SIRపై ద్వంద్వ నీతి.. కేరళంలో బీజేపీ నిరసన

By Vishi· 1h ago· X

SIR ప్రక్రియ విషయంలో కాంగ్రెస్ అనుసరిస్తున్నది ద్వంద్వ నీతి అని BJP అంటోంది. కేరళ అసెంబ్లీ ఎన్నికల్లో గెలిచినప్పుడు లేని అభ్యంతరం ఇప్పుడెందకంటూ BJP నిరసన బాట పట్టింది. కేరళం సీఎం వి.డి. సతీశన్, రాహుల్ గాంధీలే లక్ష్యంగా BJP వీధిపోరాటాలకు పిలుపునిచ్చింది. కేరళలో UDF అధికారం చేపట్టిన ఎన్నికల ప్రక్రియను స్వాగతించిన కాంగ్రెస్ నాయకత్వం, ECI చేపట్టిన SIR ప్రక్రియను, CEC చర్యలను ప్రశ్నించడంపై బీజేపీ నాయకులు మండిపడుతున్నారు.

More in National

National· 2m ago

'ఇండియా' (INDIA) కూటమిపై సుప్రీం సీరియస్

SIR ప్రక్రియను సవాల్ చేస్తూ, అక్టోబర్ 12న ప్రతిపక్ష నేత రాహుల్ గాంధీ, 'ఇండియా' (INDIA) కూటమి నేతలు పార్లమెంటు నుంచి సుప్రీంకోర్టు వరకు నిరసన ర్యాలీ నిర్వహించారు. ఆ టైంలో భారీ జనసమూహం సుప్రీంకోర్టు ప్రాంగణంలోకి ప్రవేశించడంపై సుప్రీం తీవ్రంగా స్పందించింది. న్యాయస్థానాన్ని ఒత్తిడికి గురిచేసేలా, భయపెట్టేలా వ్యవహరించడాన్ని తీవ్రంగా పరిగణిస్తామని చెప్పింది. ఈ పరిణామాలపై రాహుల్ గాంధీతోపాటు కూటమి నేతలకు సుప్రీం నోటీసులు జారీ చేసింది.

National· 9m ago

మహిళా జర్నలిస్టుకు లైంగిక వేధింపులు.. సుప్రీం సీరియస్

SIRకు వ్యతిరేకంగా ఢిల్లీలో జరిగిన నిరసనలో ACP వివేక్ భగత్ తనపై లైంగిక వేధింపులకు పాల్పడ్డాడని ఒక మహిళా జర్నలిస్టు కంప్లైంట్ చేశారు. ఆమె తనపై కులవివక్ష కామెంట్స్ చేశారని వివేక్ భగత్ కూడా కంప్లైంట్ చేశారు. ఈ అంశాన్ని సుప్రీంకోర్టు తీవ్రంగా పరిగణించింది. ఆమెపై నమోదు చేసిన ఎస్సీ/ఎస్టీ చట్టం కేసులో అరెస్ట్ చేయకూడదని పోలీసులను ఆదేశించింది. విలేకరి చేసిన లైంగిక వేధింపుల ఫిర్యాదు తీవ్రమైనదని భావించిన కోర్టు, దీనిపై విచారణ పూర్తి చేయాలని చెప్పింది.

National· 13m ago

అంకితా కేసులో VIP మిస్టరీ

ఉత్తరాఖండ్‌కు చెందిన అంకితా భండారి 2022లో రిషికేశ్‌ రిసార్ట్‌లో పనిచేస్తూ హత్యకు గురయ్యారు. ఈ కేసులో రిసార్ట్‌ యజమాని పుల్కిత్‌ ఆర్యతో పాటు మరో ఇద్దరికి 2025లో జీవిత ఖైదు పడింది. అయితే, రిసార్ట్‌కు వచ్చిన ఓ VIP అతిథికి ప్రత్యేక సేవలు అందించాలని అంకితాపై ఒత్తిడి తెచ్చినట్లు వచ్చిన ఆరోపణలలో ఆ VIP దుష్యంత్‌ కుమార్‌ గౌతమేనని అంకితా కుటుంబం భావిస్తుంది. తాజాగా ఆయనను సిక్కిం గవర్నర్‌గా నియమించడాన్ని వ్యతిరేకిస్తూ అంకిత తల్లిదండ్రులు నిరసన చేప్పట్టారు.

National· 19m ago

బంగ్లాదేశ్ తరహా ఉద్యమం.. నేహా బోరాపై BJP నేత కామెంట్స్!

బంగ్లాదేశ్ Gen-Z నిరసనల తరహాలో భారత్‌లోనూ ఉద్యమం రావాలని AISA ప్రెసిడెంట్ నేహా బోరా కోరినట్లు BJP నేత ప్రదీప్ భండారీ ఆరోపించారు. ఈ ఉద్యమం వెనుక రాహుల్ గాంధీ ఆలోచనలు ఉన్నాయని విమర్శించారు. ప్రజాస్వామ్య మార్గంలో అధికారంలోకి రాలేక అశాంతిని ఎంకరేజ్ చేస్తున్నారని ఆరోపించారు. ప్రశాంత్ భూషణ్ విప్లవం, రక్తపాతం గురించి మాట్లాడిన తర్వాత రాహుల్‌తో కలిసి ప్రెస్‌మీట్‌లో పాల్గొనడం వెనుక రాజకీయ వ్యూహం ఉందని ప్రదీప్ భండారీ తెలిపారు.