బ్యాగ్ కోసం మహిళపై దాడి.. వీడియో వైరల్

By Sharmila· 1h ago

అస్సాంలోని గువాహటిలో మహిళపై దారుణ ఘటన జరిగింది. రోడ్డుపై నడుచుకుంటూ వెళ్తున్న మహిళ బ్యాగ్‌ను స్కూటర్‌పై వచ్చిన ఇద్దరు వ్యక్తులు దొంగలించేందుకు ప్రయత్నించారు. మహిళ బ్యాగ్‌ను వదలకపోవడంతో ఆమెను కొంతదూరం రోడ్డుపై ఈడ్చుకెళ్లారు. అయినా బ్యాగ్‌ను దక్కించుకోలేక నిందితులు అక్కడి నుంచి పారిపోయారు. సీసీటీవీ కెమెరాలో రికార్డైన ఈ ఘటన సోషల్ మీడియాలో వైరల్ అయింది. దీంతో మహిళా భద్రతపై మరోసారి ఆందోళన వ్యక్తమవుతోంది.

More in National

National· 12m ago

ఉచిత కరెంట్‌కు ఆధార్ తప్పనిసరి.. ఎక్కడంటే

ఢిల్లీలో ఉచిత విద్యుత్ వాడుతున్న వారికి ప్రభుత్వం కీలక అలర్ట్ జారీ చేసింది. ఇకపై కరెంట్ సబ్సిడీ పొందాలంటే ఆధార్ డీటైల్స్ సమర్పించాలని తెలిపింది. ఆధార్ కార్డు లేని వారు నమోదు సంఖ్యతోనూ దరఖాస్తు చేసుకోవచ్చు. ఒకే వ్యక్తి పేరుతో ఎక్కువ మీటర్లు పెట్టి అక్రమంగా రాయితీలు పొందకుండా అడ్డుకోవడమే కోసమే ప్రబుత్వం ఈ నిర్ణయం తీసుకుందని తెలిపింది. ఢిల్లీలో నెలకు 200 యూనిట్ల వరకు ఉచిత కరెంట్, 201 నుంచి 400 యూనిట్ల వరకు 50% సబ్సిడీ కొనసాగుతోంది.

▶

National· 18m ago

"RSS గూండాలకు సన్మానం".. ఆప్ ఫైర్

ఢిల్లీలో యువతులు, ప్రొటెస్ట్ చేస్తున్న యాక్టివిస్టులపై అనేక మంది గూండాలు దాడులు చేస్తున్నారు. వారంతా RSS గూండాలు అని ఆరోపిస్తున్న ఆమ్ ఆద్మీ పార్టీ.. వారికి పూలదండలతో సన్మానం చెయ్యడాన్ని ప్రశ్నించింది. ఢిల్లీ BJP ప్రభుత్వ పాలనలో ఇలాంటివే జరుగుతాయి అంటూ xలో వీడియో పోస్ట్ రిలీజ్ చేసింది. అందులో.. దాడులు చేసిన ఓ వ్యక్తికి, దండలు వేస్తున్న దృశ్యాలున్నాయి. దీనిపై మీరేమంటారు? మీ ఒపీనియన్ కామెంట్ చెయ్యండి.

National· 26m ago

దుర్గమ్మ ఫొటోతో బిర్యానీ యాడ్.. బెంగాల్‌లో రచ్చ!

పశ్చిమ బెంగాల్‌లోని హుగ్లీ జిల్లాలో ఓ బిర్యానీ షాప్ పోస్టర్ వివాదంగా మారింది. దుర్గమ్మ ఫొటో పక్కనే బిర్యానీ ప్లేట్ పెట్టడంతో కొందరు అభ్యంతరం చెప్పారు. ఈ పోస్టర్‌ను తీసేయాలని బీజేపీ ఎమ్మెల్యే దీపాంజన్ చక్రవర్తి డిమాండ్ చేశారు. దీంతో షాప్ ఓనర్ పోస్టర్లను తొలగించి, పోలీసులకు రాతపూర్వకంగా క్షమాపణ చెప్పారు. లిక్కర్ షాపులకు దేవుళ్ల పేర్లు పెట్టినప్పుడు లేని అభ్యంతరం, బిర్యానీ యాడ్ విషయంలోనే ఎందుకంటూ నెటిజన్లు సోషల్ మీడియాలో చర్చించుకుంటున్నారు.

▶

National· 40m ago

CJP పిలుపు.. జంతర్ మంతర్ మలుపు

ఈ ఉదయం "రీక్లెయిమ్ జంతర్ మంతర్" ప్రొటెస్ట్ నిర్వహించింది CJP. ఆ సంస్థ లీడర్లు జంతర్ మంతర్ లోకి దూసుకెళ్లారు. తిరిగి జంతర్ మంతర్‌ని స్వాధీనం చేసుకున్నామని ప్రకటించారు. వారి పిలుపుతో.. ఇవాళ ఢిల్లీ కన్నాట్ ప్లేస్‌లో యాక్టివిస్టులు ప్రొటెస్ట్, ర్యాలీ చేశారు. అనేక స్టూడెంట్ ఆర్గనైజేషన్ల సభ్యులు స్టేజ్ ప్రొటెస్ట్ చేశారు. జంతర్ మంతర్ ఏ ఒక్కరిదో కాదనీ, ఢిల్లీ మధ్యలో ఉన్న అది ప్రజలందరిదీ అని స్లోగన్స్ ఇచ్చారు. జంతర్ మంతర్ ప్రొటెస్ట్ సైట్ కాదు అని కేంద్రం నోటిఫై చెయ్యడాన్ని వారు బలంగా ఖండించారు.