జగిత్యాల జిల్లాలో Police Act అమలు

By Srikanth Goud· 1h ago· Jagitial, Jagitial, Jagitial

జగిత్యాల జిల్లా వ్యాప్తంగా అక్టోబర్ 1 నుంచి 31 వరకు Police Act–1861 అమల్లో ఉంటుందని SP అశోక్ కుమార్ తెలిపారు. శాంతిభద్రతల పరిరక్షణలో భాగంగా పోలీసుల అనుమతి లేకుండా ధర్నాలు, రాస్తారోకోలు, నిరసనలు, ర్యాలీలు, బహిరంగ సభలు, సమావేశాలు నిర్వహించరాదని సూచించారు. నిబంధనలకు విరుద్ధంగా DJలు వినియోగించవద్దని చెప్పారు. ప్రభుత్వ ఆస్తులకు నష్టం కలిగించే చట్టవ్యతిరేక కార్యక్రమాలకు పాల్పడితే చర్యలు ఉంటాయని హెచ్చరించారు.

More in Local

Local· 2m ago

ఏపీ హైకోర్టు కీలక తీర్పు

స్థానిక సంస్థల ఎన్నికల్లో బీసీలకు 34శాతం రిజర్వేషన్లు కల్పిస్తూ ఏపీ ప్రభుత్వం ఇచ్చిన జీవోలను హైకోర్టు కొట్టివేసింది. న్యాయవాది తాండవ యోగేష్ దాఖలు చేసిన పిటిషన్‌పై విచారణ జరిపిన న్యాయస్థానం, మొత్తం రిజర్వేషన్లు 50శాతం మించకూడదన్న సుప్రీంకోర్టు తీర్పునకు ఈ జీవోలు విరుద్ధంగా ఉన్నాయని స్పష్టం చేసింది. బీసీల జనగణన పూర్తయ్యాకే ఎన్నికలు పెట్టాలన్న పిటిషన్‌ను కూడా ధర్మాసనం కొట్టివేసింది.

Local· 14m ago

పెన్షన్లు పంపిణీ చేసిన BJP నేత జొన్నడ రంజిత్

విజయనగరం జిల్లా రాజాం పట్టణంలోని 20వ వార్డులో NTR భరోసా పెన్షన్లను BJP విజయనగరం జిల్లా కార్యవర్గ సభ్యుడు జొన్నడ రంజిత్ పంపిణీ చేశారు. సచివాలయ సిబ్బందితో కలిసి వితంతువులు, వికలాంగులు, ఒంటరి మహిళలకు పెన్షన్లు అందించారు. అనంతరం రంజిత్ మాట్లాడుతూ.. రాష్ట్ర ప్రభుత్వం ఎన్నికల్లో ఇచ్చిన హామీలను నెరవేర్చే దిశగా పనిచేస్తోందని తెలిపారు. ప్రధాని నరేంద్ర మోడీ నాయకత్వంలో ఆంధ్రప్రదేశ్ అభివృద్ధి పథంలో ముందుకు సాగుతోందని చెప్పారు.

Local· 16m ago

ఉదయగిరి PM SHRI స్కూల్‌లో SMC ఎన్నికలు

నెల్లూరు జిల్లా ఉదయగిరి PM SHRI ప్రభుత్వ ఉన్నత పాఠశాలలో SMC ఎన్నికలు ప్రశాంతంగా ముగిశాయి. పాఠశాల కమిటీని ఏకగ్రీవంగా ఎన్నుకున్నారు. కమిటీ చైర్మన్‌గా మొగల్ ఖాజా జమీర్, వైస్ చైర్మన్‌గా SK. సాజిద ఎన్నిక కాగా, 13 మంది సభ్యులు ఏకగ్రీవంగా ఎన్నికయ్యారు. అనంతరం ప్రధానోపాధ్యాయుడు శ్రీనివాసులు నూతన సభ్యులతో ప్రమాణ స్వీకారం చేయించారు. పాఠశాల అభివృద్ధి, విద్యార్థుల సంక్షేమానికి నూతన కమిటీ సభ్యులు కృషి చేయాలని సంబంధిత అధికారులు సూచించారు.

Local· 24m ago

SIRకు వ్యతిరేకంగా రౌండ్ టేబుల్ సమావేశం

SIR ప్రక్రియను రద్దు చేయాలని తిరుపతి జిల్లా రేణిగుంటలో వామపక్షాలు, ఇతర రాజకీయ పార్టీలు, ప్రజా సంఘాల ఆధ్వర్యంలో రౌండ్ టేబుల్ సమావేశం నిర్వహించారు. రేణిగుంట పంచాయతీ కార్యాలయం వద్ద సీపీఎం ప్రాంతీయ కమిటీ కన్వీనర్ కొండ్రెడ్డి హరినాథ్ అధ్యక్షతన జరిగిన సమావేశంలో కాంగ్రెస్, సీపీఐ, వైసీపీ, జనసేనతో పాటు వివిధ ప్రజా సంఘాల ప్రతినిధులు పాల్గొన్నారు. SIRలో తొలగించిన ఓటర్ల పేర్లను తిరిగి జాబితాలో చేర్చాలని, ఓటర్ల హక్కులకు నష్టం కలగకుండా చూడాలని వారు కోరారు.