ఇసుక ట్రాక్టర్ల నుంచి అక్రమ వసూళ్లు

By Kamal· 1h ago· Vikarabad

బషీరాబాద్ మండలం నావంద్గి కాగ్నా నది నుంచి ఇసుక తరలింపునకు ఆన్‌లైన్ పర్మిషన్లు ఉన్నా గుడి పేరు చెప్పి ట్రాక్టర్‌కు 1,000 రూపాయలు ఎక్స్‌ట్రా డిమాండ్ చేస్తున్నారని బాధితులు ఆరోపించారు. గత ఐదేళ్లుగా ఈ వసూళ్లు జరుగుతున్నాయని బషీరాబాద్ తహసీల్దార్ ఆఫీస్ ముందు ధర్నా చేశారు. పర్మిషన్ ఉన్నా ట్రాక్టర్లను అడ్డుకోవడంపై ఎంక్వైరీ చేసి యాక్షన్ తీసుకోవాలని తహసీల్దార్‌కి కంప్లైంట్ ఇచ్చారు.

More in Local

Local· just now

దళిత మహిళపై దాడి.. నిందితులను శిక్షించాలి

రంగారెడ్డి జిల్లా నోముల గ్రామంలో మూఢనమ్మకాల పేరుతో దళిత మహిళ పలాటి వెంకటమ్మ పై 17 మంది దాడి చేసిన ఘటనను 'కుల అసమానతల నిర్మూలన పోరాట సమితి' నాయకులు పరిశీలించారు. బాధితురాలిని ఇంట్లో నుంచి లాక్కొచ్చి కొడుతూ, వేపచెట్టుకు కట్టేసి దాడి చేశారని ఆవేదన వ్యక్తం చేశారు. చేతబడి పేరుతో దళితులపై దాడులు చేయడం దారుణమని, నిందితులను కఠినంగా శిక్షించాలని డిమాండ్ చేశారు.

▶

Local· 4m ago

నేలకొండపల్లిలో వన్యప్రాణి వారోత్సవాలు

ఖమ్మం జిల్లా నేలకొండపల్లి చెరువుమాదారం క్రాస్‌రోడ్డు వద్ద ఫారెస్ట్ సెక్షన్ ఆఫీసర్ డేనియల్ ఆధ్వర్యంలో వన్యప్రాణి వారోత్సవాలు నిర్వహించారు. ప్రకృతి సమతుల్యతకు అడవులు, వన్యప్రాణులు ఎంతో కీలకమని, వాటిని కాపాడుకోవడం అందరి బాధ్యత అని అధికారులు చెప్పారు. అడవుల్లో అక్రమ వేట ఆడకుండా వన్యప్రాణులను సంరక్షించడంలో ప్రజలు ఫారెస్ట్ డిపార్ట్‌మెంట్‌కి సహకరించాలని కోరారు. ఈ కార్యక్రమంలో అటవీ సిబ్బంది, స్థానికులు పాల్గొన్నారు.

Local· 8m ago

బ్రెయిన్ స్ట్రోక్‌తో చికిత్స పొందుతున్న రాజారావు

తూర్పు గోదావరి జిల్లా గోకవరం మండలం కామరాజుపేటకు చెందిన జనసేన నేత, సీనియర్ జర్నలిస్ట్ గుల్లంపూడి ఆనంద్ తండ్రి రాజారావు ఇటీవల బ్రెయిన్ స్ట్రోక్‌తో రాజమండ్రి ఆస్పత్రిలో చేరారు. విషయం తెలుసుకున్న జగ్గంపేట జనసేన ఇన్‌ఛార్జ్ తుమ్మలపల్లి రమేష్ ఆస్పత్రికి వెళ్లి ఆయనను పరామర్శించారు. డాక్టర్లతో మాట్లాడి హెల్త్ కండిషన్ అడిగి తెలుసుకున్నారు. రాజారావు త్వరగా కోలుకోవాలని కోరుకుంటూ కుటుంబానికి అన్నివేళలా అండగా ఉంటామని భరోసానిచ్చారు.

Local· 13m ago

భూపాలపల్లిలో జాతీయ పోషణ మాసోత్సవాలు

భూపాలపల్లి CDPO ఆఫీస్‌లో 9వ జాతీయ పోషణ మాసోత్సవాలు జరిగాయి. ఈ ప్రోగ్రామ్‌లో మున్సిపల్ వైస్ చైర్మన్ అంబాల శ్రీనివాస్, జిల్లా సంక్షేమాధికారి మల్లేశ్వరి పాల్గొన్నారు. తల్లులు, పిల్లల్లో అనీమియా (రక్తహీనత) తగ్గించేలా అవేర్‌నెస్ తేవాలని సూచించారు. గర్భం దాల్చినప్పటి నుంచి బిడ్డకు రెండేళ్ల వయస్సు వరకు తొలి 1,000 రోజులు చాలా కీలకమని, పౌష్టికాహారంతో పాటు పరిశుభ్రత పాటించాలని చెప్పారు.