మంగళగిరిలో కరాటే పోటీలు ప్రారంభం

గుంటూరు జిల్లా మంగళగిరిలో జపాన్ స్టూడియో ఆధ్వర్యంలో కరాటే పోటీలు ప్రారంభమయ్యాయి. ఈ పోటీల్లో ఆంధ్రప్రదేశ్‌తో పాటు తెలంగాణ, కర్ణాటక రాష్ట్రాలకు చెందిన కరాటే క్రీడాకారులు పాల్గొంటున్నారు. వివిధ విభాగాల్లో చిన్నారులు, యువత ఉత్సాహంగా పోటీపడుతూ తమ ప్రతిభను ప్రదర్శిస్తున్నారు. కరాటే సాధనతో ఆత్మవిశ్వాసం, క్రమశిక్షణ, శారీరక దారుఢ్యం పెరుగుతాయని నిర్వాహకులు తెలిపారు. మూడు రాష్ట్రాల నుంచి క్రీడాకారులు తరలిరావడంతో పోటీలు ఆసక్తికరంగా సాగుతున్నాయని చెప్పారు.