చంద్రబాబు, పవన్, నితీష్‌లపై ప్రకాశ్ రాజ్ కామెంట్స్

By Vishi· 55m ago

TG: SIR ప్రక్రియపై నటుడు, సామాజిక కార్యకర్త ప్రకాశ్ రాజ్ తీవ్ర విమర్శలు చేశారు. హైదరాబాద్ ప్రెస్‌క్లబ్‌లో ఆయన మాట్లాడుతూ SIR ప్రక్రియ తప్పు అని తెలుసుకొని ఇప్పుడు జ్ఞానేష్ కుమార్ మళ్లీ దిద్దుబాటు చర్యలు మొదలుపెట్టాడని అన్నారు. ఇవన్నీ ఎవరు కోసం చేస్తున్నాడని ప్రశ్నించారు. ఇంత జరుగుతున్నా చంద్రబాబు, పవన్, నితీష్ కుమార్ లాంటి నేతలు ఎందుకు ప్రశ్నించడం లేదని అడిగారు. ప్రజల ఓట్లు పోయినప్పుడు ప్రజాప్రతినిధులు జవాబుదారీగా ఉండాలని అన్నారు.

More in TG

TG· 1h ago

BMW ఆపి రూ.5 వేలు డిమాండ్.. నలుగురు అరెస్ట్!

TG: హైదరాబాద్‌ జూబ్లీహిల్స్‌లో BMW ఓనర్‌ను అడ్డుకుని, హిజ్రాలుగా 5వేల రూపాయలు డిమాండ్ చేసిన కేసులో నలుగురిని పోలీసులు అరెస్ట్ చేశారు. ఆగస్టు 21న రోడ్ నంబర్ 45లో జరిగిన ఘటనకు సంబంధించిన <a href="https://x.com/TOIHyderabad/status/2106047990897267112">వీడియో బయటకు రావడంతో</a> పోలీసులు నెలరోజుల పాటు 500 CCTV కెమెరాలను స్కాన్ చేసి నిందితుల మూవ్‌మెంట్‌ను ట్రేస్ చేశారు. బోడుప్పల్‌లో నిందితులను అదుపులోకి తీసుకున్నారు. కొత్త షాపులు, గృహప్రవేశాల వద్ద కూడా డబ్బులు డిమాండ్ చేసినట్లు పోలీసులు తెలిపారు.

TG· 1h ago

‘ఈసారి పోటీ చేయను’.. అక్బరుద్దీన్ షాకింగ్ కామెంట్స్!

TG: పాతబస్తీలోని తన ఎడ్యుకేషన్ క్యాంపస్‌లో స్టూడెంట్స్‌తో జరిగిన కార్యక్రమంలో అక్బరుద్దీన్ ఓవైసీ తన పొలిటికల్ జర్నీ గురించి మాట్లాడారు. ఈ సందర్భంగా వచ్చే ఎన్నికల్లో తన పోటీపై కీలక కామెంట్స్ చేశారు. ‘నేను ముసలోడిని అయిపోయాను.. వచ్చే ఎన్నికల్లో పోటీ చేస్తానో లేదో తెలియదు. పోటీ చేయాలని ఆలోచన కూడా లేదు.. చేయను’ అని అన్నారు. దీంతో అక్బరుద్దీన్ కామెంట్స్ పాతబస్తీ రాజకీయాల్లో హాట్ టాపిక్‌గా మారాయి.

త్వరలో ‘ఆపరేషన్‌ బ్లూ కోడ్‌’: కల్వకుంట్ల కవిత

▶

TG· 2h ago

త్వరలో ‘ఆపరేషన్‌ బ్లూ కోడ్‌’: కల్వకుంట్ల కవిత

TG: భూపాలపల్లి జిల్లా ప్రభుత్వ హాస్పిటల్లోని SNCU వార్డులో సీలింగ్‌ భాగం కూలిందని తెలంగాణ రక్షణ సేన అధ్యక్షురాలు కల్వకుంట్ల కవిత తెలిపారు. ఆ టైంలో వార్డులో చిన్నారులు లేకపోవడంతో ప్రమాదం తప్పిందన్నారు. ఆదిలాబాద్‌ RIMSలో అగ్ని ప్రమాదంలో ఐదుగురు శిశువులు మృతి చెందిన ఘటనను ఆమె ప్రస్తావించారు. హాస్పిటల్లో మౌలిక వసతులపై ప్రభుత్వం దృష్టి పెట్టాలని కోరారు. హాస్పిటల్లను సందర్శించి పరిస్థితులను పరిశీలించేందుకు ‘ఆపరేషన్‌ బ్లూకోడ్‌’ చేపడతామని ప్రకటించారు.

TG· 2h ago

అమిత్ షా తెలంగాణ టూర్ క్యాన్సిల్!

TG: కేంద్ర హోం మంత్రి అమిత్ షా తెలంగాణ టూర్‌ను క్యాన్సిల్ చేసుకున్నారు. రేపు కరీంనగర్‌లోని ఓ ప్రైవేట్ కార్యక్రమానికి ఆయన చీఫ్ గెస్ట్‌గా హాజరుకావాల్సి ఉంది. తరువాత హైదరాబాద్‌లో రాష్ట్ర BJP కొత్త ఇన్‌ఛార్జ్‌లతో భేటీ అయ్యే అవకాశమున్నట్లు పార్టీ వర్గాలు భావించాయి. తూప్రాన్ మండలం బ్రహ్మణపల్లిలోనూ అమిత్ షా పర్యటన ఉంటుందనే సమాచారం రావడంతో అధికారులు సెక్యూరిటీ అరేంజ్‌మెంట్స్ చేశారు. చివరి నిమిషంలో అమిత్ షా టూర్ క్యాన్సిల్ అయ్యింది.