శ్రీరాంసాగర్ ప్రాజెక్టులోకి కొనసాగుతున్న ఇన్ ఫ్లో

By Bala· 48m ago

కరీంనగర్ జిల్లా శ్రీరాంసాగర్ ప్రాజెక్టుకు గురువారం ఉదయానికి ఎగువ ప్రాంతాల నుంచి 1,157 క్యూసెక్కుల ఇన్ వస్తోందని అధికారులు తెలిపారు. సరస్వతి, కాకతీయ, లక్ష్మి కాలువలతో పాటు మిషన్ భగీరథకు కలిపి మొత్తం 1,596 క్యూసెక్కుల నీటిని ఔట్ విడుదల చేస్తున్నారు. ప్రాజెక్టు పూర్తి సామర్థ్యం 80.5 TMCలకు ప్రస్తుతం 47.16 TMCల నీటి నిల్వ, 329.42 మీటర్ల నీరుంది.

More in Local

Local· 3m ago

ప్రేమ పేరుతో నమ్మించి.. పోక్సో కేసు

జోగులాంబ గద్వాల జిల్లాలో ఇంటర్ చదువుతున్న బాలికను పెళ్లి చేసుకుంటానని నమ్మించి లైంగిక దోపిడీకి పాల్పడిన యువకుడిని పోలీసులు అరెస్ట్ చేశారు. కర్నూలుకు చెందిన యువకుడికి అలంపూర్‌లో స్నేహితుడు ఉండటంతో అక్కడికి తరచూ వచ్చేవాడు. ఈ క్రమంలో బాలికతో పరిచయం పెంచుకుని ఆమెను మోసం చేసినట్లు పోలీసులు తెలిపారు. బాలిక గర్భవతి అని తేలడంతో కుటుంబ సభ్యులు పోలీసులను ఆశ్రయించారు. యువకుడిపై పోక్సో కేసు నమోదు చేసి రిమాండ్‌కు తరలించారు.

Local· 34m ago

రక్తదాన సేవలకు నిర్వాకుడికి సన్మానం

సిద్దిపేట జిల్లా బెజ్జంకి మండలం చీలాపూర్‌ భాస్కరాచారి సేవాసంస్థ ఆధ్వర్యంలో 14ఏళ్లుగా రక్తదాన శిబిరాలు నిర్వహిస్తున్నారు. మాజీ సర్పంచ్ శానగొండ భాస్కరాచారి వర్ధంతిని పురస్కరించుకుని ప్రతి ఏడాది శిబిరం ఏర్పాటు చేసి ప్రభుత్వ బ్లడ్ బ్యాంకుకు రక్తాన్ని అందిస్తున్నారు. ఆపదలో ఉన్న వారికి రక్తం ద్వారా అండగా నిలుస్తున్న సంస్థ సేవలను గుర్తించిన కరీంనగర్ ప్రభుత్వ జనరల్ ఆస్పత్రి సూపరింటెండెంట్ సంస్థ నిర్వాహకుడు శానగొండ శరత్‌ను సన్మానించి అభినందించారు.

Local· 39m ago

రోడ్డు పనులకు MLA శంకుస్థాపన

తూర్పుగోదావరి జిల్లా సీతానగరం మండలం ఇనుగంటివారిపేటలో 42 లక్షలతో నిర్మించనున్న కొత్త CC రోడ్డు పనులకు రాజానగరం MLA బత్తుల బలరామకృష్ణ గురువారం శంకుస్థాపన చేశారు. చిక్కాల దేవానంద్ ఇంటి నుంచి లంకాలమ్మ గుడి వరకు ఈ రహదారిని నిర్మించనున్నారు. గ్రామీణ ప్రాంతాల్లో మెరుగైన మౌలిక వసతులు కల్పించడమే లక్ష్యమని MLA తెలిపారు. రహదారి నిర్మాణంతో గ్రామస్తులతో పాటు లంకాలమ్మ ఆలయానికి వచ్చే భక్తులకు రాకపోకలు సులభతరం అవుతాయని చెప్పారు.

Local· 40m ago

అన్నపూర్ణ రిజర్వాయర్‌కు కొనసాగుతున్న ఇన్ ఫ్లో

సిరిసిల్ల జిల్లా ఇల్లంతకుంట మండల అనంతగిరి అన్నపూర్ణ రిజర్వాయర్కు ఎంఎంఆర్ నుంచి 3,252 క్యూసెక్కుల నీరు వచ్చి చేరుతోంది. గురువారం ఉదయం 6 గంటలకు రిజర్వాయర్లో 1.598 టీఎంసీల నీరు నిల్వ ఉండగా, నీటిమట్టం 389.39 మీటర్లుగా నమోదైంది. ప్యాకేజీ-11 ద్వారా 3,472, ఇతర అవసరాలకు 6 కలిపి మొత్తం 3,478 క్యూసెక్కుల నీటిని దిగువకు విడుదల చేస్తున్నారు.