పంట కాలువలోకి మురుగునీరు.. కుంచనపల్లిలో ఆందోళన!

By KUCHIPUDI BUJJIBABU· 52m ago· Salivahanapeta, Mangalagiri, Guntur

గుంటూరు జిల్లా తాడేపల్లి రూరల్ కుంచనపల్లిలో ఆందోళన రేగింది. ఎల్ఎం వెంచర్స్ విల్లాస్ నుంచి మురుగునీటిని పంట కాలువలోకి మళ్లిస్తున్నారని ఆరోపణలు వస్తున్నాయి. గత మూడు రోజులుగా 500 అడుగుల మేర ఆరు అంగుళాల పైప్‌లైన్ వేశారు. మురుగునీటిని కాలువలోకి మళ్లిస్తున్నట్లు స్థానికులు చెబుతున్నారు. కాలువ ఇప్పటికే అపార్ట్‌మెంట్ వ్యర్థాలతో కలుషితమవ్తోంది. దిగువ గ్రామాల్లో సాగునీరు కలుషితమయ్యే ప్రమాదం ఉందని, మున్సిపల్ అధికారులు స్పందించి పరిశీలించాలని కోరుతున్నారు.

More in Local

Local· just now

బాల కార్మికుడు రామయ్య కుటుంబానికి ఇంటి పట్టా!

నెల్లూరు జిల్లా నర్రవాడలో బాల కార్మికుడు రామయ్య కుటుంబానికి శుభవార్త. జిల్లా కలెక్టర్ హిమాంశు శుక్లా ఆదేశాల మేరకు తహసీల్దార్ నాగరాజు నివేశ స్థల పట్టాను మంజూరు చేశారు. సోషల్ మీడియాలో వైరల్ అయిన గొర్రెల కాపరి బాలుడు రామయ్యను మంత్రి నారా లోకేష్ చొరవతో అధికారులు సురక్షితంగా తీసుకొచ్చారు. 24 గంటల్లో తల్లిదండ్రుల చెంతకు చేర్చారు. రామయ్య చదువుకుంటానని చెప్పడంతో రెసిడెన్షియల్ స్కూల్లో చేర్చేందుకు ఏర్పాట్లు చేశారు.

Local· 2m ago

మంగళగిరి YCP సమన్వయకర్తగా సోమిరెడ్డి!

గుంటూరు జిల్లా మంగళగిరిలో YCP కీలక నియామకం జరిగింది. పార్టీ అధినేత వైఎస్ జగన్ ఆదేశాల మేరకు బుర్రముక్కు వేణుగోపాల సోమిరెడ్డిని మంగళగిరి అసెంబ్లీ నియోజకవర్గ సమన్వయకర్తగా నియమించారు.ఈ మేరకు హెడ్డాఫీసుకు వెళ్లి ముఖ్య నాయకత్వాన్ని కలిసి ధన్యవాదాలు చెప్పారు. ఈ కార్యక్రమంలో మైనారిటీ విభాగం ప్రధాన కార్యదర్శి మహమ్మద్ గోరేబాబు, కేవీఆర్ చారిటబుల్ ట్రస్ట్ చైర్మన్ కళ్లం రాజశేఖర్‌రెడ్డి, జిల్లా ప్రధాన కార్యదర్శి ఈదులమూడి డేవిడ్‌రాజు పాల్గొన్నారు.

Local· 8m ago

జాబ్ డ్రైవ్లో అరకు విద్యార్థినుల ప్రతిభ.. SBIలో ఉద్యోగాలు!

అల్లూరి సీతారామరాజు జిల్లా అరకులోయ ప్రభుత్వ మహిళా డిగ్రీ కళాశాల పూర్వ విద్యార్థినులు జాబ్ డ్రైవ్లో ప్రతిభ కనబరిచారు. జవహర్ నాలెడ్జ్ సెంటర్ ఆధ్వర్యంలో బుధవారం నిర్వహించిన డ్రైవ్కు 16 మంది హాజరయ్యారు. కె. నాగశ్రీ, బి. శైలజ, కె. దుర్గ, కె. సౌజన్య.. వీరంతా SBIలో ఉద్యోగాలకు ఎంపికయ్యారు. గురువారం విధుల్లో చేరారు. ప్రిన్సిపాల్ డా. ఆర్. కుసుమకుమారి, అధ్యాపకులు, సిబ్బంది వారిని అభినందించారు.

Local· 10m ago

పల్లెనిద్ర కార్యక్రమం.. తాడేపల్లిలో పోలీసుల భద్రత!

గుంటూరు జిల్లా తాడేపల్లి మండలం మెల్లెంపూడిలో పల్లెనిద్ర కార్యక్రమం జరిగింది. గ్రామాల్లో శాంతిభద్రతలు పటిష్టం చేయడమే ఈ కార్యక్రమం లక్ష్యమని ఎస్ఐ ఖాజావలి అన్నారు. జిల్లా ఎస్పీ వకుల్ జిందాల్ ఆదేశాల మేరకు ఈ కార్యక్రమం నిర్వహించారు. నార్త్ సబ్ డివిజన్ డీఎస్పీ సీహెచ్ మురళీకృష్ణ పర్యవేక్షణలో, సీఐ వీరేంద్రబాబు ఆధ్వర్యంలో జరిగింది. రాత్రివేళ అవాంఛనీయ ఘటనలు జరగకుండా భద్రత కల్పిస్తున్నారు.ప్రజలకు పోలీసులు చేరువగా ఉండటమే ఈ కార్యక్రమం ఉద్దేశ్యమన్నారు.