వైఎస్సార్సీపీ ఆఫీస్‌లో గాంధీ, శాస్త్రి జయంతి

By KUCHIPUDI BUJJIBABU· 1h ago· Bhadravathi Nagar, Mangalagiri, Guntur

మహాత్మా గాంధీ, మాజీ ప్రధాని లాల్‌బహదూర్ శాస్త్రి జయంతి సందర్భంగా గుంటూరు జిల్లా మంగళగిరి నియోజకవర్గ వైఎస్సార్సీపీ కార్యాలయంలో వేడుకలు నిర్వహించారు. ఈ సందర్భంగా సమన్వయకర్త బుర్రముక్కు వేణుగోపాల సోమిరెడ్డి, మాజీ సమన్వయకర్త దొంతిరెడ్డి వేమారెడ్డి, పట్టణ అధ్యక్షుడు ఆకురాతి రాజేష్, గాంధీ, శాస్త్రి చిత్రపటాలకు పూలమాలలు వేసి నివాళులర్పించారు. గాంధీజీ పాటించిన సత్యం, అహింస, శాస్త్రి చూపిన నిజాయితీ, దేశసేవ నేటి తరానికి ఆదర్శమని నాయకులు తెలిపారు.

More in Local

Local· 14m ago

ఎల్‌నినో Effect: రోజూ 5 గంటలే వాటర్

తాండూరు మండలం కరణ్‌కోటలో వర్షాలు లేక ఎల్‌నినో ప్రభావం వల్ల రోజూ ఉదయం 6 నుంచి 11 గంటల వరకే వాటర్ సప్లై ఇస్తామని సర్పంచ్ రాజ్‌కుమార్ చెప్పారు. ప్రతి ఒక్కరూ 3 రోజుల్లో నల్లాలకు ఆన్, ఆఫ్ వాల్వ్స్‌ పెట్టుకోవాలని, లేకపోతే కనెక్షన్ కట్ చేస్తామని అన్నారు. ప్రతి ఇంట్లో ఇంకుడు గుంతలు తీసుకోవాలని, అంగన్‌వాడీల్లో ఇచ్చే పౌష్టికాహారాన్ని సరిగ్గా యూజ్ చేసుకోవాలని సూచించారు.

Local· 16m ago

అమ్మ వృద్ధాశ్రమంలో అన్నదానం

గుంటూరు జిల్లా మంగళగిరి మండలం యర్రబాలెంలోని అమ్మ వృద్ధాశ్రమంలో దివంగత తాడిబోయిన గంగాధర్ యాదవ్ 13వ వర్ధంతి సందర్భంగా శుక్రవారం అన్నదాన కార్యక్రమం నిర్వహించారు. గంగాధర్ యాదవ్ కుటుంబ సభ్యుల ఆధ్వర్యంలో మంగళగిరికి చెందిన యాదవ సంఘం నాయకులు ఈ కార్యక్రమాన్ని చేపట్టారు. ముఖ్యఅతిథిగా హాజరైన CPI నియోజకవర్గ కార్యదర్శి చిన్ని తిరుపతయ్య అన్నదాన కార్యక్రమాన్ని ప్రారంభించారు. ఆయన మాట్లాడుతూ.. గంగాధర్ యాదవ్ విద్యార్థి నాయకుడిగా సమస్యల పరిష్కారానికి కృషి చేయడంతో పాటు యాదవ సంఘం అభివృద్ధికి సేవలందించారని తెలిపారు.

Local· 19m ago

గాంధీ జీవితం అందరికీ ఆదర్శం: తలసాని

హైదరాబాద్ జిల్లా సికింద్రాబాద్‌లో గాంధీ జయంతి సందర్భంగా మాజీ మంత్రి, MLA తలసాని శ్రీనివాస్ యాదవ్ మహాత్మా గాంధీకి నివాళులర్పించారు. శుక్రవారం సికింద్రాబాద్ గాంధీ ప్రభుత్వ ఆసుపత్రి, MG రోడ్డులోని గాంధీ విగ్రహాలకు పూలమాలలు వేసి నివాళులర్పించారు. ఈ సందర్భంగా తలసాని మాట్లాడుతూ.. శాంతియుత మార్గంలో, హింసకు తావులేకుండా బ్రిటిష్ వారిని దేశం నుంచి వెళ్లగొట్టిన ఘనత మహాత్మా గాంధీకి దక్కుతుందని చెప్పారు. గాంధీ జీవితం ప్రతి ఒక్కరికీ ఆదర్శమని తెలిపారు.

Local· 21m ago

జిల్లాలో డ్రంకెన్ డ్రైవ్‌పై 914 కేసులు.. పోలీసుల యాక్షన్

నంద్యాల జిల్లా వ్యాప్తంగా రోడ్డు ప్రమాదాల నివారణ, ప్రజల భద్రత కోసం పోలీసులు విస్తృత ఎన్ఫోర్స్మెంట్ చేపట్టారు. SP సునీల్ షొరాణ్ ఆదేశాలతో సెప్టెంబర్ నెలలో డ్రంకెన్ డ్రైవ్‌పై 914 కేసులు, ఓపెన్ డ్రింకింగ్‌పై 1,204 కేసులు నమోదు చేశారు. మైనర్ డ్రైవింగ్‌పై 160 కేసులు నమోదు చేయడంతో పాటు రోడ్డు భద్రతపై 83 అవగాహన కార్యక్రమాలు నిర్వహించారు. హెల్మెట్, సీట్ బెల్ట్ తప్పనిసరిగా ఉపయోగించాలని, ట్రాఫిక్ నిబంధనలు పాటించాలని పోలీసులు సూచించారు.