నేలకొండపల్లిలో వన్యప్రాణి వారోత్సవాలు

By Srinivasarao· 1h ago· Khammam

ఖమ్మం జిల్లా నేలకొండపల్లి చెరువుమాదారం క్రాస్‌రోడ్డు వద్ద ఫారెస్ట్ సెక్షన్ ఆఫీసర్ డేనియల్ ఆధ్వర్యంలో వన్యప్రాణి వారోత్సవాలు నిర్వహించారు. ప్రకృతి సమతుల్యతకు అడవులు, వన్యప్రాణులు ఎంతో కీలకమని, వాటిని కాపాడుకోవడం అందరి బాధ్యత అని అధికారులు చెప్పారు. అడవుల్లో అక్రమ వేట ఆడకుండా వన్యప్రాణులను సంరక్షించడంలో ప్రజలు ఫారెస్ట్ డిపార్ట్‌మెంట్‌కి సహకరించాలని కోరారు. ఈ కార్యక్రమంలో అటవీ సిబ్బంది, స్థానికులు పాల్గొన్నారు.

More in Local

Local· 10m ago

కానవరంలో జనసేన ఆత్మీయ సమావేశం

రాజానగరం మండలం కానవరంలో ఎమ్మెల్యే బత్తుల బలరామకృష్ణ ఆధ్వర్యంలో జనసేన నాయకులు, వీరమహిళల ఆత్మీయ సమావేశం జరిగింది. స్థానిక సంస్థల ఎన్నికల్లో కూటమి విజయమే లక్ష్యంగా నాయకులు, కార్యకర్తలు సమన్వయంతో పనిచేసి ప్రభుత్వ సంక్షేమ పథకాలను ప్రజల్లోకి తీసుకెళ్లాలని ఎమ్మెల్యే పిలుపునిచ్చారు. మహిళలు ఎన్నికల్లో కీలక పాత్ర పోషించాలని బత్తుల వెంకటలక్ష్మి కోరారు. ఈ కార్యక్రమంలో జనసైనికులు పాల్గొన్నారు.

Local· 13m ago

హిందూపురం ప్రభుత్వ ఆసుపత్రికి గుర్తింపు

స్వచ్ఛ ఆంధ్ర అవార్డ్స్–2026లో హిందూపురం ప్రభుత్వ ఆసుపత్రికి 'స్వచ్ఛ ప్రభుత్వ ఆసుపత్రి'గా అవార్డు రావడంపై శానిటేషన్ సిబ్బందిని సన్మానించారు. ఈ కార్యక్రమంలో ఎమ్మెల్యే బాలకృష్ణ, సూపరింటెండెంట్ AKTAB, HDS సభ్యులు రమణ, ప్రభు కుమార్, చింటూ పాల్గొన్నారు. ఇదే సమయంలో ఆస్పత్రిలో జనరల్, మానసిక వ్యాధుల, బ్లడ్ డొనేషన్ వార్డులను కూడా ప్రారంభించారు.

Local· 16m ago

YCP సమన్వయకర్తకు సన్మానం

గుంటూరు జిల్లా దుగ్గిరాల మండలం ఈమని గ్రామ YCP కాంగ్రెస్ పార్టీ అధ్యక్షుడు పిల్లి ధర్మరత్నం ఆధ్వర్యంలో నియోజకవర్గ సమన్వయకర్త వేణుగోపాల సోమిరెడ్డిని కలిశారు. ఆయనను సత్కరించి శుభాకాంక్షలు తెలిపారు. అనంతరం నియోజకవర్గంలో పార్టీ బలోపేతం, స్థానిక కార్యక్రమాల నిర్వహణపై చర్చించారు. ఈ కార్యక్రమంలో పార్టీ నాయకులు, కార్యకర్తలు పాల్గొన్నారు.

▶

Local· 24m ago

మంగళగిరిలో వ్యాపారులకు ఇబ్బందులు

మంగళగిరి పాత బస్టాండ్ సెంటర్‌లో రోడ్డు మార్జిన్లను ఆక్రమించి వాహనాలను అడ్డంగా నిలుపుతుండటంతో స్థానిక వ్యాపారులు, ప్రజలు తీవ్ర ఇబ్బందులు పడుతున్నారు. దుకాణాల ముందే వాహనాలు పార్క్ చేయడంతో వ్యాపారం దెబ్బతింటోందని, రాకపోకలకు కూడా అంతరాయం కలుగుతోందని షాప్ నిర్వాహకురాలు నందిని ఆవేదన వ్యక్తం చేశారు. మున్సిపల్, పోలీస్ అధికారులు స్పందించి అక్రమ పార్కింగ్‌‌పై చర్యలు తీసుకోవాలని కోరారు.