Latest
మోదీ భయపడుతున్నారా: ప్రకాశ్ రాజ్
కేరళలోని కోజికోడ్‌లోని ఓ కార్యక్రమంలో నటుడు ప్రకాశ్ రాజ్ PM మోది, HM అమిత్ షా పై తీవ్ర విమర్శలు చేశారు. బాబా సాహెబ్ అంబేద్కర్ రాజ్యాంగ శక్తితో, మహాత్మా గాంధీ తరహాలో శాంతియుత నిరసనలతో ప్రజాస్వామ్యబద్ధంగా పోరాడి మిమ్మల్ని గద్దె దించుతాం అని ఘాటుగా స్పందించారు. భగత్ సింగ్ తరహాలో గట్టిగా పోరాడతామని కామెంట్ చేశారు. “Jab jab Modi darta hai, police ko aage karta hai” (మోదీ భయపడినప్పుడల్లా పోలీసులను ముందుకు నెడతారు) అని ఆయన అన్నారు.
రైతుబజార్ల కోసం ఎదురుచూపులు
చీరాల, రేపల్లె ప్రజలకు తక్కువ రేటుకు ఫ్రెష్ వెజిటెబుల్స్ అందేలా రైతుబజార్లు పెట్టడంలో లేట్ అవుతోంది. మార్కెట్లో మధ్యవర్తుల దోపిడీతో జనం రేట్లు భరించలేకపోతున్నారు. జిల్లాలో కూరగాయలు బాగా పండినా, బాపట్లలో 2019లో కట్టిన రైతుబజార్ గత ప్రభుత్వంలో మూలనపడింది. కూటమి సర్కార్ వచ్చాక 2024 డిసెంబర్లో ఓపెన్ చేసినా, ఆఫీసర్ల నిర్లక్ష్యంతో మళ్లీ బోసిపోయింది. రోడ్లపైనే అమ్మకాలు సాగుతుండటంతో ట్రాఫిక్ జామ్ అవుతోంది. మున్సిపల్ ఎలక్షన్ల తర్వాతైనా కొత్త లీడర్లు స్పందించి వీటిని బాగు చేయాలని ప్రజలు కోరుతున్నారు.
పోలీసులకు థాంక్స్.. ధ్రువ్ రాఠీ
ధ్రువ్ రాఠీను అరెస్ట్ చేసినట్లు తప్పుడు ప్రచారం చేసిన ఇద్దరు ‘X’ యూజర్లపై నోయిడా పోలీసులు కేసు ఫైల్ చేశారు. ఈ నెల 16న ధ్రువ్ అరెస్ట్ అయినట్లు కొన్ని అకౌంట్లు పోస్టులు పెట్టగా, అందులో నిజం లేదని పోలీసులు స్పష్టం చేశారు. ఈ పోస్టులు ప్రజల్లో భయాందోళనలు సృష్టించేలా ఉన్నాయని FIRలో స్పష్టం చేశారు. ఈ చర్యలకు నోయిడా పోలీసులకు ఆయన <a href="https://x.com/dhruv_rathee/status/2111851774290325661?s=20">థాంక్స్ చెప్పారు</a>. తప్పుడు ప్రచారం చేస్తున్న మరో ఇద్దరు X యూజర్లపై చర్యలు తీసుకోవాలని కోరుతూ ముంబై పోలీసులను ట్యాగ్ చేశారు.
చిన్నపాటి టెన్షన్ మినహా నామినేషన్లు ప్రశాంతం
ప్రకాశం జిల్లా దర్శిలో జరిగిన గొడవ తప్ప నామినేషన్లన్నీ పీస్‌ఫుల్‌గా సాగాయని ప్రకాశం SP హర్షవర్ధన్‌రాజు చెప్పారు. దర్శిలో YCP లీడర్లు లిమిట్‌కి మించి జనాన్ని తీసుకెళ్లడం, ఎంట్రీ దగ్గర కొందరు అత్యుత్సాహంతో SIలపై దాడి చేయడంతో తోపులాట జరిగిందన్నారు. పోలీసులు లాఠీఛార్జ్ చేసి పరిస్థితిని కంట్రోల్ చేశారని, YCP అభ్యర్థులకు సెక్యూరిటీ ఇచ్చి నామినేషన్ వేయిద్దామన్నా.. టైమ్ అయిపోయిందనే టెన్షన్‌తో వాళ్లే పేపర్లు చింపుకుని వెళ్లిపోయారని స్పష్టం చేశారు.
తణుకు సీట్లపై ఎమ్మెల్యేను కలిసిన జనసేన లీడర్లు
స్థానిక సంస్థల ఎన్నికల్లో పశ్చిమ గోదావరి జిల్లా తణుకులో తమకు పట్టున్న చోట సీట్లు ఇవ్వాలని జనసేన లీడర్లు డిమాండ్ చేశారు. జిల్లా ప్రెసిడెంట్ గోవిందరావు ఆదేశాలతో ఎమ్మెల్యే ఆరిమిల్లి రాధాకృష్ణను కలిసి రిక్వెస్ట్ చేశారు. దీనికి స్పందించిన ఎమ్మెల్యే,, కూటమి పెద్దల ఆర్డర్ ప్రకారం తణుకులో జనసేనకు తగిన ప్రాతినిధ్యం ఇస్తామని ప్రామిస్ చేశారు. ఈ మీటింగ్‌లో ఇరు పార్టీల లీడర్లు పాల్గొన్నారు.
విచారణలో డ్రామాలెందుకు: నేహా బోరా
CJP లీడర్స్ సౌరవ్ దాస్, ఆశుతోష్ రంకా బెయిల్ విచారణపై నేహా బోరా స్పందించారు. <a href="https://www.theclearcutnews.com/n/nA6emk5">బెయిల్ విచారణ</a> జరగాల్సిన ప్రక్రియ కోర్టు డ్రామాలా మారిందని ఆమె విమర్శించారు. స్పెషల్ ఎగ్జిక్యూటివ్ మేజిస్ట్రేట్ ఆలస్యంగా రావడం, మధ్యలో బెదిరింపు ఆరోపణ తెరపైకి రావడం, చివరకు బెయిల్ పిటిషన్‌పై వాదనలు జరగకపోవడాన్ని ప్రస్తావించారు. సినిమా చూడకముందే శుభం కార్డు పడినట్లుగా జరుగుతున్న పరిణామాలు ఉన్నాయని నేహా 'X' లో ట్వీట్ చేశారు.
దగదర్తి జెడ్పీటీసీ బరిలో సిద్ధేశ్వరరావు
నెల్లూరు జిల్లా దగదర్తి మండల జెడ్పీటీసీ వైసీపీ అభ్యర్థిగా సిద్ధేశ్వరరావును ఎంపిక చేశారు. కావలి నియోజకవర్గ రాజకీయాల్లో భాగంగా జెడ్పీటీసీ స్థానాలలో వైసీపీ గెలుపే లక్ష్యంగా పనిచేయాలని పార్టీ జిల్లా నాయకులు సూచించారు. అభ్యర్థిగా సిద్ధేశ్వరరావు ఎంపికపై స్థానిక పార్టీ నాయకులు, కార్యకర్తలు హర్షం వ్యక్తం చేశారు.
మోకాళ్లపై కూర్చొని NHM ఉద్యోగుల నిరసన
మహబూబ్‌నగర్ జిల్లా కేంద్రంలో జాతీయ ఆరోగ్య మిషన్ (NHM) కాంట్రాక్ట్, ఔట్‌సోర్సింగ్ ఉద్యోగుల నిరవధిక సమ్మె ఆరోరోజు కొనసాగింది. ఉద్యోగులు మోకాళ్లపై కూర్చొని వినూత్నంగా నిరసన తెలిపారు. తమ సమస్యలను ప్రభుత్వం పరిష్కరించాలని డిమాండ్ చేశారు. ఎన్నో ఏళ్లుగా ఆరోగ్య శాఖలో వివిధ బాధ్యతలు నిర్వహిస్తూ ప్రజలకు వైద్యసేవలు అందిస్తున్న ఉద్యోగులకు న్యాయం చేయాలని కోరారు. కాంట్రాక్ట్, ఔట్‌సోర్సింగ్ ఉద్యోగుల క్రమబద్ధీకరణ, సమాన పనికి సమాన వేతనం అమలు చేయాలన్నారు.
జగిత్యాల జిల్లా వ్యాప్తంగా బతుకమ్మ నిమజ్జనాలు
జగిత్యాల జిల్లా వ్యాప్తంగా సద్దుల బతుకమ్మ నిమజ్జన వేడుకలు ఘనంగా నిర్వహించారు. మహిళలు పెద్ద సంఖ్యలో రంగురంగుల పూలతో పేర్చిన బతుకమ్మలను తీసుకుని సంప్రదాయ పాటలు పాడుతూ, ఆటపాటలతో సందడి చేశారు. చెరువులు, కుంటలు, పుష్కరఘాట్ల వద్ద ప్రత్యేకంగా ఏర్పాటు చేసిన నిమజ్జన ప్రదేశాల్లో బతుకమ్మలను నిమజ్జనం చేశారు. మహిళల కోలాహలం, బతుకమ్మ పాటలతో జిల్లా వ్యాప్తంగా పండుగ వాతావరణం నెలకొంది.
పూసపల్లిలో బతుకమ్మ సంబరాలు
భద్రాద్రి కొత్తగూడెం జిల్లా ఇల్లందు మండలం 21 పిట్ ఏరియాలోని పూసపల్లిలో సర్పంచ్ ధనసరి స్రవంతి రాజు ఆధ్వర్యంలో బతుకమ్మ సంబరాలు ఘనంగా నిర్వహించారు. ఈ సందర్భంగా సర్పంచ్ దంపతులు ప్రజలకు బతుకమ్మ, దసరా శుభాకాంక్షలు తెలిపారు. ఇల్లందు పట్టణంలోని వాడవాడలా, బస్తీ బస్తీల్లో మహిళలు, చిన్నారులు ఉత్సాహంగా బతుకమ్మ వేడుకల్లో పాల్గొన్నారు. పూల పండుగ సంబరాలతో పట్టణమంతా సందడిగా మారింది.
జయవాడ ఉత్సవ్‌పై పెమ్మసాని ప్రశంసలు
విజయవాడ ఉత్సవ్ 2.0 చాలా గ్రాండ్‌గా జరుగుతోందని కేంద్రమంత్రి పెమ్మసాని చంద్రశేఖర్ మెచ్చుకున్నారు. ఎంపీ కేశినేని శివనాథ్ పట్టుబట్టి మరీ జాతీయ సరస్ మేళాను విజయవాడకు తీసుకువచ్చారని, దీనివల్ల అన్ని రాష్ట్రాల డ్వాక్రా మహిళల ఉత్పత్తులకు మంచి గుర్తింపు వస్తుందని తెలిపారు. ఈ ఉత్సవాలతో నగరానికి ఒక మంచి బ్రాండ్ వచ్చిందని కొనియాడారు.
మైసూరు దసరా.. రాజసం అదుర్స్
కర్ణాటక సంస్కృతి, సంప్రదాయాలకు ప్రతీకగా నిలిచే మైసూరు దసరా ఉత్సవాలు వైభవంగా జరుగుతున్నాయి. ఈ నెల 11 నుంచి 21 వరకు నిర్వహించే ఈ వేడుకలు అందరినీ.. ఆకట్టుకుంటున్నాయి. వేలాది విద్యుద్దీపాలతో మెరిసే మైసూరు రాజభవనం ప్రత్యేక ఆకర్షణగా నిలుస్తుంది. దసరా రోజున జరిగే జంబూ సవారీ ఈ ఉత్సవాల్లో ప్రధానం. అలంకరించిన ఏనుగుపై బంగారు అంబారీని ఉంచి, అందులో చాముండేశ్వరి అమ్మవారి ఉత్సవ విగ్రహాన్ని ఊరేగిస్తారు. ఇక్కడ ఏనుగులు, గుర్రాలు, జానపద ప్రదర్శనలతో పాటు బన్నిమంటప్‌ టార్చ్‌లైట్‌ పరేడ్‌ అందరిని ఆకట్టుకుంటుంది.
జాతీయ అథ్లెటిక్స్‌లో సూర్యాపేట విద్యార్థిని సత్తా
పంజాబ్ రాష్ట్రం పాటియాలాలోని సుశీలాదేవి పబ్లిక్ స్కూల్‌లో అక్టోబర్ 15 నుంచి 20 వరకు జరుగుతున్న జాతీయ నేషనల్ BCSE అథ్లెటిక్ మీట్–2026లో సూర్యాపేటకు చెందిన బి. సాత్విక సత్తా చాటింది. అండర్-14 బాలికల 600 మీటర్ల పరుగు పందెంలో మొదటి స్థానం సాధించి గోల్డ్ మెడల్ గెలుచుకుంది. సూర్యాపేట జిల్లా కేంద్రంలోని MSR Central Schoolలో 6వ తరగతి చదువుతున్న సాత్విక సాధించిన విజయంపై తల్లిదండ్రులు, ఉపాధ్యాయులు అభినందనలు తెలిపారు.
జెడ్పీటీసీ బరిలో మెట్టుకూరి శిరీషారెడ్డి
నెల్లూరు జిల్లా కలిగిరి మండల టీడీపీ జెడ్పీటీసీ అభ్యర్థిగా మాజీ ఎంపీపీ మెట్టుకూరి శిరీషారెడ్డిని ఉదయగిరి ఎమ్మెల్యే కాకర్ల సురేష్ ఖరారు చేశారు. మాజీ పోలీస్ హౌసింగ్ కార్పొరేషన్ చైర్మన్ మెట్టుకూరి చిరంజీవిరెడ్డి సతీమణి అయిన శిరీషారెడ్డి ఎంపికపై ఆయన హర్షం వ్యక్తం చేశారు. కలిగిరి మండలంలో పార్టీ బలోపేతానికి కృషి చేస్తామని, మెట్టుకూరి నాయకత్వంలో 12 ఎంపీటీసీ స్థానాలతో పాటు జెడ్పీటీసీ స్థానాన్ని గెలుచుకుని పార్టీకి కానుకగా అందిస్తామని హామీ ఇచ్చారు.
పూర్వ విద్యార్థుల విజయాలకు ప్రత్యేక గుర్తింపు
ఖమ్మం జిల్లా వేంసూరు మండలం మర్లపాడు గ్రామంలో భీమిరెడ్డి పుల్లారెడ్డి అధ్యక్షతన ‘జయహో మర్లపాడు’ వేడుకలను ఘనంగా నిర్వహించారు. ఈ కార్యక్రమానికి సింగరేణి జీఎం వెంకటాచారి, తహసీల్దార్ మాణికరావు ముఖ్య అతిథులుగా హాజరయ్యారు. వివిధ రంగాల్లో ఉన్నత స్థానాలకు చేరుకున్న 25 మంది పూర్వ విద్యార్థులను సన్మానించారు. గ్రామ అభివృద్ధికి భీమిరెడ్డి పుల్లారెడ్డి చేసిన సేవలను పలువురు కొనియాడారు. మర్లపాడు గ్రామ చరిత్ర, పాఠశాల ఘనతను వివరించారు.
44 వార్డులూ మనవే : జయనాగేశ్వర రెడ్డి
కర్నూలు జిల్లా ఎమ్మిగనూరు మున్సిపల్ TDP చైర్మన్ క్యాండిడేట్ మాచాని సునీత నామినేషన్ కార్యక్రమంలో ఎమ్మెల్యే జయనాగేశ్వర రెడ్డి పాల్గొన్నారు. రెండేళ్ల కూటమి పాలనలో రోడ్లు, డ్రైనేజీలు, తాగునీటి సమస్యలను పరిష్కరించామని చెప్పారు. ఈ అభివృద్ధిని చూసి తట్టుకోలేకే YCP గొడవలు చేస్తోందని, ప్రజలు విధ్వంసకర పార్టీలను పక్కన పెట్టాలని పిలుపునిచ్చారు. టీడీపీ, బీజేపీ, జనసేన కలిసి పనిచేసి 44 వార్డులూ గెలుస్తామని ధీమా వ్యక్తం చేశారు.
చిత్తూరులో నామినేషన్ల జోరు
చిత్తూరు నగరపాలక సంస్థ ఎన్నికల్లో నామినేషన్ల జోరు కొనసాగింది. మేయర్ పదవి, 60 వార్డులకు మొత్తం 620 నామినేషన్లు దాఖలయ్యాయి. మేయర్ పదవికి 14, వార్డు సభ్యుల స్థానాలకు 606 నామినేషన్లు వచ్చాయి. మేయర్ పదవికి టీడీపీ నుంచి 6, వైఎస్సార్‌సీపీ నుంచి 3, కాంగ్రెస్ నుంచి 1, స్వతంత్రుల నుంచి 4 నామినేషన్లు దాఖలయ్యాయి. వార్డులకు టీడీపీ 271, వైఎస్సార్‌సీపీ 177, జనసేన 37, బీజేపీ 19, ఇతర పార్టీలు, స్వతంత్రుల నుంచి 102 నామినేషన్లు వచ్చినట్లు అధికారులు వెల్లడించారు.
చిత్తూరులో ఎన్నికల సన్నద్ధతపై అధికారుల సమీక్ష
చిత్తూరు జిల్లా కలెక్టరేట్‌లో స్థానిక సంస్థల ఎన్నికల ఏర్పాట్లపై జిల్లా ఎన్నికల అబ్జర్వర్ ఎల్. శివ శంకర్ సమీక్ష నిర్వహించారు. ఎన్నికల నిర్వహణకు చేపట్టాల్సిన చర్యలపై అధికారులతో చర్చించారు. ఈ సమావేశంలో జిల్లా కలెక్టర్ సుమిత్ కుమార్, ఎస్పీ తుషార్ డూడి, జాయింట్ కలెక్టర్ ఆదర్శ రాజేంద్రన్‌తో పాటు పలువురు జిల్లా అధికారులు పాల్గొన్నారు. ఎన్నికల ఏర్పాట్లకు సంబంధించిన అంశాలపై సమీక్ష కొనసాగింది.
నేలకొండపల్లి మండలంలో సద్దుల బతుకమ్మ వేడుకలు
ఖమ్మం జిల్లా నేలకొండపల్లి మండలంలోని కొత్తకొత్తూరు, తిరుమలాపురం, బోడులబండ గ్రామాల్లో సద్దుల బతుకమ్మ వేడుకలు వైభవంగా ముగిశాయి. మహిళలు పెద్ద సంఖ్యలో పాల్గొని వివిధ రకాల పూలతో బతుకమ్మలను అందంగా పేర్చి, గౌరమ్మకు భక్తిశ్రద్ధలతో పూజలు నిర్వహించారు. అనంతరం సంప్రదాయ బతుకమ్మ పాటలు పాడుతూ, చప్పట్లు కొడుతూ బతుకమ్మల చుట్టూ తిరిగి ఉత్సాహంగా సంబరాలు చేసుకున్నారు. మహిళల ఆటపాటలతో ఆయా గ్రామాల్లో పండుగ సందడి నెలకొంది. గ్రామాల్లో ఆధ్యాత్మిక వాతావరణం వెల్లివిరిసింది.
మున్సిపల్ పోరుకు భారీగా నామినేషన్లు
చిత్తూరు జిల్లా పలమనేరు మున్సిపల్ ఎన్నికలు–2026లో నామినేషన్ల ప్రక్రియ కొనసాగుతోంది. మూడో రోజు 85 నామినేషన్లు దాఖలయ్యాయి. మొత్తం 36 వార్డులకు ఇప్పటివరకు 150 మంది అభ్యర్థులు నామినేషన్లు సమర్పించారు. చైర్‌పర్సన్ పదవికి 7 నామినేషన్లు వచ్చాయి. వార్డుల అభ్యర్థుల్లో టీడీపీ నుంచి 69, వైఎస్సార్‌సీపీ నుంచి 62, బీజేపీ నుంచి 3, జనసేన నుంచి 6, స్వతంత్రులు 6, ఇతరులు 4 నామినేషన్లు దాఖలు చేసినట్లు మున్సిపల్ కమిషనర్ లోకేష్ వర్మ వెల్లడించారు.
MPTC, ZPTC ఎలక్షన్ల షెడ్యూల్
విశాఖ జిల్లాలో MPTC, ZPTC ఎన్నికల నోటిఫికేషన్ ఇవాళ రానుంది. ఆనందపురం, భీమిలి, పెందుర్తి, పద్మనాభం మండలాల్లో 4 జడ్పీటీసీ, 53 ఎంపీటీసీ స్థానాలకు ఈనెల 21 నుంచి నామినేషన్లు తీసుకుంటారు. జడ్పీ కార్యాలయంలో ZPTCలకు, మండల ఆఫీసుల్లో MPTCలకు నామినేషన్ల ఏర్పాట్లు చేశారు. పోలింగ్ వచ్చే నెల 3న ఉంటుంది. రిటర్నింగ్ ఆఫీసర్‌గా జడ్పీ CEO నారాయణమూర్తి వ్యవహరిస్తారు.