క్రిమినల్స్‌ను రాజ్యాంగ పదవుల్లోకి రానివ్వను: పవన్

క్రిమినల్స్‌ను రాజ్యాంగ పదవుల్లోకి రానివ్వనని AP డిప్యూటి CM పవన్ కల్యాణ్ తెలిపారు. కాకినాడలో నిర్వహించిన 'మన ఊరు- మాటామంతి' కార్యక్రమంలో ఆయన మాట్లాడారు. నేరగాళ్లు పదవుల్లోకి వచ్చి మన జీవితాలను శాసిస్తామని బెదిరిస్తుంటే సహించేది లేదన్నారు. వారిపై తిరగబడడానికి నేనెప్పుడూ సిద్ధమేనని పవన్ కల్యాణ్ స్పష్టం చేశారు. నేరస్థులకు కులాలు ఆపాదిస్తున్నారని ఫైరయ్యారు. క్రిమినల్స్ ను వెనకేసుకొచ్చే రాజకీయ నాయకులను ఆమడదూరంలో పెట్టాలన్నారు. లేకుంటే మీ భవిష్యత్తు పాడవుతుందని నేతలకు దిశానిర్దేశం చేశారు.