్</a> నుంచి కూడా డౌన్‌లోడ్ చేసుకోవచ్చు. మరోవైపు హైదరాబాద్ రాయదుర్గంలో 750 కోట్ల రూపాయలకు పైగా విలువైన 2.85 ఎకరాల స్థలంలో 480 ఇందిరమ్మ ఫ్లాట్ల నిర్మాణానికి మంత్రి పొంగులేటి ఇనాగురేట్ చేయనున్నారు.

More in TG

TG· 7m ago

మల్కాపూర్ బడి నిండా సమస్యలు: సృజన యాదవ్

TG: ఆదివాసీ గ్రామాల్లోని పిల్లల పరిస్థితులు చూస్తే బాధగా ఉందని సృజన యాదవ్ అన్నారు. TPF<a href="https://www.theclearcutnews.com/n/Aq6od2X"> విద్యా బస్సుయాత్ర</a>లో భాగంగా ఆదిలాబాద్ జిల్లా మల్కాపూర్‌లో ఆమె మాట్లాడుతూ గ్రామంలోని ప్రాథమిక పాఠశాలలో 5వ తరగతి వరకు తరగతులు ఉన్నాయని చెప్పారు. ఇద్దరు టీచర్లు, రెండు గదులు ఉండగా ఒక గదిలో సామగ్రి ఉండటంతో పిల్లలు వరండాలో కూర్చొని చదువుకుంటున్నారని తెలిపారు. నాలుగు బాత్రూమ్‌లలో మూడు పనిచేయడం లేదని, నల్లాలు కూడా దెబ్బతిన్నాయని చెప్పారు. ఇద్దరు టీచర్లలో ఒకరు సెలవులో ఉంటే ఒక్క టీచర్‌తోనే పాఠశాల కొనసాగుతోందన్నారు.

TG· 58m ago

బంజారాహిల్స్‌‌కు సమానంగా ఆదివాసీ బడులు: ఆకునూరి మురళి

TG: పిల్లలందరికీ దగ్గర్లోనే మంచి ప్రభుత్వ స్కూల్ అందుబాటులో ఉండాలని రిటైర్డ్ IAS అధికారి ఆకునూరి మురళి అన్నారు. TPF <a href="https://www.theclearcutnews.com/n/tNXHyWg">విద్యాబస్సు యాత్ర</a>లో భాగంగా ఆదిలాబాద్ జిల్లా మల్కాపూర్‌లో ఆయన మాట్లాడుతూ ఆశ్రమ, రెసిడెన్షియల్, గురుకుల స్కూళ్లు అందరికీ శాశ్వత పరిష్కారం కాదని పేర్కొన్నారు. తల్లిదండ్రులు తమ పిల్లలను దూరంగా ఉన్న గురుకులాలకు పంపేందుకు ఆలోచించే పరిస్థితి ఉందన్నారు. హైదరాబాద్ బంజారాహిల్స్‌లోని స్కూళ్లలో సౌకర్యాలు ఎలా ఉంటాయో, ఆదివాసీ గ్రామాల బడుల్లోనూ అలాంటి వసతులు ఉండాలని డిమాండ్ చేశారు.

TG· 1h ago

దానం నాగేందర్ పిటిషన్‌పై 23న సుప్రీంలో విచారణ

TG: పార్టీ ఫిరాయింపుల కేసులో తెలంగాణ హైకోర్టు ఇచ్చిన అనర్హత తీర్పును సవాల్ చేస్తూ ఖైరతాబాద్ MLA దానం నాగేందర్ <a href="https://www.theclearcutnews.com/n/qsZXRqc">సుప్రీంకోర్టుకు వెళ్లారు.</a> హైకోర్టు తీర్పుపై స్టే ఇవ్వాలని కోరారు. ఈ పిటిషన్‌ను దానం తరఫు సీనియర్ లాయర్ ముకుల్ రోహత్గి ఈరోజు సుప్రీంకోర్టులో మెన్షన్ చేశారు. ఖైరతాబాద్ సీటు వేకెంట్ కావడంతో, లేట్ అయితే బైఎలక్షన్ నోటిఫికేషన్ వచ్చే అవకాశం ఉందని దానం తరఫు లాయర్ కోర్టుకు తెలిపారు. దీంతో చీఫ్ జస్టిస్ ఆఫ్ ఇండియా(CJI) సూర్యకాంత్ ఈ పిటిషన్‌ను ఈనెల 23న విచారణ జరిపేందుకు అంగీకరించారు.

TG· 1h ago

ఆదివాసీ విద్యార్థులకు వసతుల కల్పన అవసరం

TG: రాష్ట్రంలో ప్రభుత్వ బడుల పరిస్థితులను ప్రజల ముందు పెట్టేందుకు TPF(Telangana People’s Front) <a href="https://www.theclearcutnews.com/n/FzfgcvX">బస్సు యాత్ర</a> చేస్తోంది. ఇందులో భాగంగా ఆదిలాబాద్ జిల్లా మల్కాపూర్ గిరిజన గ్రామంలో రిటైర్డ్ IAS ఆకునూరి మురళి పర్యటించారు. ఆదివాసీ ప్రాంతాల్లో విద్యకు ఎదురవుతున్న సమస్యలపై మాట్లాడారు. ప్రైవేట్ స్కూళ్లకు పిల్లలను పంపే ఆర్థిక పరిస్థితి చాలా కుటుంబాలకు లేదనీ, గ్రామాలకు రవాణా సౌకర్యం కూడా లేదన్నారు. ఆదివాసీ పిల్లలకూ ఇతర ప్రాంతాల విద్యార్థులతో సమానంగా నాణ్యమైన విద్య అందించాలని కోరారు.