స్మశాన వాటికలో 'స్వచ్ఛత సేవా

By Srikanth· 54m ago· Jagitial

జగిత్యాల సత్యసాయి సేవా సమితి ఆధ్వర్యంలో ఆదివారం సత్యహరిశ్చంద్ర స్మశాన వాటికలో 'స్వచ్ఛత సేవా' ప్రోగ్రామ్ నిర్వహించారు. పరిసరాలు, బాత్‌‌రూమ్‌లు, పూజా మండపాన్ని క్లీన్ చేసి పిచ్చిమొక్కలను తొలగించారు. అంత్యక్రియల టైమ్‌లో ఇబ్బంది కలగకుండా గద్దెల చుట్టూ కొత్తగా మెట్లు నిర్మించారు. పారిశుధ్య కార్మికులను, వార్డు కౌన్సిలర్ ACS రాజును సన్మానించారు. ఈ సేవల్లో కన్వీనర్ రాజేందర్, సభ్యులు పాల్గొన్నారు.

More in Local

Local· 2m ago

60 వేల మందికి అల్పాహారం.. కమ్యూనిటీ కిచెన్

సూర్యాపేట జిల్లాలో రూ.9.60 కోట్లతో కమ్యూనిటీ కిచెన్ రాబోతోంది. మునగాల మండలంలో నిర్మిస్తారు. జిల్లాలోని 1,029 పాఠశాలలు, జూనియర్ కళాశాలల్లోని 60 వేల మంది విద్యార్థులకు ప్రతిరోజూ అల్పాహారం అందుతుంది. అక్టోబర్ 6న ఉప ముఖ్యమంత్రి భట్టి విక్రమార్క, మంత్రి ఉత్తమ్ కుమార్ రెడ్డి శంకుస్థాపన చేయనున్నారు. ఒకే కేంద్రం నుంచి ఆహారం తయారీ, ప్యాకింగ్, రవాణా, పంపిణీ జరుగుతుంది.

Local· 6m ago

పిడుగు పడి గేదె మృతి

అన్నమయ్య జిల్లా రాయచోటి మండలం దిగువ అబ్బవరం గ్రామం దిగువ ఇందుకూరుపల్లెలో ఆదివారం పిడుగు పడటంతో సంబా రమణమ్మకు చెందిన గేదె మృతి చెందింది. చెట్టు కింద గేదెను కట్టివేసి ఉండగా ఒక్కసారిగా పిడుగు పడటంతో అక్కడికక్కడే మృతి చెందింది. గేదె మృతితో సుమారు 1 లక్ష వరకు నష్టం వాటిల్లిందని మహిళా రైతు రమణమ్మ తెలిపారు. ప్రభుత్వం నష్టపరిహారం అందించి ఆదుకోవాలని ఆమె కోరారు.

Local· 7m ago

సుద్ధ వాగులో యథేచ్చగా ఇసుక తవ్వకాలు

నిర్మల్ జిల్లా నర్సాపూర్ మండలం మోతక్‌పల్లి గ్రామ శివారులోని సుద్ధవాగులో ఇసుక అక్రమ రవాణా యథేచ్ఛగా సాగుతున్నట్లు స్థానికులు ఆరోపిస్తున్నారు. భైంసా రూరల్, కుంటాల, నర్సాపూర్ మండలాల సరిహద్దులకు సమీపంలో ఉండటంతో అక్రమార్కులు ఆసరాగా చేసుకుంటున్నారని చెబుతున్నారు. వాగులో దాదాపు 5మీటర్ల లోతు వరకు ఇసుకను తవ్వుతున్నట్లు తెలిపారు. శనివారం రెవెన్యూ అధికారులు దాడులు చేసినా ఆదివారం సెలవు రోజు కావడంతో ఇసుక తవ్వకాలు చేస్తున్నారని స్థానికులు తెలిపారు.

Local· 12m ago

సమరభేరి సభ వాల్ పోస్టర్ల ఆవిష్కరణ

మహబూబ్‌నగర్ జిల్లా జడ్చర్ల నియోజకవర్గం నవాబుపేట మండలంలో బీఎస్పీ నాయకులు బహుజన రాజ్యాధికార సమరభేరి సభకు సంబంధించిన వాల్ పోస్టర్లు ఆవిష్కరించారు. బీఎస్పీ వ్యవస్థాపకులు మాన్యవర్ కాన్షీరాం 20వ వర్ధంతి సందర్భంగా అక్టోబర్ 9న హైదరాబాద్ బడంగ్‌పేట్ మున్సిపల్ గ్రౌండ్‌లో ఈ సభ నిర్వహించనున్నారు. బహుజన రాజ్యాధికార సమరభేరి సభకు బహుజనులు పెద్ద సంఖ్యలో తరలివచ్చి విజయవంతం చేయాలని వారు కోరారు. కార్యక్రమంలో నవాబుపేట మండల అధ్యక్షులు సూర్య నాయక్‌తో తదితరులున్నారు.