Latest
బతుకుదెరువు కోసం దుబాయ్కి వెళ్లి..
TG: మెదక్ జిల్లా చేగుంట మండలం వడియారం గ్రామానికి చెందిన చింతకింది సాయికిరణ్(35) దుబాయ్లో గుండెపోటుతో మృతిచెందాడు. వడియారం గ్రామానికి చెందిన సాయికిరణ్కు కొన్నేళ్ల కిందట నాగలక్ష్మీతో వివాహం జరిగింది. వీరికి ఇద్దరు పిల్లలు ఉన్నారు. అయితే ఉపాధి కోసం గత ఏడాది మే నెలలో సాయికిరణ్ దుబాయ్కు వెళ్లాడు. సాయికిరణ్కు గుండెపోటు వచ్చి అక్కడికక్కడే మరణించాడు. సాయికిరణ్ మరణవార్త తెలియడంతో అతని కుటుంబసభ్యులు కన్నీరుమున్నీరుగా విలపిస్తున్నారు.
శ్రీకాకుళం: కన్న కూతుర్ని చంపేసిన తల్లి!
శ్రీకాకుళం జిల్లా బ్రాహ్మణతర్లాలో ఘోరం జరిగింది. భర్తను, కొడుకును వదిలేసి ఇంకో పెళ్లి చేసుకుంటానని చెప్పడంతో హరిణి(24) అనే యువతిని ఆమె తల్లి, తాత కలిసి చంపేశారు. అయితే ఈ మర్డర్ని దాచడానికి, ఆమె గుండె నొప్పితో చనిపోయిందంటూ భర్త పెద్ద నాటకమాడాడు. ఫైనల్గా పోలీసులు ఎంట్రీ ఇచ్చి investigation చేయడంతో ఈ దారుణ హత్య వెలుగులోకి వచ్చింది.
భార్యతో గొడవ.. పిల్లలతో ప్రాజెక్టులో దూకిన భర్త
TG: భార్యతో గొడవ జరగడంతో తీవ్ర మనస్తాపం చెందిన ఓ వ్యక్తి తన ఇద్దరు పిల్లలతో కలిసి ప్రాజెక్ట్లో దూకి ఆత్మహత్య చేసుకున్నాడు. సంగారెడ్డి జిల్లా నిజాంపేటకు చెందిన కృష్ణ (32), సవిత భార్యాభర్తలు. వీరికి ఇద్దరు పిల్లలు రక్షిత్ (8), అనన్య (5) ఉన్నారు. వీరిద్దరి మధ్య తీవ్ర వాగ్వాదం జరిగింది. దీంతో మనస్తాపానికి గురై కృష్ణ ఇద్దరు పిల్లలను తీసుకుని కామారెడ్డి జిల్లాలోని నిజాంసాగర్ ప్రాజెక్టులో దూకారు. బంధువులు ఇచ్చిన సమాచారంతో గాలింపు చేపట్టిన రెస్క్యూ టీమ్.. ముగ్గురి డెడ్బాడీలను బయటకు తీశారు.
ఎస్కార్ట్ పోలీసుల కళ్ళుకప్పి జీవిత ఖైదీ పరార్
AP: పోలీసుల కస్టడీలో నుంచి జీవిత ఖైదుగా శిక్ష అనుభవిస్తున్న వ్యక్తి రైలులో ఎస్కార్ట్ పోలీసుల కళ్ళు కప్పి పరారయ్యాడు. నంద్యాలకు చెందిన సాకే రాజ్కుమార్ పోక్సో కేసులో నిందితుడు. అతనికి కోర్టు జీవిత ఖైదు విధించడంతో కడప జైలులో ఉంచారు. పోలీసుల కస్టడీలో నుంచి జీవిత ఖైదుగా శిక్ష అనుభవిస్తున్న రాజ్ కుమార్ రైలులో ఎస్కార్ట్ పోలీసుల కళ్ళు కప్పి పరారయ్యారు. ఇటీవల కాలంలో అతని ఆరోగ్య పరిస్థితి సరిగా లేకపోవడంతో వైజాగ్లో ఓ ఆసుపత్రికి తరలించి చికిత్స అందిస్తున్నారు.
ఆడిట్లో దొరికిపోతానని ఆత్మహత్య
TG: రంగారెడ్డి కలెక్టరేట్లో ఉద్యోగిగా పనిచేసిన శ్రీధర్బాబు ఆత్మహత్య కేసులో షాకింగ్ విషయాలు వెలుగులోకి వచ్చాయి. ఫస్ట్ అతనిది సాధారణ ఆత్మహత్యగా భావించినా కేసు దర్యాప్తులో భారీ ఆర్థిక అక్రమాలు బయటపడ్డాయి. జిల్లా ట్రైబల్ శాఖకు సంబంధించిన నిధులను అక్రమంగా ఇతర ఖాతాలకు బదిలీ చేసినట్లు ఆరోపణలు వినిపిస్తున్నాయి. జిల్లా ట్రైబల్ అధికారిణి సంతకాలను శ్రీధర్ బాబు ఫోర్జరీ చేసి రూ.33 లక్షల ప్రభుత్వ నిధులు స్వాహా చేసినట్లుగా అధికారులు గుర్తించారు. ఈ వ్యవహారం ఆడిట్లో బయటపడే అవకాశం ఉండటంతో మానసిక ఒత్తిడికి గురై ఆత్మహత్యకు పాల్పడినట్లు భావిస్తున్నారు.
ఇక పైలట్ ట్రైనింగ్ కోసం పక్క రాష్ట్రాలకు వెళ్లక్కర్లేదు!
APలో ఫస్ట్ టైమ్ ఒక ఫ్లైట్ ట్రైనింగ్ అకాడమీ రాబోతోంది. రాజమండ్రి ఎయిర్పోర్ట్ దగ్గర రూ.100 కోట్ల ఇన్వెస్ట్మెంట్తో జార్విస్ ఏవియేషన్ అకాడమీని స్టార్ట్ చేస్తున్నారు. దీనికి MP పురందేశ్వరి పూజా కార్యక్రమాలు చేశారు. ఇంటర్ చదివిన వాళ్లకు 6 ఫ్లైట్స్తో ఇక్కడ మోడ్రన్ పైలట్ ట్రైనింగ్ ఇస్తారు. దీని ఫీజు దాదాపు రూ.60 లక్షల వరకు ఉండొచ్చు. నెక్స్ట్ 5, 6 నెలల్లోనే ఈ అకాడమీ ఓపెన్ అవుతుంది. దీనివల్ల దాదాపు 500 మందికి జాబ్స్ వస్తాయని అంచనా.
లిప్ట్లో చిక్కుకున్న యువకుడు
TG: మహబూబ్నగర్కు చెందిన రాహుల్ ఉప్పల్లోని శ్రీలక్ష్మి వెంకటేశ్వర బాయ్స్ హాస్టల్లో ఉంటూ NRPలో ప్రైవేట్ ఉద్యోగం చేస్తున్నాడు. డ్యూటీ ముగించుకుని హాస్టల్కు వెళ్తుండగా ఉప్పల్ మెట్రోస్టేషన్ నుంచి రాత్రి 11గంటలకు 6-B స్కైవాక్ లిఫ్ట్ ఎక్కి కిందకు దిగుతుండగా లిఫ్ట్ సడెన్గా మధ్యలో ఆగిపోయింది. రాహుల్ లిఫ్ట్లోనే చిక్కుకుపోయి భయాందోళనకు గురయ్యాడు. హైడ్రా అధికారులు, ఉప్పల్ పోలీసులు, ఫైర్ సిబ్బంది సహాయక చర్యలు చేపట్టారు. దాదాపు రెండు గంటలపాటు లిఫ్ట్లో ఉన్న రాహుల్ను టెక్నీషియన్ సహాయంతో రాత్రి 1:15 గంటలకు సురక్షితంగా బయటకు తీశారు.
కేతిరెడ్డి అరెస్ట్.. తాడిపత్రిలో హైటెన్షన్
AP: ఏపీలో కూటమి ప్రభుత్వం అధికారంలోకి వచ్చి రెండేళ్లు పూర్తి చేసుకున్న సందర్భంగా YCP నాయకులు 'వెన్నుపోటుకు రెండేళ్లు' పేరుతో నిరసన ర్యాలీలు చేపడుతున్నారు. తాడిపత్రిలో మాజీ MLA కేతిరెడ్డి పెద్దారెడ్డి ఆధ్వర్యంలో నిరసన ర్యాలీ చేపట్టగా, TDP విజయోత్సవ బైక్ ర్యాలీకి పిలుపునిచ్చింది. ఈ క్రమంలో నడిరోడ్డుపై కూర్చుని వైసీపీ మాజీ MLA కేతిరెడ్డి పెద్ది ఆందోళన చేశారు. ఇరు వర్గాల మధ్య తోపులాట జరగడంతో పోలీసులు పెద్దారెడ్డిని అరెస్ట్ చేసి అనంతపురానికి తరలించారు. దీంతో అక్కడ టెన్షన్ వాతావరణం నెలకుంది.
అపార్ట్మెంట్లో ఎగిసిపడ్డ మంటలు
TG: ఉప్పల్ భగాయత్ ప్రాంతంలోని రాయల్ రిడ్జ్ అపార్ట్మెంట్లో అగ్నిప్రమాదం జరిగింది. అపార్ట్మెంట్ ఫోర్త్ ఫ్లోర్లోని ఓ ఫ్లాట్లో షార్ట్ సర్క్యూట్తో ఒక్కసారిగా మంటలు చెలరేగాయి. బెడ్రూమ్లో ఉన్న బెడ్, ACతో పాటు ఇతర వస్తువులు కాలి బూడిదయ్యాయి. సమాచారం అందుకున్న ఫైర్ సిబ్బంది మంటలను అదుపులోకి తెచ్చారు. మంటలు చెలరేగడంతో అపార్ట్మెంట్లోని ఇతర ఫ్లాట్ల నివాసితులు టెన్షన్ పడ్డారు. ఘటన సమయంలో ఫ్లాట్లో ఎవరూ లేకపోవడంతో ప్రాణనష్టం తప్పింది.
SV యూనివర్సిటీలో చిరుతపులి కలకలం
AP: తిరుపతి SV యూనివర్సిటీలోని చొప్పల రత్నం బిల్డింగ్, ఐ బ్లాక్, జీ బ్లాక్ మధ్య చిరుతపులి తిరుగుతున్నట్టు సిబ్బంది గుర్తించారు. ఇటీవల కాలంలో యూనివర్సిటీ పరిసర ప్రాంతాలలో చిరుతల సంచారం కామన్ అయిపోయింది. వెటర్నరీ యూనివర్సిటీ, వేద విశ్వవిద్యాలయం పరిసరాలు, సిబ్బంది క్వార్టర్స్లో చిరుతపులులు తిరుగుతూ భయాందోళనకు గురిచేస్తున్నాయి. ఆహారం కోసం వచ్చే కుక్కలను అనుసరిస్తూ వస్తున్నాయని అధికారులు గుర్తించారు. అధికారులు ఎప్పటికప్పుడు వాటి కదలికలను పరిశీలిస్తూ బోన్లు ఏర్పాటు చేసి నిర్భందిస్తున్నారు.
రాఘవ లారెన్స్ పొలిటికల్ ఎంట్రీ?
ఫేమస్ కొరియోగ్రాఫర్, యాక్టర్ రాఘవ లారెన్స్ పొలిటికల్ ఎంట్రీపై ఒక వీడియో రిలీజ్ చేశారు. అది చూసి ఫ్యాన్స్ ఇచ్చే అడ్వైస్ బట్టే తన పొలిటికల్ ఎంట్రీ ఉంటుందని చెప్పారు. ఒకవేళ వాళ్ళు ‘నో’ చెప్తే పాలిటిక్స్లోకి రానని, ఎప్పటిలాగే సోషల్ సర్వీస్ చేసుకుంటానని స్పష్టం చేశారు. ఒకవేళ ‘యస్’ అని గ్రీన్ సిగ్నల్ ఇస్తే మాత్రం, ఎవరితో కలిసి జర్నీ స్టార్ట్ చేస్తానో త్వరలోనే అనౌన్స్ చేస్తానంటూ లారెన్స్ ఫ్యాన్స్ బ్లెస్సింగ్స్ కోరారు.
'క్లీన్ రికార్డ్ ఉన్న నేతను అడ్డుకోవడం దుర్మార్గం'
TG: తెలంగాణ కాంగ్రెస్ వ్యవహారాల ఇంఛార్జ్ మీనాక్షి నటరాజన్ రాజ్యసభ నామినేషన్ తిరస్కరణపై టీపీసీసీ వర్కింగ్ ప్రెసిడెంట్ జగ్గారెడ్డి ఫైరయ్యారు. ఆయన జాతీయ మీడియాతో మాట్లాడుతూ.. మధ్యప్రదేశ్లోని బీజేపీ ప్రభుత్వం ఎలక్షన్ కమిషన్ అడ్డం పెట్టుకుని కుట్రపూరితంగా వ్యవహరించిదన్నారు. ఆమెపై ఎలాంటి క్రిమినల్ కేసులు లేవని, కోర్టుల్లో ఎలాంటి వివాదాలు పెండింగ్లో లేవన్నారు. క్లీన్ రికార్డ్ ఉన్న నేతను అడ్డుకోవడం దుర్మార్గం అని జగ్గారెడ్డి ఆగ్రహం వ్యక్తం చేశారు.
దొరకని పాప జాడ.. కుక్కకు GPS ట్రాకర్
AP: కాకినాడ జిల్లా తుని మండలం దొండవాక పంచాయతీ పరిధిలోని సీహెచ్ అగ్రహారానికి చెందిన రెండేళ్ల చిన్నారి జ్ఞానేశ్వరి ఆచూకీ ఇంకా దొరకలేదు. ఈ నెల 6న మిస్సైన చిన్నారి కోసం దాదాపు 500 మంది పోలీసులు అడవిని జల్లెడ పడుతున్నా ప్రయోజనం దక్కట్లేదు. ఈ కేసులో పెంపుడు కుక్క కీలకంగా మారడంతో పోలీసులు పలు విధాలుగా ప్రయత్నాలు చేస్తున్నారు. దానికి పోలీసులు GPS ట్రాకర్ అమర్చారు.
తప్పుడు లెక్కలు సృష్టించి.. 3.61 కోట్లు స్వాహా
AP: అనంతపురం జిల్లాలో నిర్వహించిన ఉపాధి హామీ పనుల్లో అక్రమాలు జరిగాయి. జిల్లాలోని 31 మండలాల పరిధిలో చేయని పనులకు బిల్లులు చెల్లించడం, తప్పుడు పేర్లు నమోదు చేయడం, పనికి రాకున్నా మరొకరి పేర్లతో కూలి వేతనాలు చెల్లించడం, వంటి అనేక రూపాల్లో నిధుల దుర్వినియోగం జరిగినట్లు అధికారులు గుర్తించారు. గత ఏడాది జరిగిన ఉపాధి పనుల్లో రూ. 3.61 కోట్ల నిధులు దుర్వినియోగమైనట్లు అధికారులు గుర్తించారు. ఫీల్డ్ అసిస్టెంట్, టెక్నికల్ అసిస్టెంట్ తదితరులు అక్రమాలకు పాల్పడిన వారిలో ఉన్నారు. రికవరీ కోసం విజిలెన్స్ అధికారులు చర్యలు చేపట్టారు.
సముద్రంలో రెస్య్కూ కి మానవ రహిత సీ డ్రోన్స్ !
డ్రోన్ బోట్ చరిత్ర సృష్టించింది.హోర్ముజ్ జలసంధి సమీపంలో కూలిపోయిన అపాచీ హెలికాప్టర్ సిబ్బందిని అమెరికా నౌకాదళం 'సరోనిక్ కోర్సెయిర్' అనే ఆర్టిఫిషియల్ ఇంటెలిజెన్స్ (AI) డ్రోన్ బోట్ ద్వారా సేఫ్ గా ఒడ్డుకు చేర్చింది. . సైనిక చరిత్రలో ఒక మానవరహిత నౌక సముద్రంలో సిబ్బందిని రక్షించడం ఇదే మొదటిసారి. 140 కి.మీ వేగంతో దూసుకెళ్లే ఈ అధునాతన సీ-డ్రోన్ను టెక్సాస్కు చెందిన సరోనిక్ టెక్నాలజీస్ రూపొందించింది.
డీలిమిటేషన్.. TGలో 26 MPలు , APలో 38 MPలు
దేశంలో లోక్సభ నియోజకవర్గాల పునర్విభజనపై ప్రధాని ఆర్థిక సలహా మండలి కీలక ప్రతిపాదనలు చేసింది. తెలంగాణలో హైదరాబాద్, సికింద్రాబాద్, మల్కాజిగిరి, మెదక్లను మూడేసి నియోజకవర్గాలుగా, చేవెళ్లను రెండుగా విభజించనున్నారు. APలో రాజంపేట, కడప, నంద్యాల, కర్నూలు, అనంతపురం, విశాఖపట్నంలను మూడుగా, మచిలీపట్నం నియోజకవర్గాన్ని 2గా చేయనున్నారు. లోక్సభ నియోజకవర్గాల పునర్విభజనతో తెలంగాణలో లోక్సభ సీట్లు 17 నుంచి 26కు, ఆంధ్రప్రదేశ్లో 25 నుంచి 38కు పెరగనున్నాయి.
దేశంలో ఇక 824 MP స్థానాలు
దేశంలో లోక్సభ నియోజకవర్గాల పునర్విభజనపై ప్రధాని ఆర్థిక సలహా మండలి కీలక ప్రతిపాదనలు చేసింది. దేశంలో లోక్సభ నియోజకవర్గాల సంఖ్యను 824కు పెంచాలని, ప్రస్తుతమున్న 543లో 373 నియోజకవర్గాలను యథాతథంగా ఉంచి, 59 స్థానాలను 2గా, 111 స్థానాలను 3 నియోజకవర్గాలుగా విభజించాలని సూచించింది. మొత్తంగా 170 స్థానాలను విభజిస్తేచాలని సూచించింది. ఇందుకోసం పట్టణ, ఎస్సీ, ఎస్టీ, మహిళల జనాభా, భాషా సమీకరణాలు, భాషా వైవిధ్యం, గత లోక్సభ ఎన్నికల్లో పోలింగ్ శాతాలను పరిగణనలోకి తీసుకోవాలని ప్రతిపాదించింది.
OUలో కొత్త సాఫ్ట్వేర్.. PHD స్కాలర్స్కు షాక్
TG: ఉస్మానియా యూనివర్సిటీలో PHD స్కాలర్స్ AI సాయంతో పరిశోధనలు పూర్తిగా చేయకుండానే ప్రాజెక్టు రిపోర్ట్స్ సమర్పిస్తున్నట్లు OU అధికారులు గుర్తించారు. సరికొత్త AI చెకింగ్ సాఫ్ట్వేర్ను అందుబాటులోకి తీసుకువచ్చారు. ఏఐ ద్వారా పరిశోధన పూర్తిచేసి రికార్డులు సమర్పించిన విద్యార్థులకు PHD సీటు రాకుండా చేస్తామని అధికారులు వార్నింగ్ ఇస్తున్నారు. పీహెచ్డీ స్కాలర్లు చాట్జీపీటీ, జెమిని సహా ఇతర AI టూల్స్ ఉపయోగించి పరిశోధన పత్రాలను సమర్పిస్తున్నారని గుర్తించారు. స్పెషల్ సాఫ్ట్వేర్తో టెస్ట్ చేస్తున్నట్లు పేర్కొన్నారు.
ఫెమినిజానికి చెక్- మహిళల కోసం చైనాలో సేఫ్ సెంటర్లు
చైనాలో ఫెమినిజం పై ప్రభుత్వం కఠిన నిబంధనలు విధిస్తూ, పాతకాలపు విధానాలను ప్రోత్సహిస్తోంది. ఈ నేపథ్యంలో ‘చెంగ్డూ’ నగరంలోని కొన్ని ప్రత్యేక ప్రాంతాలు ( బుక్ పాయింట్లు, కేఫ్లు) మహిళలు తమ అభిప్రాయాలు చెప్పుకోడానికి సేఫ్ సెంటర్లుగా మారాయి. అక్కడ వారు ఎలాంటి భయం లేకుండా తమ భావాలను ఎక్స్ ఛేంజ్ చేసుకుంటూ, సమానత్వం కోసం చర్చలు జరుపుతున్నారు. ప్రభుత్వ ఆంక్షలు పెరుగుతున్నా, ఈ సెంటర్ లు మహిళా చైతన్యానికి నిలయాలుగా నిలుస్తున్నాయి.
'మా ఆయన బతికే ఉంటారని అనుకున్నా'
AP: ఒమన్ తీరంలో నౌకపై జరిగిన దాడిలో మృతి చెందిన మెరైన్ ఇంజినీర్ పట్నాల సురేశ్ భార్య భార్గవి కన్నీరుమున్నీరయ్యారు. మా ఆయన గల్లంతైన సమాచారం అందినప్పటికీ ఆయన బతికే ఉంటారని భరోసాతో ఉన్నానన్నారు. దాడి జరిగినప్పుడు సముద్రంలోకి దూకి ప్రాణాలు కాపాడుకొని ఉంటారని అనుకున్నా కానీ ఆ తర్వాత కొన్ని గంటల్లోనే మరణ వార్త వినాల్సి వచ్చిందని భార్గవి తెలిపారు. విశాఖపట్నం శ్రీహరిపురంలోని శ్రీనివాసనగర్కు చెందిన సురేశ్కు భార్య భార్గవితో పాటు ఇద్దరు కుమారులున్నారు.
ఆ పార్టీకి TRS పేరును కేటాయించొద్దు: BRS
TG: మాజీ MLC కల్వకుంట్ల కవిత స్థాపించిన తెలంగాణ రక్షణ సేన (TRS) పార్టీ పేరుపై రాజకీయంగా తీవ్ర అభ్యంతరాలు వ్యక్తమవుతున్నాయి. TRS పేరును ఆ కొత్త పార్టీకి కేటాయించవద్దని BRSతోపాటు పలువురు కేంద్ర ఎన్నికల సంఘానికి ఫిర్యాదులు చేశారు. తెలంగాణ రాష్ట్ర సమితి(TRS) అనే పేరుతో తమ పార్టీ దశాబ్దాలపాటు తెలంగాణ సెంటిమెంట్తో ముడిపడి ఉందని BRS నేతలు గుర్తుచేశారు. కాబట్టి టీఆర్ఎస్ పేరును మరో పార్టీకి కేటాయించవద్దని కోరారు. కవిత స్థాపించిన TRS పార్టీ పేరు రిజిస్ట్రేషన్పై ఎలక్షన్ కమిషన్కు ఇప్పటివరకు దాదాపు 700కుపైగా అభ్యంతరాలు అందాయి.