పోలీస్ అధికార పరిధిలో బిగ్ రీ-ఆర్గనైజేషన్

By Govardhan· 1h ago· Hyderabad, Hyderabad

సంగారెడ్డి జిల్లా పోలీస్ అధికార పరిధిని పునర్వ్యవస్థీకరిస్తూ రాష్ట్ర ప్రభుత్వం కీలక నిర్ణయం తీసుకుంది. పరిపాలనా సౌలభ్యం, శాంతిభద్రతల సమర్థవంతమైన పర్యవేక్షణతో పాటు ప్రజలకు సత్వర పోలీస్ సేవలు అందించేందుకు కొత్త విభాగాలు, సర్కిళ్లు, PSలను ఏర్పాటు చేయనున్నారు. జిన్నారం సబ్‌డివిజన్, గుమ్మడిదల సర్కిల్, ఇస్నాపూర్ పోలీస్‌స్టేషన్‌ను కొత్తగా ఏర్పాటు చేయనున్నారు. గడ్డపోతారం PSను రద్దు చేయడంతోపాటు పటాన్‌చెరు ట్రాఫిక్ పోలీస్‌స్టేషన్ పేరును మార్చనున్నారు.

More in Local

Local· just now

అక్లూర్ గ్రామంలో ఘనంగా గాంధీ జయంతి

నిజామాబాద్ జిల్లా వేల్పూర్ మండలం అక్లూర్ గ్రామంలో గాంధీ జయంతి సందర్భంగా మహాత్మా గాంధీ చిత్రపటానికి పూలమాల వేసి ఘనంగా నివాళులర్పించారు. అనంతరం గ్రామ పంచాయతీ ఆధ్వర్యంలో గ్రామసభ నిర్వహించారు. ఈ సందర్భంగా గాంధీజీ ఆశయాలను స్మరించుకుంటూ గ్రామ అభివృద్ధి, ప్రజల సంక్షేమానికి సంబంధించిన పలు అంశాలపై చర్చించారు. VBG RAM G 2026–2027 కింద గ్రామంలో చేపట్టాల్సిన అభివృద్ధి పనులను గ్రామసభలో గుర్తించారు.

Local· 2m ago

వైఎస్సార్సీపీ ఆఫీస్‌లో గాంధీ, శాస్త్రి జయంతి

మహాత్మా గాంధీ, మాజీ ప్రధాని లాల్‌బహదూర్ శాస్త్రి జయంతి సందర్భంగా గుంటూరు జిల్లా మంగళగిరి నియోజకవర్గ వైఎస్సార్సీపీ కార్యాలయంలో వేడుకలు నిర్వహించారు. ఈ సందర్భంగా సమన్వయకర్త బుర్రముక్కు వేణుగోపాల సోమిరెడ్డి, మాజీ సమన్వయకర్త దొంతిరెడ్డి వేమారెడ్డి, పట్టణ అధ్యక్షుడు ఆకురాతి రాజేష్, గాంధీ, శాస్త్రి చిత్రపటాలకు పూలమాలలు వేసి నివాళులర్పించారు. గాంధీజీ పాటించిన సత్యం, అహింస, శాస్త్రి చూపిన నిజాయితీ, దేశసేవ నేటి తరానికి ఆదర్శమని నాయకులు తెలిపారు.

Local· 3m ago

మహిళా కాంగ్రెస్ జిల్లా అధ్యక్షురాలిగా కొత్తకోట్ల లక్ష్మీ

శ్రీకాకుళం జిల్లా మహిళా కాంగ్రెస్ అధ్యక్షురాలిగా కొత్తకోట్ల లక్ష్మీ ఎంపికయ్యారు. ఈ సందర్భంగా పార్టీ నాయకులు, కార్యకర్తలు ఆమెకు శుభాకాంక్షలు తెలిపారు. కొత్తకోట్ల లక్ష్మీ గతంలో ZPTC, MPTCగా పోటీ చేయడంతో పాటు రాహుల్ గాంధీతో కలిసి భారత్ జోడో యాత్రలో పాల్గొన్నారు. ఆమె ఎచ్చెర్ల నియోజకవర్గం నుంచి కాంగ్రెస్ MLA అభ్యర్థిగా పోటీ చేసిన సీనియర్ కాంగ్రెస్ నాయకుడు కొత్తకోట్ల సింహాద్రి నాయుడు సతీమణి.

మంగళగిరిలో సేవా సంకల్ప యాత్ర.. ఘనస్వాగతం

▶

Local· 7m ago

మంగళగిరిలో సేవా సంకల్ప యాత్ర.. ఘనస్వాగతం

ప్రధాని నరేంద్ర మోదీ 25 ఏళ్ల ప్రజా జీవితాన్ని పురస్కరించుకుని చేపట్టిన ‘సేవా సంకల్ప యాత్ర’కు గుంటూరు జిల్లా మంగళగిరిలో ఘన స్వాగతం లభించింది. తిరుపతి నుంచి ప్రారంభమైన ఈ యాత్ర మంగళగిరికి చేరుకోగా టీడీపీ కేంద్ర కార్యాలయం వద్ద టీడీపీ పొలిట్‌బ్యూరో సభ్యులు గుత్తికొండ ధనుంజయరావు, పిల్లి మాణిక్యాలరావు, MLA మొహమ్మద్ నసీర్, మాజీ ఎమ్మెల్సీ అశోక్‌బాబు, తదితరులు స్వాగతం పలికారు. ధనుంజయరావు మాట్లాడుతూ.. మోదీ ప్రజాసేవ ప్రస్థానం స్ఫూర్తిదాయకమని తెలిపారు.