హృదయ విదారకం.. కదల్లేని స్థితిలో చెల్లయ్య

By VANDAVASI NAGARAJU· 1h ago· Tirupati, Peddapuram, Kakinada

తిరుపతి రూరల్ మండలం సి.మల్లవరం గిరిజన గ్రామంలో చెల్లయ్య దయనీయ పరిస్థితిలో జీవిస్తున్నారు. అనారోగ్యంతో కదలలేని స్థితిలో ఉన్న ఆయనకు కనీసం తినడానికి ఆహారం కూడా లేక ఇబ్బందులు పడుతున్నారని స్థానికులు తెలిపారు. సి. మల్లవరం పర్యటనలో ఈ పరిస్థితిని సీపీఎం జిల్లా కార్యదర్శి గుర్తించారు. చెల్లయ్యకు తక్షణమే ఆహారం, వైద్యం, నివాసం, అవసరమైన ప్రభుత్వ సహాయం అందించాలని కోరారు. ప్రభుత్వ అధికారులు, ప్రజాప్రతినిధులు స్పందించి ఆయనకు అండగా నిలవాలని కోరారు.

హృదయ విదారకం.. కదల్లేని స్థితిలో చెల్లయ్య

More in Local

Local· 3m ago

పెన్షన్లు పంపిణీ చేసిన BJP నేత జొన్నడ రంజిత్

విజయనగరం జిల్లా రాజాం పట్టణంలోని 20వ వార్డులో NTR భరోసా పెన్షన్లను BJP విజయనగరం జిల్లా కార్యవర్గ సభ్యుడు జొన్నడ రంజిత్ పంపిణీ చేశారు. సచివాలయ సిబ్బందితో కలిసి వితంతువులు, వికలాంగులు, ఒంటరి మహిళలకు పెన్షన్లు అందించారు. అనంతరం రంజిత్ మాట్లాడుతూ.. రాష్ట్ర ప్రభుత్వం ఎన్నికల్లో ఇచ్చిన హామీలను నెరవేర్చే దిశగా పనిచేస్తోందని తెలిపారు. ప్రధాని నరేంద్ర మోడీ నాయకత్వంలో ఆంధ్రప్రదేశ్ అభివృద్ధి పథంలో ముందుకు సాగుతోందని చెప్పారు.

Local· 4m ago

ఉదయగిరి PM SHRI స్కూల్‌లో SMC ఎన్నికలు

నెల్లూరు జిల్లా ఉదయగిరి PM SHRI ప్రభుత్వ ఉన్నత పాఠశాలలో SMC ఎన్నికలు ప్రశాంతంగా ముగిశాయి. పాఠశాల కమిటీని ఏకగ్రీవంగా ఎన్నుకున్నారు. కమిటీ చైర్మన్‌గా మొగల్ ఖాజా జమీర్, వైస్ చైర్మన్‌గా SK. సాజిద ఎన్నిక కాగా, 13 మంది సభ్యులు ఏకగ్రీవంగా ఎన్నికయ్యారు. అనంతరం ప్రధానోపాధ్యాయుడు శ్రీనివాసులు నూతన సభ్యులతో ప్రమాణ స్వీకారం చేయించారు. పాఠశాల అభివృద్ధి, విద్యార్థుల సంక్షేమానికి నూతన కమిటీ సభ్యులు కృషి చేయాలని సంబంధిత అధికారులు సూచించారు.

Local· 12m ago

SIRకు వ్యతిరేకంగా రౌండ్ టేబుల్ సమావేశం

SIR ప్రక్రియను రద్దు చేయాలని తిరుపతి జిల్లా రేణిగుంటలో వామపక్షాలు, ఇతర రాజకీయ పార్టీలు, ప్రజా సంఘాల ఆధ్వర్యంలో రౌండ్ టేబుల్ సమావేశం నిర్వహించారు. రేణిగుంట పంచాయతీ కార్యాలయం వద్ద సీపీఎం ప్రాంతీయ కమిటీ కన్వీనర్ కొండ్రెడ్డి హరినాథ్ అధ్యక్షతన జరిగిన సమావేశంలో కాంగ్రెస్, సీపీఐ, వైసీపీ, జనసేనతో పాటు వివిధ ప్రజా సంఘాల ప్రతినిధులు పాల్గొన్నారు. SIRలో తొలగించిన ఓటర్ల పేర్లను తిరిగి జాబితాలో చేర్చాలని, ఓటర్ల హక్కులకు నష్టం కలగకుండా చూడాలని వారు కోరారు.

Local· 25m ago

బతుకమ్మ వేడుకలకు బిగ్ అరేంజ్‌మెంట్స్

మేడ్చల్ మల్కాజిగిరి జిల్లా కూకట్‌పల్లి నియోజకవర్గంలో జరగనున్న బతుకమ్మ వేడుకల ఏర్పాట్లపై MLA మాధవరం కృష్ణారావు గురువారం క్షేత్రస్థాయిలో పరిశీలించారు. IDL రంగధాముని చెరువును సందర్శించి వేడుకలకు సంబంధించిన ఏర్పాట్లపై అధికారులతో చర్చించారు. ప్రతి ఏడాది కూకట్‌పల్లి నియోజకవర్గంలో పెద్దఎత్తున బతుకమ్మ వేడుకలను నిర్వహిస్తున్నామని తెలిపారు. వేడుకలకు వచ్చే మహిళలకు ఎలాంటి అసౌకర్యం కలగకుండా అన్ని ఏర్పాట్లు చేయాలని అధికారులను ఆదేశించారు.