ఏపీలో SIR ముసాయిదా ఓటర్ల లిస్ట్‌ విడుదల

By Mahesh· 31 Jul 2026

AP: ఆంధ్రప్రదేశ్‌లో SIR ముసాయిదా ఓటర్ల లిస్ట్‌ను విడుదల చేసినట్లు రాష్ట్ర CEO వివేక్ యాదవ్ వెల్లడించారు. ఎన్యూమరేషన్ ఫామ్స్‌ను సమర్పించిన 3.71 కోట్ల మంది వివరాలను ముసాయిదా లిస్ట్‌లో చేర్చినట్లు తెలిపారు. ఇందులో 15.22 లక్షల మంది మరణించినట్లు, రెండు చోట్ల నమోదైన 7.37 లక్షల ఓట్లను గుర్తించామని చెప్పారు. ఆగస్టు 30 వరకు అభ్యంతరాలుంటే స్వీకరిస్తామని, అర్హులైన వారు <a href="https://www.ceodelhi.gov.in/WriteReadData/userfiles/file/Forms/FORM6.pdf">ఫామ్-6</a> ద్వారా ఓటరు రిజిస్ట్రేషన్ చేసుకోవచ్చని సూచించారు. అక్టోబర్ 3న చివరి ఓటర్ల లిస్ట్‌ను విడుదల చేస్తామని సీఈవో స్పష్టం చేశారు.

More in Politics

Politics· 18m ago

పూజలు చేస్తూ పూజారి మృతి.. అసలేం జరిగింది?

నల్గొండ జిల్లా తిరుమలగిరిసాగర్‌ మండలం ఘోర ఘటన చోటుచేసుకుంది. తలపాలెంలో గణేశ్‌ మండపంలో పూజలు చేస్తూ పూజారి ఉప్పల దత్తు ప్రసాద్‌ మృతి చెందారు. పూజల విషయంలో గుండాల రవి, పున్నయ్యతో వివాదం జరిగిన అనంతరం దత్తు ప్రసాద్‌ వారి మండపానికి వెళ్లి పూజలు చేస్తుండగా స్పృహతప్పి పడిపోయారు. ఆస్పత్రికి తరలించగా అప్పటికే మృతి చెందినట్లు వైద్యులు తెలిపారు. కుమారుడి ఫిర్యాదుతో పోలీసులు కేసు నమోదు చేసి దర్యాప్తు చేస్తున్నారు.

Politics· 39m ago

మధురవాడలో వివాహిత ఆత్మహత్య!

విశాఖ జిల్లా మధురవాడ ఆర్టీసీ కాలనీలో కోమలి (30) అనే వివాహిత సోమవారం తెల్లవారుజామున ఇంట్లో ఎవరులేని సమయంలో ఆత్మహత్యకు పాల్పడింది. కొంతకాలంగా వాంబే కాలనీలో ఉంటున్న ఆమె ఇటీవల ఆర్టీసీ కాలనీలో ఇల్లు అద్దెకు తీసుకుని ఒంటరిగా నివసిస్తోంది. గతంలో మున్నా అనే వ్యక్తిని వివాహం చేసుకుని, వ్యక్తిగత కారణాలతో విడిపోయినట్లు సమాచారం. ఘటనపై పీఎంపాలెం పోలీసులు కేసు నమోదు చేసి దర్యాప్తు చేస్తున్నారు. ఈ ఘటనపై పూర్తి సమాచారం తెలియల్సి ఉంది.

Politics· 50m ago

అమెరికాలో గుండెపోటుతో నగర వాసి మృతి!

అమెరికాలో తెలుగు కమ్యూనిటీలో విషాదం చోటుచేసుకుంది. హైదరాబాద్ బేగంపేటకు చెందిన MBA సాఫ్ట్‌వేర్ ఇంజినీర్ రావుల పవన్ సాయి వంశీ (36) గుండెపోటుతో మృతి చెందారు. ఈ నెల 9న కాలిఫోర్నియాలోని నివాసంలో పిల్లలతో ఆడుకుంటుండగా ఒక్కసారిగా కుప్పకూలారు. ఆసుపత్రికి తరలించగా మృతి చెందినట్లు కుటుంబ సభ్యులు తెలిపారు. మృతదేహాన్ని హైదరాబాద్‌కు తీసుకురాగా, బన్సీలాల్‌పేటలో అంత్యక్రియలు నిర్వహించారు.

Politics· 1h ago

బండరాయిలో వినాయకుడి రూపం.. భక్తుల సందడి

మెదక్ జిల్లా శివ్వంపేట మండలంలో సికింద్లాపూర్ అడవిలోని లక్ష్మీనృసింహస్వామి కొండపై భారీ బండరాయిలో కనిపించిన రాతి శిలను మహా వినాయకుడి రూపంగా భావిస్తూ ప్రత్యేక పూజలు నిర్వహించారు. వినాయక చవితి సందర్భంగా ఆలయ ప్రధాన అర్చకుడు ధనుంజయ శర్మ, పూజారి విద్యాకర్ చారి పూజలు చేశారు. ఈ విశేషాన్ని చూసేందుకు భక్తులు పెద్ద సంఖ్యలో తరలివచ్చి స్వామివారిని దర్శించుకున్నారు.