Current Affairs

▶

Current Affairs· 12 Oct 2026

రాహుల్ గాంధీతో కలిసి నేహా బోరా ర్యాలీ

CEC జ్ఞానేశ్ కుమార్ రాజీనామా, Vote Chori, SIR ప్రక్రియపై నిరసన తెలుపుతూ ఇండియా బ్లాక్ నేతలు సుప్రీంకోర్టు వైపు నిర్వహించిన ‘చలో ఢిల్లీ – March for Democracy’లో విద్యార్థి నాయకురాలు నేహా బోరా రాహుల్ గాంధీతో కలిసి ఒకే బస్సులో ప్రయాణించారు. AISA జాతీయ అధ్యక్షురాలు నేహా బోరా, సామాజిక కార్యకర్త యోగేంద్ర యాదవ్‌తో కలిసి రాహుల్ గాంధీ సహా ఇండియా బ్లాక్ నేతలు ప్రయాణించిన బస్సులో కనిపించారు. ఈ వీడియోను నేహా బోరా టీమ్ ఎక్స్‌లో పోస్ట్ చేసింది.

Current Affairs· 12 Oct 2026

మానసిక యుద్ధంగా మారిన రాజకీయ పోరు

జ్ఞానేష్ కుమార్ తనను సంప్రదించడానికి ప్రయత్నిస్తున్నారని రాహుల్ గాంధీ ప్రెస్ కాన్ఫరెన్స్‌లో చెప్పారు. ప్రభుత్వ వర్గాలు మాత్రం CEC రాజీనామా చేయడం లేదా అతన్ని తొలగించే ఒత్తిడికి లొంగడం అనే ప్రశ్నే లేదని అంటున్నాయి. మనం తీవ్రమైన PSYOPS(మానసిక యుద్ధం) కాలంలో ఉన్నాం. రాజకీయ పోరు ఇప్పుడు మానసిక యుద్ధంగా మారింది. ఎవరు ముందు లొంగుతారు? 2027 తర్వాత మిగిలేదెవరో చూస్తూ ఉండాలా? పిక్చర్ అభి బాకీ హై! – జర్నలిస్టు రాజ్‌దీప్ సర్దేశాయ్ (X Account Post)

Current Affairs· 12 Oct 2026

ఓటర్ లిస్ట్‌లో భగత్ సింగ్ ఫొటో

పంజాబ్‌లోని లూధియానా ఈస్ట్ ఓటర్ లిస్ట్‌లో ఓటరు ఫొటో ప్లేస్‌లో ఫ్రీడమ్ ఫైటర్ భగత్ సింగ్ ఫోటో కనిపించడం చర్చనీయాంశంగా మారింది. ఈ తప్పుపై కాంగ్రెస్ నేత అమరీందర్ సింగ్ రాజా వారింగ్ ప్రశ్నలు లేవనెత్తారు. దీంతో అధికారులు, పాత ఓటర్ లిస్ట్ నుంచి ఈ పొరపాటు జరిగిందని తెలిపారు. ఓటర్ల వివరాలను వెరిఫై చేసే టైమ్‌లో ఈ తప్పును గుర్తించి సరిచేసినట్లు స్పష్టం చేశారు. సరైన ఫోటోలతో ఫైనల్ ఓటర్ లిస్ట్‌ను అక్టోబర్ 12న విడుదల చేయనున్నట్లు వెల్లడించారు. ఓటర్ లిస్ట్‌లో ఇలాంటి తప్పులు ఎలా జరిగాయనే అంశంపై చర్చ మొదలైంది.

Current Affairs· 12 Oct 2026

రికార్డుల్లోకి శ్రీశైలం డ్యామ్

శ్రీశైలం డ్యాంకు అంతర్జాతీయ గుర్తింపు లభించింది. దేశంలోనే World Book of Records(లండన్‌)లో స్థానం దక్కించుకున్న తొలి ప్రాజెక్టుగా గుర్తింపు పొందింది. 60 అడుగుల వెడల్పు, 55 అడుగుల ఎత్తున్న క్రస్ట్ గేట్లు, భారీ వరదలను తట్టుకునే సామర్థ్యాన్ని పరిశీలించిన నిపుణుల బృందం ఈ గుర్తింపుకు రికమెండ్ చేసింది. ఈరోజు శ్రీశైలం‌లో జరిగే కార్యక్రమంలో సంస్థ సౌత్ రీజియన్ జాయింట్ సెక్రటరీ ఇలియాజర్, MLA బుడ్డా రాజశేఖర్‌రెడ్డి, ఇరిగేషన్ CE కబీర్ బాషా, డ్యాం SE వేణుగోపాల్‌కు సర్టిఫికెట్ అందజేయనున్నారు.

Current Affairs· 12 Oct 2026

నేటి నుంచి శ్రీవారి నవరాత్రి ఉత్సవాలు

తిరుమల శ్రీవారి నవరాత్రి బ్రహ్మోత్సవాలు ఈరోజు నుంచి ప్రారంభం కానున్నాయి. ఈ నెల 20 వరకు జరిగే ఉత్సవాల కోసం గుడిని పూలతో అందంగా అలంకరించారు. నిన్న రాత్రి శాస్త్రోక్తంగా అంకురార్పణ నిర్వహించి, విశ్వక్సేనులవారిని మాడవీధుల్లో ఊరేగించారు. తొలి రోజు ఉదయం 9 నుంచి 11 గంటల వరకు బంగారు తిరుచ్చి, రాత్రి 7 నుంచి 9 గంటల వరకు పెద్దశేష వాహన సేవ జరగనుంది. దసరా సెలవులు ఉండటంతో భక్తుల రద్దీ పెరిగే అవకాశం ఉండటంతో TTD విస్తృత ఏర్పాట్లు చేసింది.

Current Affairs· 12 Oct 2026

అల్పపీడనం.. మళ్లీ వర్షాలు

దక్షిణ బంగాళాఖాతంలో ఆవర్తనం ఏర్పడింది. అక్టోబర్ 13 నాటికి అల్పపీడనంగా మారుతుంది. ఇది గుండ్రంగా కాకుండా.. పొడవుగా, అసాధారణ ఆకృతిలో ఉండబోతోంది. AP వైపు వస్తోంది. దీని ప్రభావం AP, తెలంగాణతోపాటూ.. ఒడిశా, తమిళనాడుపై కూడా ఉంటుంది. బుధవారం లేదా గురువారం నుంచి వర్షాలు పడే ఛాన్స్ ఉంది. ఇవాళ అక్టోబర్ 12న మాత్రం రెండు తెలుగు రాష్ట్రాల్లో పొడి వాతావరణం ఉంటుంది. పలుచని మేఘాలతో ఎండ ఎక్కువగానే ఉంటుంది. వర్షం పడే ఛాన్స్ లేదు. గంటకు 20 కిలోమీటర్ల వేగంతో గాలులు వీస్తాయి.

Current Affairs· 11 Oct 2026

నానమ్మ మరణం.. పోలీసుల తీరుపై అభిజీత్ దీప్కే ప్రశ్నలు!

అభిజీత్ దీప్కే ఢిల్లీ పోలీసుల తీరుపై తన <a href="https://x.com/abhijeet_dipke/status/2109281570599457278">‘X’లో తీవ్ర ఫైర్ అయ్యారు.</a> తన నానమ్మ చనిపోయిన విషయం తెలిసినప్పటికీ, ఉదయం 3:30 గంటలకు అరెస్ట్ పేపర్లపై సైన్ చేయాలని పోలీసులు ఒత్తిడి చేశారని అన్నారు. తన ఫోన్ ఇచ్చి కజిన్ నంబర్ తీసుకోవడానికి, లాయర్లతో మాట్లాడేందుకు కూడా అనుమతి కోరానని తెలిపారు. లాయర్లతో మాట్లాడే వరకు అరెస్ట్ పేపర్లపై సంతకం చేయనని స్పష్టం చేశానన్నారు. ఇప్పుడు మానవత్వం గురించి మాట్లాడుతున్న పోలీసులు, అప్పుడు ఎక్కడున్నారని ప్రశ్నించారు.

▶

Current Affairs· 11 Oct 2026

భక్తుల ఊరేగింపులోకి దూసుకొచ్చిన ట్రక్.. ముగ్గురు మృతి!

కర్ణాటకలోని బెళగావి జిల్లాలో ఘోర ప్రమాదం జరిగింది. దుర్గమ్మ విగ్రహ ఊరేగింపులోకి వెనుక నుంచి ట్రక్ దూసుకురావడంతో ముగ్గురు భక్తులు అక్కడికక్కడే మృతి చెందారు. మరో 10 మందికి పైగా గాయాలయ్యాయి. వీరిలో నలుగురి పరిస్థితి క్రిటికల్‌గా ఉంది. బెళగావి నుంచి హుంచ్యానట్టి గ్రామానికి విగ్రహాన్ని తీసుకెళ్తుండగా హట్టరగి టోల్ ప్లాజా దగ్గరలో ఈ ఘటన జరిగింది. గాయపడిన వారిని హాస్పిటల్‌‌కు తీసుకెళ్లారు. ప్రమాదంపై పోలీసులు ఇన్వెస్టిగేషన్ చేస్తున్నారు.

▶

Current Affairs· 11 Oct 2026

ట్రెండింగ్‌లో విమలక్క ప్రొటెస్ట్ సాంగ్!

తెలంగాణ విమలక్క పాడిన ‘ఎవరో ఒకరు ఎపుడో అపుడు పుడతారులే.. మళ్లీ మళ్లీ’ పాట సోషల్ మీడియాలో మరోసారి వైరల్ అవుతోంది. ఈ పాటను రెలారే ప్రసాద్ రీక్రియేట్ చేశారు. అంబేద్కర్, భగత్ సింగ్, చే గువేరా చిత్రాలతో పాటు నిరసన విజ్యువల్స్ యాడ్ చేసిన వీడియో నెటిజన్లను ఆకట్టుకుంటోంది. ప్రజల బాధను తమ బాధగా భావించి, సమాజ మార్పు కోసం పోరాడే వ్యక్తులు మళ్లీ మళ్లీ పుడుతూనే ఉంటారనే భావం ఈ పాటలో ఉంది. అందుకే విప్లవ, సామాజిక న్యాయ ఉద్యమాల్లో ఈ పాటకు ప్రత్యేక గుర్తింపు ఉంది.

Current Affairs· 11 Oct 2026

అభిజీత్ చెప్పిన అజింక్యా షిండే ఎవరు?

CJPలో కీలక బాధ్యతలు నిర్వహిస్తున్న అజింక్య శిండే ఓ కంప్యూటర్ ఇంజినీర్. కాక్రోచ్ జనతా పార్టీ‌లో (CJP) చురుగ్గా పనిచేస్తూ.. కోర్ టీమ్‌లో కీలక సభ్యుడిగా ఉన్నారు. ప్రెసెంట్ CJP నేషనల్ ఆర్గనైజేషన్ ఇన్‌ఛార్జ్‌గా ఉన్న షిండే, ప్రభుత్వ పాఠశాలల పరిస్థితులను మెరుగుపరిచేందుకు CJP చేపట్టిన ‘School Thik Karo’ ప్రచారంలోనూ కీలకంగా పనిచేశారు. CJP నేతలను పోలీసులు డిటైన్ చేయడంతో, వారి విడుదల కోసం జంతర్ మంతర్ దగ్గర చేపట్టే నిరసనలకు ఆయన నాయకత్వం వహించనున్నారు.

▶

Current Affairs· 11 Oct 2026

నేడు ఛలో జంతర్ మంతర్.. CJP పిలుపు

ఢిల్లీ ఎయిర్‌పోర్టులో పార్టీ నేతలు డిటైన్ అయినా CJP వెనక్కి తగ్గడం లేదు. CEC జ్ఞానేశ్ కుమార్ రిజైన్ చేయాలని డిమాండ్ చేస్తూ ఈరోజు ఉదయం 11 గంటలకు జంతర్ మంతర్ దగ్గర మరోసారి ప్రొటెస్టు‌కు CJP ప్రకటించింది. పార్టీ నేతలను డిటైన్ చేసినా తమ ఆందోళన ఆగదని CJP నేషనల్ ఆర్గనైజేషన్ ఇన్‌ఛార్జ్ అజింక్యా షిండే స్పష్టం చేశారు. ప్రొటెస్టర్స్ అధిక సంఖ్యలో పాల్గొనాలని ఆయన పిలుపునిచ్చారు. ఓటర్ల జాబితా అవకతవకలపై CEC బాధ్యత వహించే వరకు ప్రొటెస్ట్ కొనసాగిస్తామన్నారు.

Current Affairs· 11 Oct 2026

CJP నేతల ప్రశ్న.. ప్రభుత్వం ఏం చెప్పాలనుకుంటోంది?

ఢిల్లీ ఎయిర్‌పోర్టులో డిటైన్ చేసిన కాక్రోచ్ జనతా పార్టీ (CJP) నేతలు అభిజీత్ దీప్కే, అశుతోష్ రాంక, సౌరవ్ దాస్‌లను పోలీసులు వేర్వేరు ప్రాంతాలకు తరలించారు. CEC జ్ఞానేశ్ కుమార్ రిజైన్ చేయాలని డిమాండ్ చేస్తూ ప్రొటెస్ట్ కి వచ్చిన నేతలను ఇలా విడివిడిగా ఉంచడంపై చర్చ మొదలైంది. అసలు వారిని వేర్వేరు ప్రాంతాలకు ఎందుకు తరలించారు? దీని వెనుక కారణమేంటి? ప్రభుత్వం ప్రజలకు ఏం చెప్పాలనుకుంటోందని CJP నేతలు ప్రశ్నిస్తున్నారు.

▶

Current Affairs· 10 Oct 2026

స్టూడెంట్స్‌పై RSS దాష్టీకం.. ఇదేనా ఫ్రెండ్లీ పోలీసింగ్?

ఎలక్షన్ కమిషన్‌లో అవకతవకలు జరిగాయంటూ CEC జ్ఞానేశ్ కుమార్ రాజీనామా చేయాలని ఢిల్లీలో విద్యార్థులు నిరసన చేపట్టారు. ఈ ఆందోళనలో టీనేజర్లపై పోలీసులు దాడి చేశారనే ఆరోపణలు వస్తున్నాయి. పోలీసుల సమక్షంలో RSS కండువాలతో కొందరు ఆందోళన చేస్తున్నా, విద్యార్థులపై దాడిచేస్తున్నా.. పోలీసుల మౌనంపై విమర్శలు వస్తున్నాయి. అసలు ఎంతమందిని డిటైన్ చేశారు? ఇదేనా ఫ్రెండ్లీ పోలీసింగ్, పోలీసుల తీరుపై ప్రజాస్వామ్య హక్కుల గురించి ప్రశ్నలు తలెత్తుతున్నాయి.

Current Affairs· 10 Oct 2026

అమితాబ్ బచ్చన్‌కు కోర్టు షాక్.. నవంబర్ 16 కీలకం!

బాలీవుడ్ నటుడు అమితాబ్ బచ్చన్ పర్సనాలిటీ రైట్స్ కేసులో ఢిల్లీ హైకోర్టు కీలక ఆదేశాలు ఇచ్చింది. తన పేరు, ఫోటో, వాయిస్‌ను పర్మిషన్ లేకుండా వాడుతున్నారంటూ 2022లో ఆయన కేసు వేశారు. కొందరు ప్రతివాదులతో సెటిల్‌మెంట్ కుదిరినా, అగ్రిమెంట్‌పై సంతకాలు పూర్తి కాలేదు. నవంబర్ 16లోపు సెటిల్‌మెంట్ పూర్తి కాకపోతే, కేసును కొనసాగించాలనుకుంటే అమితాబ్ స్వయంగా కోర్టుకు హాజరు కావాలని స్పష్టం చేసింది.

▶

Current Affairs· 10 Oct 2026

నటుడు ఇమ్రాన్ ఖాన్ సహా 400 మంది డిటైన్!

ముంబైలోని ఆగస్ట్ క్రాంతి మైదాన్‌లో CJP నిరసన సందర్భంగా పోలీసులు భారీగా చర్యలు తీసుకున్నారు. నటుడు ఇమ్రాన్ ఖాన్‌తో పాటు దాదాపు 400 మంది ప్రొటెస్టర్స్‌ను డిటైన్ చేశారు. ఢిల్లీలోని జంతర్ మంతర్ దగ్గర CEC జ్ఞానేశ్ కుమార్‌కు వ్యతిరేకంగా జరుగుతున్న నిరసనకు సపోర్ట్‌గా ఈ ఆందోళన చేపట్టారు. ఓటర్ లిస్ట్‌లో అవకతవకలు జరిగాయనే ఆరోపణలపై CJP ఈ నిరసనకు పిలుపునిచ్చింది. ఈ ఘటనకు సంబంధించిన మరిన్ని వివరాలు తెలియాల్సి ఉంది.

▶

Current Affairs· 10 Oct 2026

మోదీ, ఆర్‌ఎస్‌ఎస్‌ ముఖ్య లక్షణం పిరికితనం: రాహుల్ గాంధీ

తను 10 సంవత్సరాలుగా మోదీ, ఆర్‌ఎస్‌ఎస్‌పై పోరాడుతున్నానని, వారి ముఖ్య లక్షణం పిరికితనం అని కాంగ్రెస్ నేత రాహుల్ గాంధీ అన్నారు. మోదీ, అమిత్ షా, మోహన్ భాగవత్, జ్ఞానేష్ కుమార్, అజిత్ ధోవల్ లాంటి వారి చుట్టూ ఉచ్చు బిగుస్తోందని అన్నారు. మోదీ ఎంత మంది పోలీసులను పిలిచినా, ఎంత మంది నాయకులను, యువకులను అరెస్టు చేసినా వెనక్కి తగ్గమని అన్నారు. తాము రాజ్యాంగాన్ని కాపాడతామని చెప్పారు.

▶

Current Affairs· 10 Oct 2026

నాయకులను రిలీజ్ చేయకపోతే.. సోనమ్ వాంగ్‌చుక్ హెచ్చరిక

లడఖ్‌కు చెందిన పర్యావరణ కార్యకర్త సోనమ్ వాంగ్‌చుక్ తన ఎక్స్ అకౌంట్‌లో వీడియో పోస్ట్ చేశారు. దేశంలో అప్రకటిత అత్యవసర పరిస్థితి నెలకొందని అన్నారు. “ఉద్యమాన్ని నడిపించేందుకు చాలా మంది నాయకులు ఉన్నారని సంతోషపడ్డాను. వాళ్లందరికీ అరెస్టు చేశారని తెలిసింది. అరెస్టైన వారిని త్వరలో విడుదల చేస్తారని ఆశిస్తున్నాను. రేపటిలోపు వారిని విడుదల చేయకపోతే నేను ఉపవాసం లేదా పాదయాత్ర చేయాల్సి వస్తుంది” అని వాంగ్‌చుక్ ప్రకటించారు.

▶

Current Affairs· 10 Oct 2026

జంతర్‌మంతర్‌లో పోలీసులు.. రోజువారీ కూలీలకు అవస్థలు

జంతర్ మంతర్‌లో CJP చేయాలనుకున్న ప్రొటెస్ట్‌ను అడ్డుకునేందుకు ఢిల్లీ పోలీసులు చేపట్టిన భద్రతా ఏర్పాట్లు, పరిమితులు కార్మికులకు అవస్థలు తెచ్చిపెట్టాయి. రోడ్ల మూసివేత, బండ్ల నిషేధం, చెక్‌పోస్టుల కారణంగా రోజువారీ కూలీలు పనులకు వెళ్లలేకపోయారు. బీహార్‌కు చెందిన నిర్మాణ కార్మికుడు రామ్ కిషన్ మీడియాతో మాట్లాడుతూ “ఉదయం నుంచి రోడ్డు మూసేశారు. బస్సులు, ఆటోలు నిలిచిపోయాయి. పనికి వెళ్లకపోతే ఆ రోజు సంపాదన పూర్తిగా పోతుంది” అని చెప్పారు.