ఈ దాడులేంటి? రచ్చ రచ్చ

By Krishna· 1h ago· X

AP: ఆంధ్రప్రదేశ్‌‌లో స్థానిక ఎన్నికలు అనగానే.. కత్తులు నెత్తురు చిందుతున్నాయి, రాళ్లు తలలు పగలగొడుతున్నాయి. కర్రలు ఇంతెత్తున లేస్తున్నాయి. హింస రాజ్యమేలుతోంది. కడప.. గాంధీ నగర్ నామినేషన్ సెంటర్ దగ్గర తీవ్ర ఉద్రిక్త పరిస్థితి ఏర్పడింది. YCP అభ్యర్థి గుంటి నాగేంద్రపై దాడి చేసి, నామినేషన్ పత్రాలను చింపేశారు TDP కార్యకర్తలు. ఇంత హింస జరుగుతుంటే.. పోలీసులు ఎందుకు చర్యలు తీసుకోవట్లేదనే ప్రశ్నలొస్తున్నాయి. అభ్యర్థులకు రక్షణ కల్పించాల్సిన బాధ్యతల్ని పోలీసులు మర్చిపోతున్నారా అని YCP ప్రశ్నిస్తోంది.

More in AP

▶

AP· just now

కడప.. జిల్లా బద్వేలులో ఘర్షణ

AP: ఆంధ్రప్రదేశ్‌ స్థానిక సంస్థల ఎన్నికల్లో తీవ్ర ఘర్షణలు జరుగుతున్నాయి. కడప జిల్లా బద్వేల్ మున్సిపల్ ఆఫీసులో TDP, YCP కార్యకర్తలు గొడవకు దిగారు. నామినేషన్ వేసేందుకు ముందుగా తాము వచ్చామంటే, తాము వచ్చామని ఘర్షణ పడ్డారు. పోలీసుల ముందే కొట్టుకునే పరిస్థితి వచ్చింది. వారిని అదుపు చెయ్యడానికి పోలీసులకు అరగంట పట్టింది. ఇలా అనేక ప్రాంతాల్లో ఘర్షణలు జరుగుతుండటం ఆందోళన కలిగిస్తోంది. అసలు ఈ ఎన్నికలు ప్రశాంతంగా జరుగుతాయా అనే సందేహాలు తలెత్తుతున్నాయి.

AP· 17m ago

AP హైకోర్టులో YCP పిటిషన్

AP: తిరుపతి, కడప, పులివెందులలో తమ అభ్యర్థులపై TDP గూండాలు దాడులు, హింసకు పాల్పడ్డారని ఆరోపిస్తూ.. YCP ఏపీ హైకోర్టులో హౌస్ మోషన్ పిటిషన్ వేసింది. నామినేషన్ కేంద్రాలు, పోలింగ్ కేంద్రాల దగ్గర పారా మిలిటరీ ఫోర్స్‌ని ఏర్పాటు చెయ్యాలని కోరింది. పోలీసులు ఉన్నా.. పట్టించుకోవట్లేదనీ, రక్షణ కల్పించట్లేదని పిటిషన్‌లో కంప్లైంట్ చేసింది. సీసీ కెమెరాలు, వెబ్ కాస్టింగ్‌పై సింగిల్ బెంచ్ ఇచ్చిన తీర్పును కూడా YCP సవాల్ చేసింది.

AP· 45m ago

TDP, జనసేన మధ్య రచ్చ

AP: ఆంధ్రప్రదేశ్, NTR జిల్లా, తిరువూరు మున్సిపల్ ఛైర్మన్ అభ్యర్థి విషయంలో TDP, జనసేన మధ్య తీవ్ర విభేదాలు బయటపడ్డాయి. పొత్తు సర్దుబాట్లలో భాగంగా.. తిరువూరు స్థానం జనసేనకు దక్కింది. ఆ ప్రకారం ఆ పార్టీ తమ అభ్యర్థిగా మాధవి పేరును ప్రకటించింది. ఐతే.. ఇది ఏమాత్రం నచ్చని TDP MLA కొలికపూడి శ్రీనివాసరావు.. తన తరపున నాగ శ్రావణిని అభ్యర్థిగా ప్రకటించారు. ఇది రచ్చ రేపుతోంది. TDP హైకమాండ్ నిర్ణయాన్నే కొలికపూడి సవాల్ చేసినట్లైంది. మరి చంద్రబాబు ఎలా స్పందిస్తారన్నది తేలాల్సిన అంశం.

▶

AP· 2h ago

రణరంగమైన పులివెందుల (Video)

AP: కడప జిల్లా.. పులివెందుల నామినేషన్ కేంద్రం రణరంగమైంది. TDP, YCP కార్యకర్తలు కొట్టుకోవడం మొదలుపెట్టారు. పోలీసులు వారిస్తున్నా పరిస్థితి అదుపులోకి రాలేదు. దాంతో గాలిలోకి కాల్పులు జరిపారు. మున్సిపాలిటీలు, కార్పొరేషన్లకు అక్టోబర్ 16న ప్రారంభమైన నామినేషన్ ప్రక్రియ 18 వరకూ కొనసాగనుంది. ఐతే.. ఎక్కడికక్కడ జరుగుతున్న దాడులు ఉద్రిక్తతలను పెంచుతున్నాయి. ఇప్పుడే ఇలా ఉంటే.. పోలింగ్ ఎలా జరుగుతుందో అని ప్రజలు ఆందోళన చెందుతున్నారు.