అన్నపూర్ణ రిజర్వాయర్‌కు కొనసాగుతున్న ఇన్ ఫ్లో

By Bala· 1h ago

సిరిసిల్ల జిల్లా ఇల్లంతకుంట మండల అనంతగిరి అన్నపూర్ణ రిజర్వాయర్కు ఎంఎంఆర్ నుంచి 3,252 క్యూసెక్కుల నీరు వచ్చి చేరుతోంది. గురువారం ఉదయం 6 గంటలకు రిజర్వాయర్లో 1.598 టీఎంసీల నీరు నిల్వ ఉండగా, నీటిమట్టం 389.39 మీటర్లుగా నమోదైంది. ప్యాకేజీ-11 ద్వారా 3,472, ఇతర అవసరాలకు 6 కలిపి మొత్తం 3,478 క్యూసెక్కుల నీటిని దిగువకు విడుదల చేస్తున్నారు.

More in Local

Local· 1m ago

పార్టీ మారిన ఇద్దరిపై సీపీఎం యాక్షన్

అల్లూరి సీతారామరాజు జిల్లా అరకు మండలం పద్మాపురం గ్రామ శాఖకు చెందిన కిలో మహేష్, పొట్టంగి కుమార్‌లను సీపీఎం నుంచి తొలగించినట్లు మండల కార్యదర్శివర్గ సభ్యుడు జె. భగత్‌రామ్ తెలిపారు. వారు టీడీపీలో చేరిన నేపథ్యంలో పార్టీ ఈ నిర్ణయం తీసుకున్నట్లు చెప్పారు. ఈ సందర్భంగా భగత్‌రామ్ మాట్లాడుతూ.. టీడీపీ ప్రభుత్వం గిరిజనుల హక్కులకు విఘాతం కలిగిస్తోందని ఆరోపించారు. రాబోయే స్థానిక ఎన్నికల్లో కూటమిని ఓడిస్తామని అన్నారు.

Local· 5m ago

జాగృతి కామారెడ్డి జిల్లా అధ్యక్షుడిగా సతీష్ కుమార్

తెలంగాణ జాగృతి కామారెడ్డి జిల్లా అధ్యక్షుడిగా రెడ్డిపేట సతీష్ కుమార్‌ను నియమించారు. ఈ విషయాన్ని తెలంగాణ జాగృతి వ్యవస్థాపక అధ్యక్షురాలు, తెలంగాణ రక్షణ సేన రాష్ట్ర పార్టీ అధ్యక్షురాలు కవిత, తెలంగాణ జాగృతి రాష్ట్ర అధ్యక్షురాలు మరిపెళ్లి మాధవి తెలిపారు. సతీష్ కుమార్ నియామకంపై పార్టీ నాయకులు, కార్యకర్తలు శుభాకాంక్షలు తెలిపారు.

Local· 8m ago

NTPC SIగా వెంకటస్వామి.. బాధ్యతలు స్వీకరణ

పెద్దపల్లి జిల్లా రామగుండం పరిధిలోని NTPC SIగా వెంకటస్వామి బాధ్యతలు స్వీకరించారు. గతంలో అంతర్గాం SIగా విధులు నిర్వహించిన వెంకటస్వామిని ఇటీవల పోలీస్ అధికారులు NTPC SIగా బదిలీ చేశారు. కొత్తగా బాధ్యతలు చేపట్టిన ఆయన పోలీస్ స్టేషన్ పరిధిలో శాంతిభద్రతల పరిరక్షణకు ప్రాధాన్యం ఇస్తామని తెలిపారు. ప్రజల సహకారంతో శాంతిభద్రతలను కాపాడేందుకు కృషి చేస్తానని చెప్పారు. ప్రజలు తమ సమస్యలను పోలీసుల దృష్టికి తీసుకురావాలని, పోలీస్ శాఖకు సహకరించాలని కోరారు.

Local· 11m ago

హృదయ విదారకం.. కదల్లేని స్థితిలో చెల్లయ్య

తిరుపతి రూరల్ మండలం సి.మల్లవరం గిరిజన గ్రామంలో చెల్లయ్య దయనీయ పరిస్థితిలో జీవిస్తున్నారు. అనారోగ్యంతో కదలలేని స్థితిలో ఉన్న ఆయనకు కనీసం తినడానికి ఆహారం కూడా లేక ఇబ్బందులు పడుతున్నారని స్థానికులు తెలిపారు. సి. మల్లవరం పర్యటనలో ఈ పరిస్థితిని సీపీఎం జిల్లా కార్యదర్శి గుర్తించారు. చెల్లయ్యకు తక్షణమే ఆహారం, వైద్యం, నివాసం, అవసరమైన ప్రభుత్వ సహాయం అందించాలని కోరారు. ప్రభుత్వ అధికారులు, ప్రజాప్రతినిధులు స్పందించి ఆయనకు అండగా నిలవాలని కోరారు.