బొంబాయి పొట్టేలు – కథల పుస్తకం

By Vishi· 1d ago

కథకుడు, చిత్రకారుడు చరణ్ పరిమి రాసిన రెండో కథల పుస్తకం ‘బొంబాయి పొట్టేలు’. రేగి అచ్చులు ప్రచురణ సంస్థ దీన్ని ప్రచురించింది. అబ్‌స్ట్రాక్ట్, సర్రియల్ టచ్‌తో సాగే ఈ కథలు సమాజంలోని అనేక కోణాలను కొత్తగా చూపిస్తాయి. అసమానతలు, వివక్ష, మనుగడ పోరాటాలను ఎదుర్కొనే పాత్రలు ఈ కథల్లో కనిపిస్తాయి. ఈ పుస్తకానికి రచయిత డా.వేంపల్లె షరీఫ్ ముందుమాట రాశారు. రచయిత చరిత్రను, ఆధిపత్య సంస్కృతి రాజకీయాలను అర్థం చేసుకుని రచయిత ఈ కథలు రాశారని ఆయన వివరించారు. దీని ధర రూ.170. పుస్తకం కొనే <a href="https://amzn.in/d/0dDm8w3U">లింక్</a>.

More in Arts/Literature

Arts/Literature· 12h ago

బడుగు జీవుల గురించి చెప్పే బలమైన కథలు

సదానంద్ శారదగా ప్రసిద్ధులైన పాకాల సదానంద్‍ తెలంగాణలో పేరెన్నికగన్న కథకుడు. ‘జాడీ’ కథతో ప్రజాదరణ పొందిన ఆయన దాదాపు 150 కథల వరకు రాశారు. ఆయన కథలను ‘సదానంద్ శారద కథలు’ పేరిట నవచేతన ప్రచురణ సంస్థ కథాసంపుటిగా తీసుకొచ్చింది. ఆకలి, దారిద్ర్ర్యం, వెట్టిచాకిరీ, అవమానాలు, ఆత్మహత్యలతో ముగిసిన జీవితాల గురించి లోతైన తాత్వికత ఈ కథల్లో ఉంటుంది. బడుగు జీవులు బానిస సంకెళ్లను తెంచుకొని స్వేచ్ఛగా బతకడం ఆయన కథల్లో కనిపిస్తుంది. పుస్తకం ధర 180 రూపాయలు. కొనే <a href="https://newvishalandhrabooks.com/product/sadanand-sarada-kathalu-%E0%B0%B8%E0%B0%A6%E0%B0%BE%E0%B0%A8%E0%B0%82%E0%B0%A6%E0%B1%8D-%E0%B0%B6%E0%B0%BE%E0%B0%B0%E0%B0%A6-%E0%B0%95%E0%B0%A5%E0%B0%B2%E0%B1%81/">లింక్</a>.

Arts/Literature· 18h ago

సోపతిగాళ్ల సంగతులన్నీ నిండిన కథలు

కరీంనగర్ జిల్లాలో గడిచిన రచయిత విశ్వరూప్ వేముల బాల్యాన్ని అచ్చంగా చెప్పే కథలివి. ‘దొర గారి బావి’, ‘చింతచెట్టు కింద గోలీలాట’, ‘కొత్త బ్యాటు కిరికెట్టు’, ‘ప్రోగ్రెస్ కార్డ్’, ‘ఊరు చివర సినిమా హాలు’.. ఇందులోని ప్రతి కథా తన స్నేహితులతో ముడివేసిందే. అందుకే దీనికి ‘సోపతిగాళ్లు’(స్నేహితులు) అని పేరు పెట్టారు. 1995-2005 మధ్య పుట్టినవాళ్లందరికీ ఇందులోని అనుభవాలు పరిచయమే. కథలకు తగ్గ అందమైన బొమ్మలు ఇందులో ఉన్నాయి. పుస్తకం వెల 180 రూపాయలు. కొనే <a href="https://amzn.in/d/0dvJiw3a">లింక్</a>.

Arts/Literature· 1d ago

"నెత్తుటి గాయాల సీమ సాక్షిగా".. ప్రకాష్ రాజ్‌తో ఈవెంట్!

హైదరాబాద్ బషీర్ బాగ్ ప్రెస్ క్లబ్‌లో అక్టోబర్ 8న 6PMకు బుక్ లాంచ్ ఈవెంట్ జరగనుంది. K.సంధ్య రాసిన "నెత్తుటి గాయాల సీమ సాక్షిగా" అనే బుక్‌ను ఈ ప్రోగ్రామ్‌లో లాంచ్ చేయనున్నారు. ఈ ఈవెంట్‌కి యాక్టర్ ప్రకాష్ రాజ్ మెయిన్ స్పీకర్‌గా అటెండ్ అవుతున్నారు. హైదరాబాద్ బుక్ ట్రస్ట్, కాలం గుండె చప్పుడు సంయుక్తంగా నిర్వహిస్తున్న ఈ ప్రోగ్రామ్‌లో బుక్ రీడింగ్‌తో పాటు స్పెషల్ విజువల్ ప్రజెంటేషన్ కూడా ఉంటుంది. పూర్తి డీటైల్స్ కోసం 9381559238ను కాంటాక్ట్ చేయవచ్చు.

Arts/Literature· 2d ago

తెలంగాణ తొలితరం కథకుడి కథా సంకలనం

తెలంగాణ తొలి తరం కథకుడైన నందగిరి వెంకటరావు కథలను వెతికి పట్టుకుని ‘మొహబ్బత్’ పేరిట సమగ్ర కథాసంకలనం వెలువరించారు పరిశోధకుడు, రచయిత సంగిశెట్టి శ్రీనివాస్. వెంకటరావు కథలు భారతి, ఉదయిని, కృష్ణాపత్రిక, సమదర్శిని, సుజాత, గోలకొండ లాంటి అనేక పత్రికల్లో అచ్చయ్యాయి. 1936 తర్వాత ఆయన కథలు రాయడం మానేశారు. ఆయన రాసిన 30 కథలను సేకరించి ప్రస్తుతం పుస్తకంగా తీసుకొచ్చారు. పుస్తకం ధర 500 రూపాయలు. కొనే <a href="https://www.telugubooks.in/products/mohabbath-nandagiri-venkatrao-kathalu?srsltid=AU7gw4UVLbkSxpUOzL8W69Gyd6J7jzx1sn8S_-Hqyl5hb81hcfa0OAdw">లింక్</a>.