మంగళగిరిలో సేవా సంకల్ప యాత్ర.. ఘనస్వాగతం

By KUCHIPUDI BUJJIBABU· 1h ago· Bhadravathi Nagar, Mangalagiri, Guntur

ప్రధాని నరేంద్ర మోదీ 25 ఏళ్ల ప్రజా జీవితాన్ని పురస్కరించుకుని చేపట్టిన ‘సేవా సంకల్ప యాత్ర’కు గుంటూరు జిల్లా మంగళగిరిలో ఘన స్వాగతం లభించింది. తిరుపతి నుంచి ప్రారంభమైన ఈ యాత్ర మంగళగిరికి చేరుకోగా టీడీపీ కేంద్ర కార్యాలయం వద్ద టీడీపీ పొలిట్‌బ్యూరో సభ్యులు గుత్తికొండ ధనుంజయరావు, పిల్లి మాణిక్యాలరావు, MLA మొహమ్మద్ నసీర్, మాజీ ఎమ్మెల్సీ అశోక్‌బాబు, తదితరులు స్వాగతం పలికారు. ధనుంజయరావు మాట్లాడుతూ.. మోదీ ప్రజాసేవ ప్రస్థానం స్ఫూర్తిదాయకమని తెలిపారు.

More in Local

Local· 15m ago

ఎల్‌నినో Effect: రోజూ 5 గంటలే వాటర్

తాండూరు మండలం కరణ్‌కోటలో వర్షాలు లేక ఎల్‌నినో ప్రభావం వల్ల రోజూ ఉదయం 6 నుంచి 11 గంటల వరకే వాటర్ సప్లై ఇస్తామని సర్పంచ్ రాజ్‌కుమార్ చెప్పారు. ప్రతి ఒక్కరూ 3 రోజుల్లో నల్లాలకు ఆన్, ఆఫ్ వాల్వ్స్‌ పెట్టుకోవాలని, లేకపోతే కనెక్షన్ కట్ చేస్తామని అన్నారు. ప్రతి ఇంట్లో ఇంకుడు గుంతలు తీసుకోవాలని, అంగన్‌వాడీల్లో ఇచ్చే పౌష్టికాహారాన్ని సరిగ్గా యూజ్ చేసుకోవాలని సూచించారు.

Local· 17m ago

అమ్మ వృద్ధాశ్రమంలో అన్నదానం

గుంటూరు జిల్లా మంగళగిరి మండలం యర్రబాలెంలోని అమ్మ వృద్ధాశ్రమంలో దివంగత తాడిబోయిన గంగాధర్ యాదవ్ 13వ వర్ధంతి సందర్భంగా శుక్రవారం అన్నదాన కార్యక్రమం నిర్వహించారు. గంగాధర్ యాదవ్ కుటుంబ సభ్యుల ఆధ్వర్యంలో మంగళగిరికి చెందిన యాదవ సంఘం నాయకులు ఈ కార్యక్రమాన్ని చేపట్టారు. ముఖ్యఅతిథిగా హాజరైన CPI నియోజకవర్గ కార్యదర్శి చిన్ని తిరుపతయ్య అన్నదాన కార్యక్రమాన్ని ప్రారంభించారు. ఆయన మాట్లాడుతూ.. గంగాధర్ యాదవ్ విద్యార్థి నాయకుడిగా సమస్యల పరిష్కారానికి కృషి చేయడంతో పాటు యాదవ సంఘం అభివృద్ధికి సేవలందించారని తెలిపారు.

Local· 19m ago

గాంధీ జీవితం అందరికీ ఆదర్శం: తలసాని

హైదరాబాద్ జిల్లా సికింద్రాబాద్‌లో గాంధీ జయంతి సందర్భంగా మాజీ మంత్రి, MLA తలసాని శ్రీనివాస్ యాదవ్ మహాత్మా గాంధీకి నివాళులర్పించారు. శుక్రవారం సికింద్రాబాద్ గాంధీ ప్రభుత్వ ఆసుపత్రి, MG రోడ్డులోని గాంధీ విగ్రహాలకు పూలమాలలు వేసి నివాళులర్పించారు. ఈ సందర్భంగా తలసాని మాట్లాడుతూ.. శాంతియుత మార్గంలో, హింసకు తావులేకుండా బ్రిటిష్ వారిని దేశం నుంచి వెళ్లగొట్టిన ఘనత మహాత్మా గాంధీకి దక్కుతుందని చెప్పారు. గాంధీ జీవితం ప్రతి ఒక్కరికీ ఆదర్శమని తెలిపారు.

Local· 21m ago

జిల్లాలో డ్రంకెన్ డ్రైవ్‌పై 914 కేసులు.. పోలీసుల యాక్షన్

నంద్యాల జిల్లా వ్యాప్తంగా రోడ్డు ప్రమాదాల నివారణ, ప్రజల భద్రత కోసం పోలీసులు విస్తృత ఎన్ఫోర్స్మెంట్ చేపట్టారు. SP సునీల్ షొరాణ్ ఆదేశాలతో సెప్టెంబర్ నెలలో డ్రంకెన్ డ్రైవ్‌పై 914 కేసులు, ఓపెన్ డ్రింకింగ్‌పై 1,204 కేసులు నమోదు చేశారు. మైనర్ డ్రైవింగ్‌పై 160 కేసులు నమోదు చేయడంతో పాటు రోడ్డు భద్రతపై 83 అవగాహన కార్యక్రమాలు నిర్వహించారు. హెల్మెట్, సీట్ బెల్ట్ తప్పనిసరిగా ఉపయోగించాలని, ట్రాఫిక్ నిబంధనలు పాటించాలని పోలీసులు సూచించారు.